उत्तर कोरियामा कोरोना भाइरसबाट दुई सय सैनिकको मृत्यु !
सारांश
- एजेन्सी, ३ चैत्र ।
- उत्तर कोरियाले आफ्नो देशमा कोरोना भाइरसको संक्रमण नभएको दाबी गर्दै आएको छ ।
- उसको छिमेकी देशहरु चीन र दक्षिण कोरियामा भाइरसले भयावह अवस्था ल्याएको छ ।
एजेन्सी, ३ चैत्र । उत्तर कोरियाले आफ्नो देशमा कोरोना भाइरसको संक्रमण नभएको दाबी गर्दै आएको छ । उसको छिमेकी देशहरु चीन र दक्षिण कोरियामा भाइरसले भयावह अवस्था ल्याएको छ । रुसमा पनि संक्रमण फैलिएको छ । तर, कम्युनिस्ट शासन रहेको मुलुक उत्तर कोरिया संक्रमण आफ्नो देशमा रहेको मान्न तयार छैन ।
दक्षिण कोरियाको दैनिक एनके न्युज एजेन्सीले उत्तर कोरियामा कोरोना भाइरसको संक्रमणबाट दुई सय सैनिकको मृत्यु भएको खबर प्रशानमा ल्यायो । चार हजारभन्दा बढी मानिसहरु भाइरसको संक्रमणबाट क्वारेन्टाइनमा राखिएको उल्लेख गर्यो ।
उत्तर कोरियाले कोरोना भाइरसका विरामीलाई फाँसी दिएको विषय पनि नआएको होइन । यसको स्वतन्त्र पुष्टि भने भएको छैन ।
दक्षिण कोरियाको सरकार नजिकको योन्ह्याप न्युज एजेन्सीले उत्तर कोरियामा दश हजार मानिस संक्रमित भएको हुनसक्ने आशंकामा परीक्षण गरिएका थिए । तीमध्ये छ हजारमा संक्रमण भेटिएको थियो ।
प्रतिक्रिया