संविधान संशोधनका कुनै पनि बुँदा पारित हुन नदिने :एमाले

Abhiyanpost Abhiyanpost
|
बुधबार, चैत्र २, २०७३
|
|
५९५ पटक हेरिएको
Shares
संविधान संशोधनका कुनै पनि बुँदा पारित हुन नदिने :एमाले

सारांश

  • सरकारले सीमांकन हेरफेर बाहेक अन्य तीन बुँदामा संविधान संशोधन विधेयक पारित गर्ने पहल थालेलगत्तै प्रमुख विपक्षी नेकपा एमालेले कुनै पनि हालतमा पारित हुन नदिने घोषणा गरेको छ ।
  • भाषा, नागरिकता र राष्ट्रियसभामा प्रतिनिधित्वको विषय पनि मधेसमा मधेसी र थारुलाई नै कमजोर बनाउने गरी आएको एमालेको आरोप छ ।
  • मेची महाकाली राष्ट्रिय अभियानका क्रममा बर्दियाको राजापुर र कैलालीको टीकापुरमा भएका आमसभालाई सम्बोधन गर्दै एमालेका शीर्षस्थ नेताले सरकारले ल्याएको संविधान संशोधनका कुनै पनि प्रस्ताव मधेसी र थारु समुदायको हितमा नभएको दाबी गरे ।

सरकारले सीमांकन हेरफेर बाहेक अन्य तीन बुँदामा संविधान संशोधन विधेयक पारित गर्ने पहल थालेलगत्तै प्रमुख विपक्षी नेकपा एमालेले कुनै पनि हालतमा पारित हुन नदिने घोषणा गरेको छ ।


भाषा, नागरिकता र राष्ट्रियसभामा प्रतिनिधित्वको विषय पनि मधेसमा मधेसी र थारुलाई नै कमजोर बनाउने गरी आएको एमालेको आरोप छ ।

मेची महाकाली राष्ट्रिय अभियानका क्रममा बर्दियाको राजापुर र कैलालीको टीकापुरमा भएका आमसभालाई सम्बोधन गर्दै एमालेका शीर्षस्थ नेताले सरकारले ल्याएको संविधान संशोधनका कुनै पनि प्रस्ताव मधेसी र थारु समुदायको हितमा नभएको दाबी गरे ।

टीकापुरको सभालाई सम्बोधन गर्दै एमाले बरिष्ठ नेता झलनाथ खनालले भने- तपाई थारु र मधेसीहरुलाई संविधान संसोधनको जालमा पार्ने खेल भइरहेको छ । तर, एमालेले सीमांकनमात्र होइन अंगीकृत नागरिकता, हिन्दी भाषा र राष्ट्रिय सभामा प्रतिनिधित्व असन्तुलित गर्ने कुनै पनि प्रस्ताव पारित हुन दिँदैन ।

एमाले उपाध्यक्ष भीम रावलले पनि संविधान संशोधनबाट मधेसी र थारुको अधिकार खोसिने भएकाले भ्रममा नपर्न थारु समुदायलाई अपिल गरे । राजापुरको सभालाई सम्बोधन गर्दै उपाध्यक्ष वामदेव गौतमले पहाडी र थारु समुदायलाई अलग गरेर प्रदेश विभाजन गर्न खोजिएकाले त्यसको प्रतिवाद गर्न थारुलाई आग्रह गरे ।

एमाले पोलिटब्यूरो सदस्य नागेन्द्र चौधरीले सीमांकन हेरफेर गर्न नसकेपछि सरकार मधेसी र थारुलाई अल्पमतमा पार्ने गरि अंगीकृत नागरिकता खुकुलो बनाउने र हिन्दी भाषालाई प्रदेशहरुमा कामकाजको भाषा बनाउने राष्ट्रहित विपरीतको खेलमा लागेको आरोप लगाए ।

टीकापुरको सभालाई सम्बोधन गर्दै एमाले नेता हनुमान चौधरीले कैलालीका थारुलाई दुई नम्बर प्रदेशमा चुनाव हारेका मधेसी नेताहरुले आएर उत्तेजित बनाएको भन्दै अब भ्रममा नपर्ने बताए । उनले संविधान संशोधनबाट थारुका कुनै पनि माग सम्बोधन नहुने भन्दै कैलाली जिल्ला बिभाजनको षडयन्त्रप्रति सजग रहन आह्वान गरे ।

एमालेको अभियान बुधवार गुलरियाबाट विभिन्न थारु बस्ती हुँदै राजापुरमा पुगेको थियो । राजापुरको सभापछि ७ नम्बर प्रदेश गरेको अभियान टोलीलाई प्रदेश संयोजक भीम रावलले कर्णाली पुलमा स्वागत गरे । टीकापुरको सभापछि एमालेको अर्को सभा महेन्द्र राजमार्गको लम्कीमा भएको छ ।

बर्दिया र कैलालीका बिभिन्न स्थानमा परम्परागत पोशाकमा सजिएका थारु समुदायले एमाले नेताहरुको स्वागत गरेका थिए ।

प्रतिक्रिया

कमेन्ट लेख्नुहोस्

तपाईंको इमेल ठेगाना प्रकाशित हुनेछैन। आवश्यक फिल्डहरू चिन्ह लगाइएका छन् *

कुल कमेन्ट: 0
यो खबर पढेर तपाईंलाई कस्तो महसुस भयो ?

यो पनि पढौँ

भाडा लिएर यात्रु बोक्ने निजी सवारीसाधन प्रहरी नियन्त्रणमा
भाडा लिएर यात्रु बोक्ने निजी सवारीसाधन प्रहरी नियन्त्रणमा
प्रमुख दलहरु क्रमशः कांग्रेस, एमाले र नेकपा माओवादी केन्द्र मधेशमा आफ्नो पार्टीलाई जसरी पनि पहिलो बनाउने रणनीतिमा
प्रमुख दलहरु क्रमशः कांग्रेस, एमाले र नेकपा माओवादी केन्द्र मधेशमा आफ्नो पार्टीलाई जसरी पनि पहिलो बनाउने रणनीतिमा
सरकारलाई नटेर्ने मेडिकल कलेजहरु
सरकारलाई नटेर्ने मेडिकल कलेजहरु
अमेरिकामा अन्धाधुन्द गोली प्रहार, तीन जनाको मृत्यु
अमेरिकामा अन्धाधुन्द गोली प्रहार, तीन जनाको मृत्यु
देश बनाउन ठेक्का पट्टा गर्ने जस्तो सजिलो छैन -केपी शर्मा ओली
देश बनाउन ठेक्का पट्टा गर्ने जस्तो सजिलो छैन -केपी शर्मा ओली
लक्ष्मी आचार्यको आयो तीज गीत ‘फुंगालेर माइती देश’
लक्ष्मी आचार्यको आयो तीज गीत ‘फुंगालेर माइती देश’
महोत्तरीको चुनाव: जातीय समीकरण र ‘धन’ हार–जितको मुख्य फ्याक्टर
महोत्तरीको चुनाव: जातीय समीकरण र ‘धन’ हार–जितको मुख्य फ्याक्टर
खोटाङमा बाम गठबन्धन अगाडि
खोटाङमा बाम गठबन्धन अगाडि
विमान दुर्घटनामा ज्यान गुमाएका, घाइतेका परिवारले १० करोडसम्म पाउने
मल वितरण प्रभावकारी बनाउन सांसदहरूको जोड
मल वितरण प्रभावकारी बनाउन सांसदहरूको जोड

तपाईंले छुटाउनुभयो कि?