मेलमिलाप दुवै पक्षको विजय : फाटिएको मन जोड्न सहज
सारांश
- काठमाडौं ।
- प्रधानन्यायाधीश चोलेन्द्र शम्सेर जवराले मेलमिलाप मार्फत विवाद समाधान गर्दा पक्षहरुबीच सम्बन्ध सुधार गरी न्यायपूर्ण र शान्तिपूर्ण समाजको निर्माणमा योगदान पुग्ने बताएका छन् ।
- मेलमिलापकर्ताहरुको दोस्रो राष्ट्रिय सम्मेलनमा बोल्दै प्रधानन्यायाधीशले विवाद निरुपण गर्दा छोटो समय, कम खर्चमा हुने भएकाले मेलमेलमिलाप पद्धतिलाई जोड दिनुपर्ने बताए ।
काठमाडौं । प्रधानन्यायाधीश चोलेन्द्र शम्सेर जवराले मेलमिलाप मार्फत विवाद समाधान गर्दा पक्षहरुबीच सम्बन्ध सुधार गरी न्यायपूर्ण र शान्तिपूर्ण समाजको निर्माणमा योगदान पुग्ने बताएका छन् ।
मेलमिलापकर्ताहरुको दोस्रो राष्ट्रिय सम्मेलनमा बोल्दै प्रधानन्यायाधीशले विवाद निरुपण गर्दा छोटो समय, कम खर्चमा हुने भएकाले मेलमेलमिलाप पद्धतिलाई जोड दिनुपर्ने बताए ।
अदालतमा मुद्दा नआउदै मेलमिलापको विषयमा आम नागरिकलाई सचेत गराउन सके जनताको न्यायमा पहुँचको अवस्था बढ्ने बताए ।
मेलमिलाप पद्धतिबाट समाधानयोग्य विवाद र यस प्रक्रियाबाट विवाद समाधान गर्दाका फाईदा वा महत्वका बारेमा आम नागरिकलाई जानकारी हुन आवश्यक रहेको भनाई छ ।
प्रधानन्यायाधीश जबराले मेलमिलाप पद्धतिबाट हामीले हासिल गरेका अनुभव र भोगेका चुनौतिहरुलाई मूल्यांकन गरी आगामी दिनमा अझ प्रभावकारी रुपमा सञ्चालन गर्न सबै पक्षको सहयोगको हुनु आवश्यक रहेको बताए ।
कार्यक्रममा कानुन न्याय तथा संसदीय मामिला मन्त्री माननीय भानुभक्त ढकालले विवाद समाधानको बैकल्पिक उपाय मेलमिलापले जनताको न्यायमा पुहँचको अधिकारलाई रक्षा गर्ने बताए । अदालतबाट लामो समय फैसला र कार्यान्वयनको समस्या हुने भएकाले बैकल्पिक माध्यमबाट विवादको समाधान हुँदा फाटिएको मन जोड्न सहज हुने बताए ।
संघीय मामिला तथा सामान्य प्रशासन मन्त्री लालबाबु पण्डितले मेलमिलापले अदालतमा मुद्दाको चाप घटने र विवादका पक्षहरु समेत लामो समय, बढि खर्च हुने भएकाले सहज बाटो अबलम्बन गराउन सचेतनाको आवश्यकता रहेको बताए । स्थानीय तहका न्यायिक समितिलाई पनि कतिपय मेलमिलाप पद्दतिको अनुभव र प्रक्रियामा समस्या हुने भएकाले थप सहयोगको आवश्यकता रहेको बताए ।
कार्यक्रममा नेपाल बार एशोसिएशनका अध्यक्ष चण्डेश्वर श्रेष्ठले कानुन व्यवसायीले कहिलेकाँही मेलमिलाप गर्दा आफ्नो मुद्दा घट्छ कि भन्ने धारणा रहेपनि मेलमिलाप ब्यवसायकै एक रुप हो भन्ने बुझ्नु जरुरी रहेको बताए ।
मेलमिलाप अभियानमा कतिपय कम्जोरी रहेकाले मुद्दा अदालतमा प्रवेश गर्नु अगावै सचेतना अभियान सञ्चालन गर्नुपर्ने आवश्यकता रहेको उल्लेख गरे ।
कार्यक्रममा उद्योग वाणिज्य महासँघकी अध्यक्ष भवानी राणाले मेलमिलाप पद्धति विकाश निर्माण, कर्पोर्ट सेक्टर, भौतिक पूर्वाधार तथा श्रम व्यवस्थापन जस्ता क्षेत्रमा यसको प्रभावकारिता हुने बताइन् ।
प्रतिक्रिया