चेक बाउन्सले मोडल खुश्वु ओलीदेखि फणिन्द्र नेपालसम्म जेल पुगे

Abhiyanpost Abhiyanpost
|
बिहिबार, जेठ ९, २०७६
|
|
५५ पटक हेरिएको
Shares
चेक बाउन्सले मोडल खुश्वु ओलीदेखि फणिन्द्र नेपालसम्म जेल पुगे

सारांश

  • पछिल्लो समय प्रहरीमा चेक बाउन्सको उजुरी दिन प्रतिदिन बढ्दो छ ।
  • जग्गा किनबेच, व्यापार र ब्याजमा पैसा लगाउनेहरूबीचको कारोबारका चेक बाउन्सका घटना बढी हुने गरेको छ ।
  • महानगरिय प्रहरी परिसर काठमाडौंमा २० हजार रुपैयाँदेखि डेढ करोडसम्मका चेक बाउन्स बोकेर उजुरी गर्ने आउनेको संख्या बढेको छ ।

पछिल्लो समय प्रहरीमा चेक बाउन्सको उजुरी दिन प्रतिदिन बढ्दो छ । जग्गा किनबेच, व्यापार र ब्याजमा पैसा लगाउनेहरूबीचको कारोबारका चेक बाउन्सका घटना बढी हुने गरेको छ । महानगरिय प्रहरी परिसर काठमाडौंमा २० हजार रुपैयाँदेखि डेढ करोडसम्मका चेक बाउन्स बोकेर उजुरी गर्ने आउनेको संख्या बढेको छ । जसले गर्दा अहिले प्रहरीलाई अरु अपराधिक घटनाका मुद्धा हेर्ने फुर्सद समेत नपाएको प्रहरी अधिकृतकै गुनासो छ ।

सप्तरी राजविराज गोपाल कटुवाल र मोडल तथा समाजसेवीको रुपमा चिनिदै आएकी खुस्बु ओलीबीच एकताका राम्रै सम्बन्ध थियो । बेला बेलामा उनीहरुबीच रकम लेनदेन हुने गरेको थियो । सोही क्रममा २ वर्ष अघि ओलीले कटुवाललाई आफूले घरजग्गा किन्न लागेको र त्यसका लागि रकम अपुग भएको भन्दै सापट मागिन् । कटुवालले सहयोग स्वरुप ओलीलाई ३६ लाख रुपैयाँ दिए । लामो समयसम्म पनि आफ्नो रकम फिर्ता नपाएपछि गत वर्ष साउनमा कटुवालले काठमाडौं जिल्ला अदालतमा चेक बाउन्स मुद्दा दायर गरे । सो मुद्धामा अदालतले खुस्बु ओलीलाई दोषी ठहर गर्दै ३ महिनाको सजाय सुनायो ।

यस्तै नरेशकुमार न्यौपानेले लिएको ६ लाख रुपैयाँको चेक बाउन्स भएको विषयमा उजुरी परेपछि ग्रेटर नेपालका अभियन्ता बताउने फणीन्द्र नेपाल पक्राउ परेका छन् ।

यी दुई प्रतीनिधि उदाहरण मात्रै हुन् । महानगरिय प्रहरी परिषद्मा दैनिक ४० वटा चेक बाउन्सका उजुरी आउनेको घुँइचो लाग्ने गरेको छ । प्रहरीका अनुसार पछिल्लो समय चेक बाउन्सका घटना अत्याधिक मात्रामा बढेको जनाएको छ । आर्थिक अपराधका घटनाहरु घुमेर चेक बाउन्सका रुपमा प्रहरीमा उजुरी आउने गरेको छ । आर्थिक अपराधमा चेक बाउन्सका घटना सबभन्दा धेरै रहेको प्रहरीको भनाई छ ।

व्यक्ति र बर्गमा, ठुला ठुला लेनदेनमा विजनेस पाटनरसीममा विजनेस गर्दा कसैले काम गरीदिन्छ भनेर प्रलोभनमा पार्न पहिला चेक काटिदिने तर रकम भने नदिने गर्नाले बाउन्सका घटना हुने गरेको प्रहरीको बुझाई छ ।

केहि समययता चलचित्र क्षेत्रमा पनि चेक बाउन्सका घटना बढ्न थालेको छ । तीन पटकसम्म चेक बाउन्स भयो भने कानुनी दायरामा ल्याउने र निवेदन लिएर घटनाको प्रकृती अनुसार कारवाहि गरिने महानगरिय प्रहरी परिसरका प्रमुख उत्तमराज सुवेदीको भनाई छ ।

प्रहरीका अनुसार दैनिक २० हजार रुपैयाँदेखि डेढ करोड सम्मको ४० वटा उजुरी आउने गरेको छ । प्रहरीमा आर्थिक बर्ष मात्रै २४ सय ३७ वटा चेक बाउन्सको उजुरी आएकोमा ६ सय ८३ वटा मुद्धा दर्ता भईसकेको छ । ठगीमा मात्रै १ सय ८० उजुरी परेको छ ।

प्रतिक्रिया

कमेन्ट लेख्नुहोस्

तपाईंको इमेल ठेगाना प्रकाशित हुनेछैन। आवश्यक फिल्डहरू चिन्ह लगाइएका छन् *

कुल कमेन्ट: 0
यो खबर पढेर तपाईंलाई कस्तो महसुस भयो ?

यो पनि पढौँ

नेपाल–चीनबीच ऊर्जा संयन्त्रको बैठक शुरू
नेपाल–चीनबीच ऊर्जा संयन्त्रको बैठक शुरू
बेहुली बनिन् बेली डान्सर बिनु शाक्य (फोटो फिचर)
बेहुली बनिन् बेली डान्सर बिनु शाक्य (फोटो फिचर)
निजामती सेवासम्बन्धी विधेयक यथाशक्य छिटो संसद्बाट पारित हुन्छ: प्रधानमन्त्री
निजामती सेवासम्बन्धी विधेयक यथाशक्य छिटो संसद्बाट पारित हुन्छ: प्रधानमन्त्री
ट्याक्टरले किचेर एकको मृत्यु
ट्याक्टरले किचेर एकको मृत्यु
समानुपातिकमा एमालेकै अग्रता, कठिन संघर्षमा राजपा
समानुपातिकमा एमालेकै अग्रता, कठिन संघर्षमा राजपा
राणा समुहले बनायो नयाँ रणनिति आज राप्रपाको बैठक बस्दै,,
राणा समुहले बनायो नयाँ रणनिति आज राप्रपाको बैठक बस्दै,,
प्रदेशसभा र प्रतिनिधिसभा मा दलितको कोटामा गैरदलितको मस्ती !
प्रदेशसभा र प्रतिनिधिसभा मा दलितको कोटामा गैरदलितको मस्ती !
ट्रम्पद्वारा मेक्सिको सीमामा पर्खाल बनाउन फेरि ८.६ अर्ब डलर माग
ट्रम्पद्वारा मेक्सिको सीमामा पर्खाल बनाउन फेरि ८.६ अर्ब डलर माग
आज घटस्थापना जमरा रोपिँदै, नेपालीको महान् चाड दशैं शुरु
आज घटस्थापना जमरा रोपिँदै, नेपालीको महान् चाड दशैं शुरु
गोरु तस्करी भैरहेको समाचार संकलन गर्न पुगेका पत्रकारहरुमाथि प्रहरीले गर्यो हातपात
गोरु तस्करी भैरहेको समाचार संकलन गर्न पुगेका पत्रकारहरुमाथि प्रहरीले गर्यो हातपात

तपाईंले छुटाउनुभयो कि?