कुर्सीका मोहका लागि आउने संकिर्ण सोच गतल र क्षणिक हो :केपी

नेकपा एमाले अध्यक्ष केपी शर्मा ओलीले राष्ट्रियता र सार्वभौमिकताको पक्षमा उभिएर एउटै राष्ट्रिय तथा परराष्ट्र नीति बनाउन आफ्नो पार्टी तयार रहेको बताएका छन् ।

शनिबार काठमाडौं समसामयीक अनुसन्धान केन्द्रले आयोजना गरेको ‘वर्तमान संविधान र राष्ट्रियता’ विषयक विचार गोष्ठिमा बोल्दै ओलीले राष्ट्रियता ‘गिभ एण्ड टेक’को विषय नभएको धारणा राखे । “अलिकति अरुको कुरा सुनौं भन्ने कुरा होइन । देशको सार्वभौमिकता, राष्ट्रियता र राष्ट्रिय स्वार्थका विषयलाई केन्द्रमा राखेर एउटै नीति बनाउन जरुरी हुन्छ,” उनले भने ।
ओलीले अहिले जनतामा आएको राष्ट्रियताको भावनालाई महेन्द्रीय राष्ट्रबाद भन्नु आलोचना गर्ने अर्को विषय नपाएर भनिएको आरोप हो भने ।
उनले कुनै पनि छिमेकीको आन्तरिक विषयमा नेपालले कहिलै पनि नबोलेको र उनीहरुका जायज चासो सम्बोधन गर्न तयार रहेकोे बताए । उनले भने “संविधानमा यस्तो लेख, चीनसँग सम्झौता गर्दा गर्नु असन्तुलित सम्बन्ध राख्यो भन्ने । अनि नाकाबन्दी लगाउनु चै नेपालको हितमा हो ?”
उनले सन्तुलित विदेश नीति लहडमा चल्ने विषय नभएकाले यसबारे गहन छलफल गरी बोल्नुपर्ने र बनाउनुपर्ने बताए । “चीनले भारतसँग पनि राम्रो सम्बन्ध राख भन्ने । भारतले भने चीनसँग सम्बन्ध राख्दा उता नजिक भयो भन्ने ?,” उनले भने, “यसकारण पनि नेपालको राष्ट्रिय भागना एउटै चाहियो । आन्तरिक राष्ट्रबादलाई मजबुद बनाउन जरुरी छ ।”
उनले एमालेले लिएको राष्ट्रियताको अडानमा कसेको विमति रहे छलफल गर्न तयार रहेको बताए । तर, कुर्सीका मोहका लागि आउने संकिर्ण सोच गतल र क्षणिक भएकाले मान्ने नहुने धारणा राखे ।