महराविरुद्ध २ अभियोगमा मुद्दा चलाउन राय
सारांश
- निवर्तमान सभामुख कृष्णबहादुर महरामाथि करणी (बलात्कार) र एउटै कार्यालयकी कर्मचारीसँग करणी प्रयास गरेको फरक–फरक दुई अभियोगमा मुद्दा चलाउन प्रहरीले राय दिएको छ ।
- महानगरीय प्रहरी परिसरले अनुसन्धान पूरा गरी शुक्रवार सरकारी वकिलको कार्यालयमा रासहितको प्रतिवेदन बुझाएको हो ।
- तिहार बिदाका कारण आइतवारदेखि अदालत बन्द हुने भएकाले आगामी विहीवार प्रतिवेदनको विषयमा निर्णय हुनेछ ।
निवर्तमान सभामुख कृष्णबहादुर महरामाथि करणी (बलात्कार) र एउटै कार्यालयकी कर्मचारीसँग करणी प्रयास गरेको फरक–फरक दुई अभियोगमा मुद्दा चलाउन प्रहरीले राय दिएको छ ।
महानगरीय प्रहरी परिसरले अनुसन्धान पूरा गरी शुक्रवार सरकारी वकिलको कार्यालयमा रासहितको प्रतिवेदन बुझाएको हो । तिहार बिदाका कारण आइतवारदेखि अदालत बन्द हुने भएकाले आगामी विहीवार प्रतिवेदनको विषयमा निर्णय हुनेछ ।
पीडित सांसद सचिवालयकी कर्मचारीको उमेर १८ वर्षभन्दा माथि रहेको र उनीमाथि बलात्कार प्रयास भएको आरोप लगेकाले पुष्टि भए महारालाई साढे तीनदेखि पाँच वर्षको सजाय हुनेछ ।
प्रहरीले एउटै कार्यस्थल÷कार्यक्षेत्रमा कार्यरत कर्मचारीमाथि करणीको प्रयास आरोपमा पनि अभियोग दावी गरेको छ । जसअनुसार दुई वर्षसम्म कैद सजाय र २० हजार रुपैयासम्म जरिवाना हुन सक्छ ।
आजको कान्तिपुर राष्ट्रिय दैनिकमा कृष्ण ज्ञवाली र मातृका दाहालले यो समाचार लेखेका छन् ।
प्रतिक्रिया