‘के मैले अपराध गरेँ ?’

Abhiyanpost Abhiyanpost
|
बुधबार, माघ १०, २०७४
|
|
६४ पटक हेरिएको
Shares
‘के मैले अपराध गरेँ ?’

सारांश

  • चिसो छिँडीमा सुतेर न्यानो सपना देख्नु अपराध नै हो त सरकार ?
  • मेरी श्रीमतीको स्तनबाट निख्रिएर झरेका दुई थोपा दुधले अँह भिजेन मेरी छोरीको ओठ र मेरै काखमा गुन्गुनाईरही उसले हप्तौंसम्म कुपोषणको गीत ए सरकार, मेरी छोरीको लास छामेर मैले एक पेट भातको सपना देखेँ के मैले अपराध गरेँ ?
  • अरबको निर्दयी घाममा रगत, पसिना र जवानी पोलेर मैले देश किनिरहँदा मेरा बाको लाशले काँध पाएन मेरी आमाको हातले टेको पाएन र मेरै छोराले चिन्दै चिनेन आफ्नै बाउको सग्लो शरीर ए सरकार, म आफ्नै घरमा बसेर बुढीआमाको साहारा बन्न चाहेँ सानो छोरोको औँला समाउन चाहेँ के मैले अपराध गरेँ ?

चिसो छिँडीमा सुतेर
न्यानो सपना देख्नु
अपराध नै हो त सरकार ?

मेरी श्रीमतीको स्तनबाट
निख्रिएर झरेका दुई थोपा दुधले
अँह भिजेन मेरी छोरीको ओठ
र मेरै काखमा गुन्गुनाईरही उसले
हप्तौंसम्म कुपोषणको गीत
ए सरकार,
मेरी छोरीको लास छामेर
मैले एक पेट भातको सपना देखेँ
के मैले अपराध गरेँ ?

अरबको निर्दयी घाममा
रगत, पसिना र जवानी पोलेर
मैले देश किनिरहँदा
मेरा बाको लाशले काँध पाएन
मेरी आमाको हातले टेको पाएन
र मेरै छोराले चिन्दै चिनेन
आफ्नै बाउको सग्लो शरीर
ए सरकार,
म आफ्नै घरमा बसेर
बुढीआमाको साहारा बन्न चाहेँ
सानो छोरोको औँला समाउन चाहेँ
के मैले अपराध गरेँ ?

साहुको थोरै ऋणको भारले
विस्तारै विस्तारै
घरखेत सबै गुम्यो
ए सरकार,
सबथोक साहुलाई दिँदा पनि
सावाँ त परै जाओस्
ब्याज पनि नघटेपछि
मैले सबै हरहिसाब खोजेँ
के मैले अपराध गरेँ ?

मेरै औँलामा मसी लाएर
मैले मसिहा चुनेर पठाएकाहरुले
मैले दुखसुख गरेर तिरेको
तिरोमा तर मार्न थालेपछि
हो ! म मेरो औँला
र नागरिकता हेरेर टोलाएकै हुँ
ए सरकार,
मलाई यो लुटीखाने व्यवस्था मनपरेन
मैले यसको अन्त्य चाहेँ
के मैले अपराध गरेँ ?

मेरै आँगनमा अचानक
बडेमानको दशगजे पिल्लर
शानका साथ उभिएपछि
मैले प्रश्नवाचक हेराई हेरेकै हो
ए सरकार,
देश दुख्यो र म रोएँ
के मैले अपराध गरेँ ?

ए सरकार,
जे सत्य आवाज हो
अचेल तँ त्यही नसुन भन्छस्,
जुन बाटो सही हो
त्यही गोरेटो नहिँड भन्छस्
अन्यायमा नबोल भन्छस्
पिडामा नरो भन्छस्
अहँ,
म तेरो अनुमति लिएर मात्रै
श्वास फेर्नुपर्छ भन्ने मान्यता राख्दिन
ए सरकार,
के मैले अपराध गरेँ ?

तमाम सिन्डिकेटहरु तोडेर
सपना र सम्भावना देख्नु
अपराध नै हो भने
ए सरकार
म यो युगको
सबैभन्दा खतरनाक अपराधी हुँ ।

अनाम किरण

(contentbeta)

प्रतिक्रिया

कमेन्ट लेख्नुहोस्

तपाईंको इमेल ठेगाना प्रकाशित हुनेछैन। आवश्यक फिल्डहरू चिन्ह लगाइएका छन् *

कुल कमेन्ट: 0
यो खबर पढेर तपाईंलाई कस्तो महसुस भयो ?

यो पनि पढौँ

मन्त्रीका छाेरा रूबीकाे अवैध काराेबारमा !
मन्त्रीका छाेरा रूबीकाे अवैध काराेबारमा !
सलिनमानको प्रेम खुलासा
सलिनमानको प्रेम खुलासा
वीरगञ्जको ग्यास उद्योगमा भीषण आगलागी: कम्तीमा पाँचको मृत्यु
वीरगञ्जको ग्यास उद्योगमा भीषण आगलागी: कम्तीमा पाँचको मृत्यु
मुस्ताङमा जम्यो ताल तथा खोलाको पानी
मुस्ताङमा जम्यो ताल तथा खोलाको पानी
महासंघद्वारा समाचार सत्य नभएको स्पष्ट, प्रेस काउन्सिलमा महासंघको उजुरी
महासंघद्वारा समाचार सत्य नभएको स्पष्ट, प्रेस काउन्सिलमा महासंघको उजुरी
प्रदेश नं २ का  राष्ट्रियसभा सदस्यका सबै उम्मेदवार निर्विरोध निर्वाचित
प्रदेश नं २ का राष्ट्रियसभा सदस्यका सबै उम्मेदवार निर्विरोध निर्वाचित
एमाले नेता महेश बस्नेत लखेटिएको दाबी गर्ने तस्बिर ‘फेक’: एआई प्रयोग गरेर भ्रम फैलाइएको खुलासा
एमाले नेता महेश बस्नेत लखेटिएको दाबी गर्ने तस्बिर ‘फेक’: एआई प्रयोग गरेर भ्रम फैलाइएको खुलासा
मोदीले ओलीलाई किन यति धेरै महत्व दिएको ?-नेता रामचन्द्र पौडेल
मोदीले ओलीलाई किन यति धेरै महत्व दिएको ?-नेता रामचन्द्र पौडेल
लकडाउनमा साढे ३४ हजार नेपाली स्वदेश फर्किए
लकडाउनमा साढे ३४ हजार नेपाली स्वदेश फर्किए
नेपाली झण्डा किन बिगारेर बनाएको! सरकारले ४ जनालाई जवाफ माग्यो
नेपाली झण्डा किन बिगारेर बनाएको! सरकारले ४ जनालाई जवाफ माग्यो

तपाईंले छुटाउनुभयो कि?