वर्षाले जनकपुरका सरकारी कार्यालय डुबानमा
सारांश
- जनकपुरधाम ।
- अविरल वर्षाले धनुषास्थित सरकारी कार्यालय डुबानमा परेका छन्।
- पानीको निकास हुन नसकेकाले सरकारी कार्यालय रहेका सडक जलाशयमा परिणत भएको छ भने कार्यालय परिसरमा दुई फिटभन्दा माथि पानी जमेको छ ।
जनकपुरधाम । अविरल वर्षाले धनुषास्थित सरकारी कार्यालय डुबानमा परेका छन्। पानीको निकास हुन नसकेकाले सरकारी कार्यालय रहेका सडक जलाशयमा परिणत भएको छ भने कार्यालय परिसरमा दुई फिटभन्दा माथि पानी जमेको छ ।
एकीकृत शहरी विकास आयोजनाले नाला निर्माणको कार्य गर्दा ह्युम पाइप राख्दा गरेको लापरबाहीले पानीको बहाव बन्द भई धनुषाका सरकारी कार्यालय डुबानमा परेका हुन् ।
राष्ट्रिय समाचार समिति, आन्तरिक राजश्व, हुलाक, परिवार नियोजन, महिला विकास, कोष तथा लेखा नियन्त्रण र जिल्ला प्रहरी कार्यालय परिसर डुबानमा परेको छ ।
राष्ट्रिय समाचार समितिमा तीन फिटभन्दा बढी पानी जमेका कारण समाचार सम्प्रेषण र कार्यालय सञ्चालनमा समस्या भएको छ। पानीले प्रजिअको आवास क्षेत्रस्थित सुरक्षा गार्ड परिसर पनि जलमग्न भएको छ ।
कुल कमेन्ट:
0
Abhiyan Post
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया