कस्ले जित्ला प्रधानमन्त्री कप क्रिकेट प्रतियोगिताको उपाधि ?
सारांश
- काठमाडौं, २८ जेठ ।
- राजधानीमा जारी प्रधानमन्त्री कप क्रिकेट प्रतियोगिताको उपाधि भिडन्त हुँदैछ।
- फाइनल खेलमा नेपाल आर्मी क्लबले शसस्त्र प्रहरी बल (एपिएफ) लाई २ सय १० रनको लक्ष्य दिएको छ।
काठमाडौं, २८ जेठ । राजधानीमा जारी प्रधानमन्त्री कप क्रिकेट प्रतियोगिताको उपाधि भिडन्त हुँदैछ।
फाइनल खेलमा नेपाल आर्मी क्लबले शसस्त्र प्रहरी बल (एपिएफ) लाई २ सय १० रनको लक्ष्य दिएको छ।
कीर्तिपुरस्थित त्रिवि क्रिकेट मैदानमा टस जितेर पहिला ब्याटिङ गरेको आर्मीले निर्धारित ५० ओभरमा सबै विकेट गुमाएर २ सय ९ रन जोड्यो।
आर्मीको पालीमा भीम सार्कीले ४५, कप्तान विनोद भन्डारीले ३५, सोमपाल कामीले ३६ , राजेश पुलामी मगरले २७, नरेश बुढाएरले २० र अनिल मन्डलले १९ रन बनाए। सागर पुन पाँच र राजु रिजाल ६ रन बनाएर आउट भए।
भीम सार्की र राजेश पुलामी मगरबीच पाँचौं विकेटका लागि ६८ रनको साझेदारी भयो। सोमपाल र विनोदबीच सातौं विकेटका लागि ६७ रनको साझेदारी भयो।
एपिएफका बलर करन केसीले तीन तथा भुवन कार्की र बसन्त रेग्मीले दुई दुई विकेट लिए। पवन सर्राफले एक विकेट हात पारे। प्रतियोगिताको विजेताले २० लाख रुपैयाँ प्राप्त गर्ने छ।
प्रतिक्रिया