गोली प्रहारबाट एक युवाको ज्यान गएपछि काभ्रेको मेथीनकोटमा अझै मतदान सुरु हुन सकेन !
सारांश
- काभ्रे, वैशाख ३१– काभ्रेको नमोबुद्ध नगरपालिका ४, मेथीनकोटमा गोली प्रहारबाट नवराज पाठकको ज्यान गएपछि मतदान सुरु हुन सकेको छैन ।
- गोली हान्नेलाई कारबाहीको माग गर्दै मतदाता मतदानमा सहभागी नभएका हुन् ।
- उनीहरुले घटनाको निष्पक्ष रुपमा छानविन गर्न माग गरेका छन् ।
काभ्रे, वैशाख ३१– काभ्रेको नमोबुद्ध नगरपालिका ४, मेथीनकोटमा गोली प्रहारबाट नवराज पाठकको ज्यान गएपछि मतदान सुरु हुन सकेको छैन । गोली हान्नेलाई कारबाहीको माग गर्दै मतदाता मतदानमा सहभागी नभएका हुन् । उनीहरुले घटनाको निष्पक्ष रुपमा छानविन गर्न माग गरेका छन् ।
निर्वाचन अधिकृतले मतदानमा सहभागी हुन आग्रह गरिरहेपनि उनीहरुले सहभागिता जनाएका छैनन् । यस्तै काभ्रेको धुलिखेल नगरपालिका वडानम्बर १२ मा पनि आज मतदान भएको छैन ।
चार दिन अघि राप्रपाका वडा सदस्यका उम्मेदवार शुकबहादुर तामाङको निधन भएपछि त्यहाँ मतदान रोकिएको हो । त्यहाँ जेठ ३ गतेका लागि चुनाव तोकिएको छ । काभ्रेका अरु मतदान केन्द्रमा भने मतदान भइरहेको छ ।
कुल कमेन्ट:
0
Abhiyan Post
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया