सिरहाका इन्चार्ज अंकुल पक्राउ

अस्बिन खडका, बैशाख २१- नेत्रविक्रम चन्द विप्लव नेतृत्वको नेकपा सिराहाका इन्चार्ज उदयपुरबाट पक्राउ परेका छन् । जिल्ला प्रहरी कार्यालय उदयपुरको टोलीले बिहीबार त्रियुगा नगरपालिका–७ चुहाडे आफ्नै घरबाट इन्चार्ज अंकुल राउतलाई पक्राउ गरेको हो ।

सिरहाका इन्चार्ज रहेका राउतलाई विशेष सुराकीको आधारमा घर आएको बेला पक्राउ गरिएको निमित्त जिल्ला प्रहरी प्रमुख डिएसपी मेघराज अधिकारीले बताए ।

राउतमाथि विभिन्न आरोप लागेका निवेदन जिल्ला प्रहरी कार्यालयमा परेको डिएसपी अधिकारीले बताए । यस्तै प्रहरीले पूर्व सांसद किरण राई सहित सात जनालाई धनकुटाबाट पक्राउ गरी उदयपुर ल्याएको छ ।

त्यसैगरी विप्लव समुहका शिक्षक संगठनका अध्यक्ष युवराज कार्कीको साथै उदयपुरका जनसरकार प्रमुख जितबहादुर पुलामी मगरलाई पक्राउ गरिएको छ ।

आज उदयपुर सदरमुकाममा बन्दको हल्लाले यातायात समेत नचल्दा काठमाडौं तर्फ जाने अधिकाश यात्रु समेत अलपत्र परेका छन ।