नेपालमा लिइने IELTS को प्रश्नपत्र आउट: बिक्री गर्ने पक्राउ

Abhiyanpost Abhiyanpost
|
आइतबार, पौष २३, २०७४
|
|
६० पटक हेरिएको
Shares
नेपालमा लिइने IELTS को प्रश्नपत्र आउट: बिक्री गर्ने पक्राउ

सारांश

  • काठमाडौं, पुस २३ ।
  • काठमाडौंस्थित ब्रिटिश काउन्सिलले लिने अंग्रेजी भाषा परीक्षा IELTS को प्रश्नपत्र आउट गराएर लाखौं असुल्ने गरेको तथ्य खुलेको छ ।
  • शुक्रबार महानगरीय प्रहरी परिसरले प्रश्नपत्र लिक गराउने कार्यमा संलग्न ४ जनासहित १२ जना परिक्षार्थीलाई पक्राउ गरेसँगै लामो समयदेखि यसरी प्रश्नपत्र बिक्री हुने गरेको तथ्य खुलेको हो ।

काठमाडौं, पुस २३ । काठमाडौंस्थित ब्रिटिश काउन्सिलले लिने अंग्रेजी भाषा परीक्षा IELTS को प्रश्नपत्र आउट गराएर लाखौं असुल्ने गरेको तथ्य खुलेको छ । शुक्रबार महानगरीय प्रहरी परिसरले प्रश्नपत्र लिक गराउने कार्यमा संलग्न ४ जनासहित १२ जना परिक्षार्थीलाई पक्राउ गरेसँगै लामो समयदेखि यसरी प्रश्नपत्र बिक्री हुने गरेको तथ्य खुलेको हो ।

काठमाडौं प्रहरीले प्रश्नपत्र आउट गराउने कार्यमा संलग्न सुरज लामा, निकेश न्यौपाने, विधान आचार्य र गणेशराज उपाध्यायसहित ८ जना विद्यार्थीलाई नियन्त्रणमा लिएर अनुसन्धान शुरु गरेको छ । प्रारम्भिक अनुसन्धानको क्रममा १० हजारदेखि दुई लाखसम्ममा IELTS को प्रश्नपत्र बिक्री हुने गरेको महानगरीय प्रहरी परिसर काठमाडौंले जनाएको छ ।

आईईएलटीएस परीक्षाको प्रश्नपत्र ‘खरिद–बिक्री’ भइरहेको सुराकी पाएपछि काठमाडौं प्रहरी परिसरले शुक्रबार अपरेशन चलाएको थियो । त्यसक्रममा सुन्धारास्थित एक गेस्टहाउसमा लेनदेन भइरहेको अवस्थामा विद्यार्थीसहित १३ जनालाई पक्राउ ग¥यो । पक्राउ मध्ये विद्यार्थीहरुलाई शनिबारै छाडिसकेको छ ।

अनुसन्धानमा संलग्न एक अधिकारीले शुक्रबार उनीहरुबाट लेनदेन भइरहेको ४ लाख रुपैयाँ बरामद गरिएको थियो ।

आईईएलटीएस परीक्षाको प्रश्नपत्र पाउने आशमा एजेन्टलाई पैसा बुझाएका विद्यार्थीहरुको आइतबार काठमाडौं प्रहरी परिसरमा भिड नै लाग्यो । प्रहरीका अनुसार लामो समयदेखि प्रश्नपत्र विक्री वितरणमा हुँदै आएको प्रारम्भीक अनुसन्धानले देखाएको छ ।

यसरी बन्यो योजना
सुरज लामा झापाका स्थायी बासिन्दा हुन् । ३९ बर्षीय लामा काठमाडौंको बालुवाटारमा बस्थे । उनले एउटा कन्सल्टेन्सी दर्ता गरेका छन् । IELTSको परीक्षा दिन चाहने विद्यार्थीहरुको नाम ब्रिटिश काउन्सिलमा दर्ता गराएर हरेक विद्यार्थीबाट एक हजार कमिशन खाँदै आएका लामालाई एकदिन भारतीय विद्यार्थीले पञ्जावका हनी सिंहसँग भेट गराए । २०१७ मार्चमा हनी सिंहले सुरजलाई एउटा प्रस्ताव राखे, ‘प्रश्नपत्र आउट गर्ने जिम्मा मैले लिन्छु, विद्यार्थी खोज्न सक्नुहुन्छ ?’

राम्रो पैसा आउने देखेपछि सुरजले हनीको प्रस्ताव स्वीकार गरे । त्यसपछि शुरु भयो प्रश्नपत्र लिक गराउने ‘धन्दा’ । प्रहरी स्रोतका अनुसार पहिलो चरणमा हनी ले ह्वाट्स एपमार्फत भारतबाट लिक गरेर पठाएको प्रश्नमध्ये लिखित मात्र मिलेको थियो । अर्कोपटक मौखिक र लिस्निङ समेत मिल्ने ठोकुवा गर्दै उनले विद्यार्थी खोजेर पैसा उठाउन आग्रह गरे । त्यतिन्जेलसम्म हनी र सुरजको बीचमा प्रति विद्यार्थी भारतीय रुपैयाँ ५० हजार उठाउने सहमति भयो ।

सुरजले हनीको सेटिङअनुसार गणेशराज आचार्यलाई विद्यार्थी खोज्न भन्दै भाईबरमा मेसेज पठाए । त्यसपछि गणेशले विधान आचार्यलाई जिम्मा दिए । यसरी निकेश न्यौपाने समेतको मिलेमतोमा ९ जना विद्यार्थीबाट सुरजको समुहले पैसा उठाएको प्रहरीको प्रारम्भिक अनुसन्धानबाट खुलेको छ ।

प्रतिक्रिया

कमेन्ट लेख्नुहोस्

तपाईंको इमेल ठेगाना प्रकाशित हुनेछैन। आवश्यक फिल्डहरू चिन्ह लगाइएका छन् *

कुल कमेन्ट: 0
यो खबर पढेर तपाईंलाई कस्तो महसुस भयो ?

यो पनि पढौँ

चर्चित फ्रान्सेली फरवार्ड करिम बेन्जेमाद्वारा अन्तर्राष्ट्रिय फुटबलबाट सन्यासको घोषणा
चर्चित फ्रान्सेली फरवार्ड करिम बेन्जेमाद्वारा अन्तर्राष्ट्रिय फुटबलबाट सन्यासको घोषणा
चितवनका सातवटै स्थानीय तहमा तालमेल गर्ने सत्तारूढ गठबन्धनको निर्णय
चितवनका सातवटै स्थानीय तहमा तालमेल गर्ने सत्तारूढ गठबन्धनको निर्णय
एमालेले मुख्यमन्त्री टुंगो लगाउँदै, यस्ता छन् आकांक्षीहरु
Civil Service Day: PM urges employees to boost performance
Civil Service Day: PM urges employees to boost performance
राष्ट्रपतिबाट शक्तिपीठमा पूजा अर्चना
राष्ट्रपतिबाट शक्तिपीठमा पूजा अर्चना
नेपाली सेनका जम्दार पक्राउ
नेपाली सेनका जम्दार पक्राउ
नेपाली चलचित्र ‘पासवार्ड’ मा चर्चित पोर्न स्टार सन्नी लियोनि !
नेपाली चलचित्र ‘पासवार्ड’ मा चर्चित पोर्न स्टार सन्नी लियोनि !
सिंगापुरे अर्बपतिकी छोरी भन्दै भारतीय ठग्ने नेपाली युवती ‘डायना सेकेण्ड’
सिंगापुरे अर्बपतिकी छोरी भन्दै भारतीय ठग्ने नेपाली युवती ‘डायना सेकेण्ड’
मधेसका जनतालाई मतदानबाट वञ्चित नगर : नेता पोखरेल
मधेसका जनतालाई मतदानबाट वञ्चित नगर : नेता पोखरेल
परराष्ट्रमन्त्री ज्ञवालीको गर्जन: सत्ता टिकाउन कसैसँग तमसुक लेखाउन जरुरी छैन !

तपाईंले छुटाउनुभयो कि?