‘रिह्याब’ सेन्टरबाट युवती भागेर प्रहरीकहाँ पुगेपछि …

काठमाडौं । प्रहरीले काठमाडौंको बुढानिलकण्ठको ‘रिह्याब’ सेन्टरमा शारीरिक र मानसिक यातना भएको भन्दै प्रहरीकहाँ पुगेपछि प्रहरीले छापा मारेपछि ५१ जना युवतीको उद्दार गरेको छ ।

बुढानिलकण्ठमा रहेको कृपाघर भनिने बेथेस्टा होम पुनर्स्थापना केन्द्रमा छापा मारेर प्रहरीले महिलाको प्रहरीले उद्दार गरेको हो । पुनस्थापना केन्द्रबाट भागेर दुईजना युवती भागेर टेकुप्रहरी कार्यालयमा पुगेका थिए ।

अनुसन्धानपछि पुनस्थापना केन्द्रको नाममा अमानवीय व्यवहार हुने गरेको खुलेपछि प्रहरीले छापा मारेको थियो । उनीहरुको नाम भने खुलाइएको छैन । यौन दुर्व्यवहार भएको हुनसक्ने आशंका गरिएपनि पुष्टि नभएको प्रहरीको भनाइ छ । 

काठमाडौं महानगर प्रहरी टेकु परिसरका डीएसपी होविन्द्र बोगटीको नेतृत्वमा गएको टोलीले छापा मारेर ५१ जना युवतीको उद्दार गरेको हो । पुनस्थापना केन्द्रमा दुई सञ्चालक, दुईजना कामदार पक्राउ गरेको छ । पुनस्थापनाका केन्द्रका सन्तोष गौचन, श्रुति गुरुङ पक्राउ परेकाछन् । अन्य पक्राउ परेका युवती १२ देखि ६० वर्षसम्मका युवती छन् ।

प्रहरीले उद्दार गरी २० जनालाई परिवारको जिम्मा लगाइएको छ भने बाँकी २९ जनालाई माइती नेपालको आश्रयस्थलमा राखिएको छ । रिह्याब सेन्टरको एउटै कोठामा २५ जनासम्मलाई राखेर शारीरिक, मानसिक यातना दिइने गरिएको थियो ।