सिरहामा महिलाको शंकास्पद मृत्यु, परिवारबाटै कुटपिट गरी हत्या गरेको आरोप

Abhiyanpost Abhiyanpost
|
शनिबार, जेठ २५, २०७६
|
|
६६ पटक हेरिएको
Shares
सिरहामा महिलाको शंकास्पद मृत्यु, परिवारबाटै कुटपिट गरी हत्या गरेको आरोप

सारांश

  • काठमाडौं, २५ जेठ ।
  • सिरहाको लहान नगरपालिका-१९ छर्रापट्टि गाउँकी २२ वर्षीया नुरजहाँ खातुनको परिवारले कुटपिट गरी हत्या गरेको आरोप माइती पक्षले लगाएको छ ।
  • घाइते अवस्थामा बिहीबार राति लहान हुँदै विराटनगर पु-याइएकी उनको विराट नर्सिङ होममा मृत्यु भएको थियो ।

काठमाडौं, २५ जेठ । सिरहाको लहान नगरपालिका-१९ छर्रापट्टि गाउँकी २२ वर्षीया नुरजहाँ खातुनको परिवारले कुटपिट गरी हत्या गरेको आरोप माइती पक्षले लगाएको छ । घाइते अवस्थामा बिहीबार राति लहान हुँदै विराटनगर पु-याइएकी उनको विराट नर्सिङ होममा मृत्यु भएको थियो ।

सिरहाको सुखीपुर नगरपालिका–२ विद्यानगरकी खातुनको तीन वर्षअघि समीर राइनसँग विवाह भएको थियो । उनीहरूको ६ महिनाको छोरा र डेढ वर्षकी छोरी छन् । उनको शव विराटनगरबाट शुक्रबार दिउँसो घर ल्याउनेक्रममा माइती पक्षले हत्या गरिएको भन्दै पोस्टमार्टम गराउनुपर्ने अडान लिएपछि धरानस्थित बिपी कोइराला स्वास्थ्य विज्ञान प्रतिष्ठान लगिएको छ ।

मृतकका पति र सासू बाटोबाटै फरार
नुरजहाँलाई लिएर विराटनगर गएका पति समीर र सासू बतुलिया खातुन शव ल्याउनेक्रममा सुनसरीको इनरुवामा ओर्लिएर फरार भएका छन् । मृतकको दाहसंस्कार गर्ने तयारीका साथ शव ल्याउँदै गर्दा माइतीपक्षले प्रहरीमा उजुरी गरेपछि उनीहरू भागेको आशंका गरिएको छ । सिरहाको खिरौना लवटोली घर भएका मामा जहाँगिरका अनुसार भान्जीलाई राति कुटपिट गरी गम्भीर घाइते बनाएपछि अन्तिम अवस्थामा लहान ल्याइएको थियो ।

नुरजहाँका पति समीर बेरोजगार भएको र दिनभर साथीसंगीसँग बरालिएर घर फर्किने अनि आफूलाई लगातार कुटपिट गर्ने गरेको भान्जीले फोनमा सुनाउने गरेको जहाँगिरको भनाइ छ । लहानमा भान्जीको शव हेर्न आएका मामा जहाँगिरले भक्कानिँदै भने, ‘भान्जीको विवाह भएको तीन वर्षदेखि कहिल्यै कुटपिट नगरेको दिन नै थिएन, अन्ततः ज्यान नै लिए ।’ प्रहरीले पोस्टमार्टम रिपोर्ट आएपछि मृत्युको कारण खुल्ने बताएको छ ।

नुरजहाँका बुबा मो. मुस्ताक छोरीको विवाहमा खर्च भएको सात लाख ऋण तिर्न कतारमा पसिना बगाउँदै छन् । ‘दुई छोरीको बिहेमा १४ लाख ऋणको भारीले थिचिएपछि दाजु विदेशमा छन्,’ नुरजहाँका काका मो. जुमनले भने, ‘छोरीको अनुहारसमेत हेर्न पाएनन् ।’ आमा सैबुल खातुन पनि रुने र बर्बराउने गरिरहेकी छिन् । यो खबर आजको नयाँ पत्रिका दैनिकमा छ ।

(Modafinil)

प्रतिक्रिया

कमेन्ट लेख्नुहोस्

तपाईंको इमेल ठेगाना प्रकाशित हुनेछैन। आवश्यक फिल्डहरू चिन्ह लगाइएका छन् *

कुल कमेन्ट: 0
यो खबर पढेर तपाईंलाई कस्तो महसुस भयो ?

यो पनि पढौँ

अब ‘सक्षम श्रमिक, समृद्ध नेपाल, सुखी नेपाली’ : प्रधानमन्त्री ओली
अब ‘सक्षम श्रमिक, समृद्ध नेपाल, सुखी नेपाली’ : प्रधानमन्त्री ओली
प्रधानमन्त्री देउवाको ठाडो निर्देशनः १५ दिनमा काठमाडौंका सडकमा खाल्डाखुल्डी देख्न नपरोस्
प्रधानमन्त्री देउवाको ठाडो निर्देशनः १५ दिनमा काठमाडौंका सडकमा खाल्डाखुल्डी देख्न नपरोस्
Verde Casino ️ Najlepsze Kasyno On-line W Polsce
आजको राशीफल
आजको राशीफल
आर्थिक विकास गर्नका लागि भ्रष्टाचार निर्मूल पार्नुपर्छ : तिमिल्सिना
आर्थिक विकास गर्नका लागि भ्रष्टाचार निर्मूल पार्नुपर्छ : तिमिल्सिना
सडक–नालामा खसेर बालिकाको मृत्यु भएको भएको घटनाको अनुसन्धान गरी १० दिनभित्र जानकारी गराउन गृह मन्त्रालयलाई निर्देशन
सडक–नालामा खसेर बालिकाको मृत्यु भएको भएको घटनाको अनुसन्धान गरी १० दिनभित्र जानकारी गराउन गृह मन्त्रालयलाई निर्देशन
निर्मला हत्याका आरोपीहरु ‘घटना हुँदा हिरासतमा’
निर्मला हत्याका आरोपीहरु ‘घटना हुँदा हिरासतमा’
गुल्मीमा प्रदिप ज्ञवाली भर्सेस चन्द्र भण्डारी ।
गुल्मीमा प्रदिप ज्ञवाली भर्सेस चन्द्र भण्डारी ।
रोबर्ट सोफियाले काठमाडौंमा सम्बोधन गर्दैछिन्
रोबर्ट सोफियाले काठमाडौंमा सम्बोधन गर्दैछिन्
तनहुँमा डेङ्गु सङ्क्रमित छ हजारभन्दा बढी पुगे
तनहुँमा डेङ्गु सङ्क्रमित छ हजारभन्दा बढी पुगे

तपाईंले छुटाउनुभयो कि?