नुवाकोट । जिल्लाकाे पञ्चकन्या गाउँपालिका वडा नं २ मा सामाजिक सुरक्षा भत्ता चोरी भएको घट्नाको असुसन्धान गर्न नेपाल कम्युनिस्ट पार्टी नुवाकाेटले माग गरेकाे छ ।
सामाजिक सुरक्षा भत्ता वितरणका लागि ल्याईएको रकम ५० लाख र करबाट प्राप्त रकम ३ लाख सहित ५३ लाख रुपैया गत २०७७ चैत्र २४ गते राती चोरी भएको थियाे ।
साे घट्नाप्रति आफनो ध्यानाकर्षण भएको बताउँदै नेपाल कम्युनिस्ट पार्टीले यदि छानविन नगरी रकम चोरीको बहानामा भ्रष्ट्राचारलाई प्रसय दिने काम गरिए जनकार्वाही गर्ने चेतावनी दिएको छ ।
नेकपाका नुवाकोट जिल्ला इन्चार्ज विन्दु र सेक्रेटरी सृजनले सोमबार प्रेस विज्ञप्ति जारी गर्दै उक्त चोरीको घट्नामा संलग्नहरु अहिलेसम्म पनि पत्ता नलागेको र घटनाको अनुसन्धानलाई प्रभावित पार्ने खालका क्रियाकलाप भईरहेकोले उक्त कार्य बन्द गर्न तथा घटनाको सत्य, तथ्य पत्ता लगाई दोषी उपर कार्वाही गर्न माग गरेका छन् ।
नेकपाले जारी गरेको प्रेस विज्ञप्तिमा त्यहाँ बृद्ध, अपाङ्ग, असहाय, एकल महिला लक्षित भत्ता चोरी भएको र उक्त घटनाको अनुसन्धान प्रभावीत गर्ने काम भएकोमा अापति जनाएकाे छ ।