विश्व उत्कृष्ट फुटबलरको प्राम्भिक मनोनयनमा रियल मड्रिडको बर्चस्व
सारांश
- काठमाडौं ।
- विश्व फुटबलको उत्कृष्ट टोलीको रुपमा रहँदै रियल मड्रिडले फिफा बेष्ट प्लेयरको प्रारम्भिक सूचिमा रियल मड्रिडका खेलाडीहरु हावी भएका छन् ।
- फिफाले बिहीबार ‘द वेष्ट’को प्रारम्भिक सूचि सार्वजनिक गरेको छ र २४ खेलाडीमध्ये युरोपियन च्याम्पियन रियलबाट ७ खेलाडी परेका छन् ।
काठमाडौं । विश्व फुटबलको उत्कृष्ट टोलीको रुपमा रहँदै रियल मड्रिडले फिफा बेष्ट प्लेयरको प्रारम्भिक सूचिमा रियल मड्रिडका खेलाडीहरु हावी भएका छन् ।
फिफाले बिहीबार ‘द वेष्ट’को प्रारम्भिक सूचि सार्वजनिक गरेको छ र २४ खेलाडीमध्ये युरोपियन च्याम्पियन रियलबाट ७ खेलाडी परेका छन् ।
क्रिष्टियानो रोनाल्डो, ड्षनी कार्भाजल, टोनी क्रुज, लुका मोड्रिक, केलर नाभास, सर्जियो रामोस र मार्सेलोले उत्कृष्ट खेलाडीको प्रारम्भिक सूचिमा स्थान बनाएका छन् ।
आश्चर्यको कुरा के हो भने, इस्को, करिम बेञ्जिमा र ग्यारेथ बेल यो सूचिमा समावेश छैनन् । तर, विश्वका उत्कृष्ट २४ मध्ये १० खेलाडी एकै टिमबाट पर्नु पनि त्यति स्वभाविक भने होइन ।
बार्सिलोनाबाट लियोनल मेस्सी, लुइस स्वारेज र आन्द्रेस इनिएष्टाले प्रारम्भिक सूचिमा स्थान बनाएका छन् । कर्तिमानी मूल्यमा पेरिस सेन्ट जर्मेइन आबद्ध भइसकेका नेइमार पनि बार्सिलोनामा हुँदा गरेको योगदानका आधारमा प्राम्भिक सूचिमा छन् ।
बार्सिलोना र रियल मड्रिडबाहेक ला लिगाबाट एथ्लेटिको मड्रिडका एन्टोइन ग्रिजम्यानले प्राम्भिक सूचिमा स्थान बनाए ।
आश्चर्यको कुरा के हो भने, फ्रानसेली लिग वानबाट यसपटक कोही प्रतिनिधि समावेश भएनन् । जवकी केलर एमबाप्पे, रामाडेल फाल्काओ र फाविन्होले गत सिजन उत्कृष्ट प्रदर्शन गरेका थिए ।
प्रतिक्रिया