उदण्ड राज्यमन्त्री वलीले जब ‘मेरो पोइ खै’भन्दै पिट्न थालिन् ….

Abhiyanpost Abhiyanpost
|
बुधबार, आषाढ १, २०७९
|
|
५२ पटक हेरिएको
Shares
उदण्ड राज्यमन्त्री वलीले जब ‘मेरो पोइ खै’भन्दै पिट्न थालिन् ….

सारांश

  • तुलसीपुर (दाङ) ।
  • बिहानको साढे ८ बजेको थियो ।
  • लु१झ ५३७ नम्बरको सरकारी गाडी झन्डा हल्लाउँदै एकराज बस्नेतको घरमा पुग्यो ।

तुलसीपुर (दाङ) । बिहानको साढे ८ बजेको थियो । लु१झ ५३७ नम्बरको सरकारी गाडी झन्डा हल्लाउँदै एकराज बस्नेतको घरमा पुग्यो । गाडीबाट झरिन् लुम्बिनी प्रदेशका स्वास्थ्य जनसंख्या तथा परिवार कल्याण राज्यमन्त्री विमला खत्री वली । स्थानीयले सोचे ‘मन्त्रीज्यू भेटघाटमा आउनु भो ।’

घरधनी एकराज बस्नेतकी श्रीमती मीना बस्नेतको अगाडि पुगेपछि मन्त्री वलीले अनपेक्षित प्रश्न गरिन्, ‘मेरो पोई खै ?’ मन्त्री वली त्यतिमै रोकिइनन् । उनले मीनालाई मुक्का प्रहार गरिन् । नजिकै रहेकी पाँच वर्षकी छोरी एन्जिलालाई पनि प्रहार गरिन् ।

राज्यमन्त्री वलीको प्रहारबाट मीनाको टाउको, शरीरका विभिन्न भागमा भित्री चोट छ भने कपडासमेत च्यातिएको छ । छोरी एन्जिलाको ओठ काटिएको छ । एकराजलाई पैसा दिएर कपडा किनिदिएको भन्दै राज्यमन्त्री वलीले ‘मैले किनिदिएको कपडा मै लैजान्छु,’ भन्दै दराज तोडफोड गरिन् ।

मिनालाई मुक्का प्रहार गरेपछि राज्यमन्त्री वलीले फेरि भनिन्, ‘मेरो एकराज खै छिटो देखा ।’ एकराज १५ दिनदेखि घरमा नभएको परिवारका सदस्यको भनाइ छ ।

बस्नेत माओवादी कार्यकर्ता हुन् । एक वर्षअघि बस्नेतले वलीलाई चुम्बन गरेको फोटो सामाजिक सञ्जालमार्फत सार्वजनिक भएको थियो । राज्यमन्त्री वलीले एकराज आफ्नो प्रेमी भएको दाबी गर्दै आएकी छन् ।

के भन्छन् स्थानीय ?
‘बिहान सरर गाडी आयो । हामीले कोही केही कामले आएको होला भन्यौं,’ छिमेकी रचना बुढाथोकीले भनिन्, ‘एकछिनपछि चिच्याएको आवाज सुनियो । एन्जल रुँदै मामुलाई मारे भन्दै मलाई तान्न आइन । म झटपट भित्र गएँ ।’

रचनाका अनुसार राज्यमन्त्री वली ‘एकराजको र मेरो विवाह भइसकेको छ । सिन्दुर हालेको फोटो गाउँको घरमा राखेको छु,’ भन्दै मिनालाई धकेल्दै थिइन् । ‘म डरले बस्न सकिनँ, निस्की हाले, पछि मीनाको जेठाजु, ससुरा र अन्य मान्छे आए । प्रहरी पनि आपछि राज्यमन्त्री वलीलाई नियन्त्रणमा लिएको थियो,’ रचनाले भनिन् ।

प्रहरी भन्छः राज्यमन्त्री बोल्न मान्नुभएको छैन
कुटपिट गर्ने मन्त्री वलीलाई जिल्ला प्रहरी कार्यालय घोराहीमा राखिएको छ । सुरक्षाको कारण देखाउँदै प्रहरीले तुलसीपुरबाट घोराही लगेको जनाएको छ । मन्त्री वलीलाई जिल्ला प्रहरी कार्यालय दाङका एसपी सुरेश काफ्ले नेतृत्वमा कडा सुरक्षाकाबीच जिल्ला प्रहरी कार्यालय घोराहीमा राखिएको छ । वलीलाई बाहिर निकाल्ने क्रमममा प्रहरी र स्थानीयबीच केहीबेर धकेलाधकेलसमेत भएको थियो ।

अनुसन्धानमा जुटेको प्रहरीले घटना फरक भएको आशंका गरेको छ । ‘सोधपुछको प्रयास भइरहेको छ । उहाँ त्यति बोल्न मान्नुभएको छैन,’ एसपी काफ्लेले भने, ‘बहालवाला मन्त्री भएकाले पनि अलि कठिनाइ भइरहेको छ । केस अर्कै जस्तो छ । अहिले नै ठ्याक्कै यही हो भन्ने अवस्था छैन, बुझ्दै छौं ।’

राजीनामाको माग गर्दै प्रदर्शन
राज्यमन्त्री वलीलाई कडा कारबाही र राजीनामाको माग गर्दै स्थानीयले इलाका प्रहरी कार्यालय तुलसीपुरको गेटमा दिउँसो नाराबाजी गरेका थिए । नीतिनिर्माण तहमा बसेकी राज्यमन्त्री वलीले सत्ता र शक्तिको आडमा मात्तिएर घरमा बसिरहेका निर्दोष महिला र बालिकामाथि आक्रमण गर्नु निन्दनीय कार्य भएको भन्दै दोषीलाई हदैसम्मको कारबाही र राजीनामाको माग गर्दै आक्रोशित स्थानीयले नाराबाजी गरेका थिए ।

यसैबीच राज्यमन्त्री वलीविरुद्ध इलाका प्रहरी कार्यालय तुलसीपुरमा दुव्र्यवहारविरुद्ध जाहेरी परेको छ । पीडित महिलाले आफूलाई कुटपिट गर्दै दुव्र्यवहार गरेको गरेको उजुरी दिएको प्रहरीले जनाएको छ ।

को हुन् मन्त्री वली ?

राज्यमन्त्री वली स्वर्गीय उत्तरकुमार वलीकी श्रीमती हुन् । दाङ क्षेत्र नम्बर ३ (ख) मा एमालेबाट प्रदेश सभा सदस्यमा निर्वाचित उत्तरकुमार वलीको सवारी दुर्घटनामा परी निधन भएको थियो ।

उत्तरको निधनपछि रिक्त रहेको पदमा एमालेले विमला वलीलाई उठाएको थियो । एमालेबाट जितेकी वलीले एमाले छोडेर माओवादीमा प्रवेश गरेपछि मन्त्री पद पाएकी थिइन् ।

मीना भन्छिन्, ‘मलाई डर लागिरहेको छ’
बिहान करिब साढे ८ बजेको थियो होला । म नानीलाई खाना खुवाएर डे«स लगाएर स्कुल पठाउनलाई कपाल बाट्दै थिएँ । एक्कासि विमला ‘मेरो एकराज खै ?’ भन्दै आइपुगिन् । ‘मलाई थाहा छैन । खै कहाँ जानुभएको छ भनें,’ उनले भनिन्, त्यसपछि वलीले मलाई कहाँ लुकाएकी छेस् भन्दै कपाल भुत्ल्याउँदै हिकाउन थालिन् ।

मलाई पिटेको देखेर छोरी रुन थाली, उसलाई पनि गालामा दुई थप्पड हानी । छोरी रुँदै बाहिर निस्की । एकराजलाई मैले किनेको लुगा यही राखेको छ भन्दै दराज तोडफोड गरिन् । मैले प्रतिकार गर्न सकिनँ । मेरो टाउको भित्तामा ठोक्काइदिइन् ।

मैले लगाएको कपडा च्यातिदिइन् । टाउको अहिले पनि दुखिरहेको छ । छोरीको ओठ काटिएको छ । मन्त्री हो उसको पछाडि सबै छन्, फेरि पनि आएर मार्छे कि भन्ने डर लागेको छ । खुट्टा पनि काँपेका छन् ।’

प्रतिक्रिया

कमेन्ट लेख्नुहोस्

तपाईंको इमेल ठेगाना प्रकाशित हुनेछैन। आवश्यक फिल्डहरू चिन्ह लगाइएका छन् *

कुल कमेन्ट: 0
यो खबर पढेर तपाईंलाई कस्तो महसुस भयो ?

यो पनि पढौँ

४२ दिनमै सरकारबाट बाहिरियो रास्वपा
४२ दिनमै सरकारबाट बाहिरियो रास्वपा
ललितानिवास प्रकरण : नेकपाका महासचिव पौडेललाई जोगाउन चलखेल
ललितानिवास प्रकरण : नेकपाका महासचिव पौडेललाई जोगाउन चलखेल
सरकारी चिकित्सकले निजी क्लिनिक सञ्चालन नगर्न स्वास्थ्य मन्त्रीको निर्देशन
सरकारी चिकित्सकले निजी क्लिनिक सञ्चालन नगर्न स्वास्थ्य मन्त्रीको निर्देशन
अमेरिकालाई हानी गरे इराकमाथि थप नाकाबन्दी हुने : राष्ट्रपति ट्रम्प
अमेरिकालाई हानी गरे इराकमाथि थप नाकाबन्दी हुने : राष्ट्रपति ट्रम्प
यस्ताे छ आजकाे विदेशी मुद्राको विनिमय दर
यस्ताे छ आजकाे विदेशी मुद्राको विनिमय दर
निर्मला प्रकरण : अनुसन्धान प्रभावकारी बनाउन एसपी दुर्गा सिंह चन्द कञ्चनपुरतिर
निर्मला प्रकरण : अनुसन्धान प्रभावकारी बनाउन एसपी दुर्गा सिंह चन्द कञ्चनपुरतिर
पैसा दिए पचाईदिनुस्, भोट हाल्दा गल्ती नगर्नुस्ः ओली
पैसा दिए पचाईदिनुस्, भोट हाल्दा गल्ती नगर्नुस्ः ओली
कोरोनाले मृत्यु हुनेको संख्या ८८ हजार नाघ्यो , अमेरिकामा एकै दिन १९२६ जनाको मृत्यु
कोरोनाले मृत्यु हुनेको संख्या ८८ हजार नाघ्यो , अमेरिकामा एकै दिन १९२६ जनाको मृत्यु
दस्तुर छुटसम्बन्धी सूचना प्रकाशन गर्ने सरकारको निर्णय
दस्तुर छुटसम्बन्धी सूचना प्रकाशन गर्ने सरकारको निर्णय
आत्मघाती गोलका बाबजुद रियललाई हराउँदै बार्सिलोनाको जीत
आत्मघाती गोलका बाबजुद रियललाई हराउँदै बार्सिलोनाको जीत

तपाईंले छुटाउनुभयो कि?