शेयर कीर्ते गरेर कम्पनी रजिष्ट्रार कार्यालयका दुई उप–रजिष्ट्रार बेपत्ता !

काठमाडौं,  २० भदाै । नेपालभरिका निजि तथा साझेदारी कम्पनीहरुको शेयर लगत विवरणको आधिकारिक तथ्याङ्क राखिने कम्पनी राजिष्ट्रार कार्यालयमा शेयर लगत हेराफेरी गर्दे घोटाला भएको खवर छ ।  हंगकंगमा रहेका शंकर इलेक्ट्रोनिक कम्पनीका सञ्चालकको नामको २५ लाख शेयर अर्कै व्यक्तिको नाममा किर्ते गरी सारेपछि कम्पनी रजिष्ट्रार कार्यालयमा उग्र रुप लिएको हो । कीर्ते भएको सूचनासँगै सिआइबीले छापा मारेर कर्मचारी पक्राउ गरेपछि उपल्लो तहका कर्मचारी भने फरार छन् ।  दृष्टि साप्ताहिकका अनुसार सिआईबीले छापा मारेर करिब आधा दर्जन कर्मचारी पक्राउ परेपछि दुई बरिष्ठ अधिकारी भने फरार भएको बताइएको छ ।

सूत्रका अनुसार सह–रजिष्ट्रारहरु धर्म रोकाया र गंगाराज पौडेलको संलग्नतामा शेयर लगत गैर कानुनी तरिकाले नामसारी भएको अभियोगमा पक्राउ पर्ने डरले उनीहरु कार्यालयमा नआई भागेका हुन् । ठूलो मात्रामा शेयर लगत हेराफेरी गरिएको आशंकामा सिआईबीले छापा मारेर अनुसन्धान कार्य जारी राखेको छ । सो क्रममा आधा दर्जन जति कर्मचारी पक्राउ परेका बताइएको छ ।
ठूलो मात्रामा कर्मचारीहरु पक्राउ परेपछि गत आईतबार देखि नै कम्पनी रजिष्ट्रार कार्यालयमा सेवाग्राहीको काम हुन सकेको छैन । बुधबार समेत कम्पनी रजिष्ट्रार कार्यालयमा कम्पनीका कर्मचारीहरु काम गर्ने वातावरण नभएको भन्दै बैठक र मिटिङमा व्यस्त रहेका कारण दैनिक कार्य सञ्चालन समेत प्रभावित भएको छ ।