बैंग्लोरमा वाइडबडी माहुरीको आक्रमणमा परेपछि….

Abhiyanpost Abhiyanpost
|
बुधबार, माघ २, २०७५
|
|
५९ पटक हेरिएको
Shares
बैंग्लोरमा वाइडबडी माहुरीको आक्रमणमा परेपछि….

सारांश

  • काठमाडौं ।
  •   काठमाडौंबाट मंगलबार दिउँसो २ सय ६ यात्रु बोकेर भारतको बैंग्लोरस्थित केम्पेगोडा अन्तर्राष्ट्रिय विमानस्थलमा अवतरण गरेको नेपाल वायुसेवा निगमको अन्नपूर्ण वाइडबडी विमान यात्रु ओराल्ने तरखरमा थियो ।
  • एकाएक माहुरीको आक्रमणमा पर्‍यो ।

काठमाडौं ।  काठमाडौंबाट मंगलबार दिउँसो २ सय ६ यात्रु बोकेर भारतको बैंग्लोरस्थित केम्पेगोडा अन्तर्राष्ट्रिय विमानस्थलमा अवतरण गरेको नेपाल वायुसेवा निगमको अन्नपूर्ण वाइडबडी विमान यात्रु ओराल्ने तरखरमा थियो । एकाएक माहुरीको आक्रमणमा पर्‍यो । विमानको दायाँ पखेटामा माहुरी भरिए । जहाज विमानस्थलको पार्किङ–वेको नौं नम्बरमा थियो । यात्रुहरू विमानबाट सहजै उत्रिए । कार्गोको ढोका खोलेर सामान झार्न लागेका कामदार भने माहुरीको आक्रमणमा परे ।

रातो गोलाकार घेराभित्रको जहाज पखेटामा झुम्मिएका माहुरी । ‘गाडी चलाइरहेका बेलोडरलाई माहुरीले टोक्यो,’ निगम उच्च स्रोतले भन्यो, ‘त्यसपछि एयरपोर्टको सेफ्टी विभागका कर्मचारीले माहुरी नियन्त्रण लिन जहाज घेराबन्दी गरे।’ माहुरीको टोकाइबाट जोगिने पोसाकसहित रासायनिक औषधि बोकेर सेफ्टीका कर्मचारी खटिए। अन्य विमानबाट टाढै राखेर माहुरी नियन्त्रण गर्ने योजना बनाइयो।

रानीले आफ्नो स्थान लिएपछि सबै माहुरी विमानमा एक ढिक्का भएर बसे। ग्राउन्ड ह्यान्डिलिङ्ग गर्ने ग्लोबल ग्राउन्ड इन्डियाका कर्मचारीले कार्गो कम्पार्टमेन्टबाट सामान झिक्ने र राक्ने काम सकेर कार्गो ढोका बन्द गरे। जहाजलाई पार्किङ क्षेत्रबाट ट्याक्सीवेमा पुर्‍याइयो। माहुरीहरू इन्जिनबाट निस्केको हावाको बेगले उड्न थाले। माहुरी भागेपछि रिमोट पार्किङमा लैजानु पर्ने झन्झट टर्‍यो। ‘यदि माहुरीको गोला पखेटाबाट नडेको भए जहाज समयमै उड्ने थिएन, समस्या आइपर्ने थियो,’ सम्बद्ध स्रोतले भन्यो, ‘तर पनि माहुरीकै कारण विमान ४० मिनेट ढिलो भयो।’ उक्त विमानको कमान्डर पाइलटमा एमएम डंगोल थिए।

निगमका अर्का पाइलटका अनुसार बैंङलोरमा जहाजमा माहुरी झुम्मिएको यो तेस्रो घटना हो। ‘यसअघि अन्य कम्पनीका विमानलाई माहुरीले असर पुर्‍याएको थियो,’ ती पाइलटले कान्तिपुरसँग भने, ‘हाम्रो विमानका लागी यो पहिलो घटना हो।’ यदि कामदारले असावधनीबस औषधि छर्केको भए त्यहाँ रहेका अन्य विमानका यात्रुलाई माहुरीले आक्रमण गर्ने सम्भावना थियो। तर, संयोगबस त्यस्तो हुन पाएन। कान्तिपुरबाट

प्रतिक्रिया

कमेन्ट लेख्नुहोस्

तपाईंको इमेल ठेगाना प्रकाशित हुनेछैन। आवश्यक फिल्डहरू चिन्ह लगाइएका छन् *

कुल कमेन्ट: 0
यो खबर पढेर तपाईंलाई कस्तो महसुस भयो ?

यो पनि पढौँ

वडा कार्यालयमा तालाबन्दी, सेवाग्राही समस्यामा
वडा कार्यालयमा तालाबन्दी, सेवाग्राही समस्यामा
प्रदेश भीआईपी सुरक्षामा ३ अर्ब बढी थप खर्च !
प्रदेश भीआईपी सुरक्षामा ३ अर्ब बढी थप खर्च !
‘आगोको भुङ्ग्रोमाथिको अनौठो नाच’
‘आगोको भुङ्ग्रोमाथिको अनौठो नाच’
प्रचण्डले जनार्दन र बिष्णुलाई खुमलटार बोलाएर केपी ओलीलाई पठाए यस्तो खबर
प्रचण्डले जनार्दन र बिष्णुलाई खुमलटार बोलाएर केपी ओलीलाई पठाए यस्तो खबर
डडेल्धुरामा काँग्रेसलाई जिताउनस्, विकास गरेर राजधानी ल्याउँछु : देउवा
डडेल्धुरामा काँग्रेसलाई जिताउनस्, विकास गरेर राजधानी ल्याउँछु : देउवा
एक सर्वेक्षणको खुलासाः महिला चाहन्छन् यस्तो यौन जीवन
एक सर्वेक्षणको खुलासाः महिला चाहन्छन् यस्तो यौन जीवन
कतारमा विदेशी कामदारको न्यूनतम तलब ७ सय ५० रियाल तोकियो
कतारमा विदेशी कामदारको न्यूनतम तलब ७ सय ५० रियाल तोकियो
निर्वाचनमा पार्टीका विरुद्ध अन्तर्घात गर्नेलाई तत्काल कारबाही हुन्छ : देउवा
निर्वाचनमा पार्टीका विरुद्ध अन्तर्घात गर्नेलाई तत्काल कारबाही हुन्छ : देउवा
को–को हुन् एमालेको नयाँ केन्द्रीय सदस्यमा मनोनित भएका १३ जना ?
को–को हुन् एमालेको नयाँ केन्द्रीय सदस्यमा मनोनित भएका १३ जना ?
सुर्खेतका नौ पालिकाले ल्याए आठ अर्बभन्दा धेरैको बजेट
सुर्खेतका नौ पालिकाले ल्याए आठ अर्बभन्दा धेरैको बजेट

तपाईंले छुटाउनुभयो कि?