गठबन्धनमा भागबण्डाको सकस, बाबुरामलाई गोरखामा रोक्ने माओवादी रणनीति,

Abhiyanpost Abhiyanpost
|
बिहिबार, आश्विन २६, २०७४
|
|
६६ पटक हेरिएको
Shares
गठबन्धनमा भागबण्डाको सकस, बाबुरामलाई गोरखामा रोक्ने माओवादी रणनीति,

सारांश

  • निर्वाचन क्षेत्र बाँडफाँट कार्यदल होस् या शीर्ष नेताको सूचीबाट उमेदवारको नाम र आफ्नो पार्टीले चुनाव जित्ने सहज मानिएको क्षेत्रले गर्दा वाम गठबन्धनले आजसम्म पनि निर्वाचन क्षेत्र बाँडफाँट गर्न सकेको छैन ।
  • ४ दिनदेखि लगातार ललितपुरमा रहेको होटल समीटमा भएको छलफलमा पनि निर्वाचन क्षेत्रबारे कुनै टुंगो लगाउन नसकेपछि कार्यदलले पहिले समानुपातिक सूची तयार पार्ने प्रयास गरेको छ ।
  • समानुपातिक सूची बुझाएपछि मात्रै बाँकी रहेको काम सक्ने तयारी भएको कार्यदलका एक सदस्यले जानकारी दिए ।

निर्वाचन क्षेत्र बाँडफाँट कार्यदल होस् या शीर्ष नेताको सूचीबाट उमेदवारको नाम र आफ्नो पार्टीले चुनाव जित्ने सहज मानिएको क्षेत्रले गर्दा वाम गठबन्धनले आजसम्म पनि निर्वाचन क्षेत्र बाँडफाँट गर्न सकेको छैन ।

४ दिनदेखि लगातार ललितपुरमा रहेको होटल समीटमा भएको छलफलमा पनि निर्वाचन क्षेत्रबारे कुनै टुंगो लगाउन नसकेपछि कार्यदलले पहिले समानुपातिक सूची तयार पार्ने प्रयास गरेको छ ।

समानुपातिक सूची बुझाएपछि मात्रै बाँकी रहेको काम सक्ने तयारी भएको कार्यदलका एक सदस्यले जानकारी दिए । कार्यदलमा रहेका सदस्यले व्यक्तिपिच्छे उमेदवारको सूची पेस गरेपछि पनि केही समस्या परेको ती सदस्यको दाबी छ ।

उता समानुपातिक सूची बुझाउने समय नजिकिएकाले निर्वाचन क्षेत्र बाँडफाँटको काम थाती राखेर समानुपातिक सूची तयार पार्ने काम भैरहेको नेताहरूले जनाएका छन् ।

“हामीले काम गर्दैछौं, २९ गते समानुपातिक उमेदवारको सूची बुझाउनुपर्ने भएकाले पहिले त्यसको तयारी गर्दैछौं,” कार्यदलका सदस्य ईश्वर पोखरेलले भने ।

कार्यदलका अर्का सदस्य वर्षमान पुन अनन्तले पनि केहीदिनभित्रै उमेदवारी टुंगो लगाउने काम भैरहेको बताए । उनले पार्टीभित्र पनि आन्तरिक छलफल गरेर निर्णय लिनुपर्ने र आकांक्षी बढी हुँदा केही समस्या परेको बताए ।

उनले आफ्नो पार्टीमा आन्तरिक छलफल गरेर सूची तयार गरिसकेको जानकारी दिँदै कार्यदलले छिटै यो विषय टुंगो लगाउने बताए ।

यसैबीच वाम गठबन्धनको एउटा घटक नयाँ शक्ति पार्टीका संयोजक बाबुराम भट्टराईलाई गोरखा छाड्न नसकिने निष्कर्षमा माओवादीले अडान राखेको स्रोतले जानकारी दियो ।

बुधबारको बैठकमा माओवादीले गोरखामा नभई काठमाडौंमा दिन सकिने प्रस्ताव राखेको थियो ।

त्यसपछि भट्टराई आक्रोशित भएको स्रोतले जानकारी दियो । स्रोतकाअनुसार भट्टराईले बुधबार एमाले अध्यक्ष केपी शर्मा ओलीसँग पनि यसबारेमा कुराकानी गरेका थिए ।

भट्टराईले यसअघि भएको सहमतिअनुसार १५ सिट पाउनुपर्ने अडान राखे पनि ओलीले अहिलेलाई अफ्ठेरो परेको बताउँदै समस्या बुझिदिन आग्रह गरेका थिए ।

नयाँ शक्तिका एक नेताकाअनुसार अहिले पर्ख र हेरको अवस्थामा नयाँ शक्ति रहेको छ । वाम गठबन्धनले सहमति तोडे एक्लै उमेदवारी दिने तयारी पनि भएको स्रोतले जानकारी दियो ।
यता नयाँ शक्ति पार्टीकी नेतृ हिसिला यमीले भने माओवादीले दिने र आफुहरु लिने अवस्थामा नरहेको बताइन् । माओवादीले रोक्न खोजेर पनि नसक्ने उनको भनाई थियो ।  उनले कुनै पनि हालतमा बाबुरामले गोरखा  नछाड्ने जिकीर समेत गरिन् । उनले घुमाउरो पारामा गठबन्धनबाट नभए नयाँ शक्तिबाटै भए पनि गोरखाबाटै चुनाव लड्ने बताइन् ।

प्रतिक्रिया

कमेन्ट लेख्नुहोस्

तपाईंको इमेल ठेगाना प्रकाशित हुनेछैन। आवश्यक फिल्डहरू चिन्ह लगाइएका छन् *

कुल कमेन्ट: 0
यो खबर पढेर तपाईंलाई कस्तो महसुस भयो ?

यो पनि पढौँ

जागिर चट पार्ने त्यो स्विमसुट  फोटो
जागिर चट पार्ने त्यो स्विमसुट फोटो
सत्ता सहयात्री दलको एकतालाई बचाउँछु : प्रधानमन्त्री
सत्ता सहयात्री दलको एकतालाई बचाउँछु : प्रधानमन्त्री
कांग्रेसमा ११ जना पदाधिकारी राख्न सहमति
कांग्रेसमा ११ जना पदाधिकारी राख्न सहमति
प्रहरी इन्काउन्टरमा मारिए गुण्डा नाइके मनोज पुन र आले
प्रहरी इन्काउन्टरमा मारिए गुण्डा नाइके मनोज पुन र आले
उपसभामुखका अंगरक्षकलाई यौन प्रस्ताव राख्ने स्वकीय सचिव भट्ट बर्खास्त
उपसभामुखका अंगरक्षकलाई यौन प्रस्ताव राख्ने स्वकीय सचिव भट्ट बर्खास्त
प्रचण्डको नेतृत्वमा नयाँ सरकार बनाउने सहमति
प्रचण्डको नेतृत्वमा नयाँ सरकार बनाउने सहमति
एमाले नेता शंकर पोखरेलले आफू चुनावी तालमेल र एकताको विपक्षमा रहेको भन्ने भ्रमपुर्ण समाचारको खण्डन गर्नु भएको छ ।
एमाले नेता शंकर पोखरेलले आफू चुनावी तालमेल र एकताको विपक्षमा रहेको भन्ने भ्रमपुर्ण समाचारको खण्डन गर्नु भएको छ ।
नेपाललाई कोरोना विरुद्धको २ करोड ५० लाख भ्याक्सिन दिन रुस तयार
नेपाललाई कोरोना विरुद्धको २ करोड ५० लाख भ्याक्सिन दिन रुस तयार
देउवालाई संसदबाटै एमालेको चुनौति– एकतर्फी बाँधबारे भारतसँग कुरा गर्ने आँट छ ?
देउवालाई संसदबाटै एमालेको चुनौति– एकतर्फी बाँधबारे भारतसँग कुरा गर्ने आँट छ ?
माघ १७ गतेको राशिफल यस्तो छ ।
माघ १७ गतेको राशिफल यस्तो छ ।

तपाईंले छुटाउनुभयो कि?