प्रदेश ३ को राजधानी काभ्रे सार्न माग

Abhiyanpost Abhiyanpost
|
बिहिबार, चैत्र १५, २०७४
|
|
५९ पटक हेरिएको
Shares
प्रदेश ३ को राजधानी काभ्रे सार्न माग

सारांश

  • प्रदेश ३ को स्थायी राजधानी बनाउने विषयमा प्रदेश सभा सचिवालयमा चार सांसदले लिखित प्रस्ताव दर्ता गरेका छन् ।
  • प्रदेश सभा सांसदहरू लक्ष्मण लम्साल, रत्नप्रसाद ढकाल र वसुन्धरा हुमागार्इंले काभ्रेलाई स्थायी राजधानी बनाउन माग गर्दै प्रस्ताव दर्ता गराएका हुन् ।
  • सो प्रस्तावका प्रस्तावक चन्द्रबहादुर लामा छन् ।

प्रदेश ३ को स्थायी राजधानी बनाउने विषयमा प्रदेश सभा सचिवालयमा चार सांसदले लिखित प्रस्ताव दर्ता गरेका छन् । प्रदेश सभा सांसदहरू लक्ष्मण लम्साल, रत्नप्रसाद ढकाल र वसुन्धरा हुमागार्इंले काभ्रेलाई स्थायी राजधानी बनाउन माग गर्दै प्रस्ताव दर्ता गराएका हुन् ।

सो प्रस्तावका प्रस्तावक चन्द्रबहादुर लामा छन् । काभ्रेको आइटी पार्कमा राजधानीको संरचना निर्माण गर्न सकिने भन्दै उनीहरूले प्रस्ताव दर्ता गरेका हुन् ।

स्थायी राजधानी तोक्ने विषयमा प्रदेशको भौगोलिक अवस्थिति, जनचाहना, पहुँचको सुलभता र भौतिक पूर्वाधारलगायत दृष्टिले काभ्रेको बनेपा, पनौती र धुलिखेलस्थित आइटी पार्क उपयुक्त रहेकाले त्यसलाई स्थायी राजधानी तोक्न उनीहरूले माग गरेका छन् ।

उनीहरूले संविधानको धारा २८८ को उपधारा २ अनुसार प्रस्ताव दर्ता गरेका हुन् । हेटौँडामा जारी प्रदेश सभा बैठकमा बुधबार राजधानीका विषयमा कुरा उठेको हो । जहाँ तोकिए पनि चाँडोभन्दा चाँडो राजधानीको विषयलाई टुंगो लगाउनुपर्ने धारणा सांसदहरूले राखेका थिए । नयाँ पत्रिका दैनिकमा खबर छ ।

प्रतिक्रिया

कमेन्ट लेख्नुहोस्

तपाईंको इमेल ठेगाना प्रकाशित हुनेछैन। आवश्यक फिल्डहरू चिन्ह लगाइएका छन् *

कुल कमेन्ट: 0
यो खबर पढेर तपाईंलाई कस्तो महसुस भयो ?

यो पनि पढौँ

तपाईंले छुटाउनुभयो कि?