सशस्त्र प्रहरीमा डिआईजी लफडा !

काठमाडौं, २४ बैशाख। सशस्त्र प्रहरी बलमा डिआईजी सरुवाको लफडा भएको छ।

सरुवा सूचि सार्वजनिक गरेर पनि सशस्त्रले सूचि हटाएको छ । 

आइतबार साँझ सरुवा भएका ८ डिआईजीको सूची वेभसाइडमा राखिएको थियो । तर, प्रधानमन्त्री लगायत अधिकारीसँग छलफल नै नगरी सरुवा गरेको खुलेपछि हतार हतार सूची लुकाइएको स्रोत बताउँछ ।

सरुवा सूचीअनुसार मन्दिप श्रेष्ठलाई सुनसरीस्थित बराह बाहिनी, डिआईजी चिरन्जीवी अधिकारीलाई पोखरास्थित मुक्तिनाथ बाहिनी, नगेन्द्र थापालार्य दिपायलस्थित वैद्यनाथ बाहिनी र राजुराम सुवाललाई सुर्खेतस्थित महेश्वरी बाहिनीमा सरुवा थियो।

त्यस्तै डिआईजी सुरज कुमार श्रेष्ठ आईजिपीको सचिवालय, बावुराम पाण्डे मद्दती सेवा निर्देशनालय, खड्ग राई महानगरीय सशस्त्र प्रहरीको कार्यालय र बसन्त कुमार बानियाको कार्य विभागमा सरुवा भएको थियो। जून सूचीलाई हेरेफेर गरी सोमबार फेरि अर्को सूची निकाल्न लागिएको स्रोत बताउँछ।