वर्षाको जोखिम र सरकारी चेतावनीपछि चलचित्र ‘शुभ विवाह’को छायांकन तीन दिनका लागि स्थगित
सारांश
- अविरल वर्षाका कारण सिर्जित प्राकृतिक विपद् र सरकारी चेतावनीलाई ध्यानमा राख्दै नेपाली चलचित्र ‘शुभ विवाह’को निर्माण टोलीले आफ्नो छायांकन तालिका तीन दिनका लागि स्थगित गरेको छ।
- देशका विभिन्न स्थानमा पर्न सक्ने भारी वर्षालाई मध्यनजर गरी सरकारले जारी गरेको उच्च सतर्कताको सूचना पालना गर्दै प्रियदर्शन फिल्म्स प्रालिले यो निर्णय लिएको हो।
- निर्माण कम्पनीले असोज ९, १० र ११ गतेका लागि तय गरिएका सबै दृश्यको छायांकन हाललाई रोकेको जनाएको छ।
अविरल वर्षाका कारण सिर्जित प्राकृतिक विपद् र सरकारी चेतावनीलाई ध्यानमा राख्दै नेपाली चलचित्र ‘शुभ विवाह’को निर्माण टोलीले आफ्नो छायांकन तालिका तीन दिनका लागि स्थगित गरेको छ। देशका विभिन्न स्थानमा पर्न सक्ने भारी वर्षालाई मध्यनजर गरी सरकारले जारी गरेको उच्च सतर्कताको सूचना पालना गर्दै प्रियदर्शन फिल्म्स प्रालिले यो निर्णय लिएको हो।
निर्माण कम्पनीले असोज ९, १० र ११ गतेका लागि तय गरिएका सबै दृश्यको छायांकन हाललाई रोकेको जनाएको छ। प्रतिकूल मौसमका बीच काम गर्दा पर्न सक्ने जोखिमलाई न्यूनीकरण गर्न र प्राविधिक सामग्री तथा कलाकारको सुरक्षा सुदृढ बनाउन पूर्वसावधानीस्वरूप काम स्थगित गरिएको हो।
निर्माता सुप्रिया कटुवाका अनुसार छायांकन सेटमा खटिने कलाकार, प्राविधिक र सम्पूर्ण टोलीको जीउधनको सुरक्षा कम्पनीको पहिलो प्राथमिकता हो। मौसममा सुधार नआएसम्म र यात्रा तथा बसोबास सहज नभएसम्म काम अघि बढाउनु जोखिमपूर्ण हुने भएकाले तत्कालका लागि कार्यतालिका संशोधन गरिएको उहाँले स्पष्ट पार्नुभयो।
नागरिकको सुरक्षा र सामाजिक उत्तरदायित्वलाई केन्द्रमा राखेर चलचित्र क्षेत्रबाट लिइएको यस कदमलाई सकारात्मक रूपमा हेरिएको छ। विपद्को समयमा मनोरञ्जन क्षेत्रले पनि सरकारी सूचनाको पालना गर्दै सुरक्षा अनुशासन कायम राख्नुपर्छ भन्ने सन्देश यस निर्णयले दिएको छ।
निर्माण कम्पनीले प्रतिकूल मौसम र सम्भावित बाढी-पहिरोको जोखिमलाई ध्यानमा राख्दै सम्पूर्ण नेपाली नागरिकहरूलाई सुरक्षित रहन आग्रह गरेको छ। ‘सुरक्षा नै पहिलो प्राथमिकता’ भएको स्मरण गराउँदै कम्पनीले अनावश्यक यात्रा नगर्न र सतर्कता अपनाउन सबैमा अपिलसमेत गरेको छ।
कुल कमेन्ट:
0
Asmita Ramtel
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया