चन्द्रागिरी केवलकारको टिकट अब गणेश हिमाल ट्रेकिङ एण्ड टूर्सबाटै खरिद गर्न सकिने

काठमाडौं । चन्द्रागिरी हिल्सले गणेश हिमाल ट्रेकिङ एन्ड टूर्स प्रा.लि.लाई सेल्स एजेन्ट नियुक्त गरेको छ । सन् १९८२ देखि सञ्चालित उक्त कम्पनीलाई ट्राभल, ट्रेकिङलगायत स्वदेशी तथा विदेशी पर्यटकहरुलाई हिल्सद्वारा सञ्चालित थानकोट–चन्द्रागिरी केबलकारको टिकट बिक्रीका लागि एजेन्ड नियुक्त गरेको हो ।

ठमेल क्षेत्रपार्टीमा अवस्थित गणेश हिमाल ट्रेकिङ एन्ड टूर्समार्फत सहज रुपमा चन्द्रागिरी केवलकारको टिकट खरिद तथा बुकिङ गर्न सक्ने कम्पनीका प्रबन्ध निर्देशक गणेश रिमालले जानकारी दिए ।

केवलकारको टिकट खरिदका लागि नेपाली नागरिकका लागि प्रतिटिकट सात सय रुपैयाँ, यूरोपियन लगायतका देशका नागरिकका लागि २२ डलर, चिनियाँ पर्यटकका लागि १५ डलर र सार्क राष्ट्रका नागरिकका लागि भारतीय सात सय रुपैयाँ लाग्ने छ ।

त्यसमा ३÷४ वर्षका बालबालिकाहरुका लागि ४० प्रतिशत छुटको व्यवस्था गरिएको छ । त्यस्तै अपाङता भएकालाई ५०, विद्यार्थीलाई २५ र ६० वर्ष उमेर पार गरेकाहरुलाई २५ प्रतिशत छुट दिइने पनि रिमालले जानकारी दिए ।

त्यस्तै कम्पनीले शिवपुरीदेखि ककनी र ककनीदेखि नागार्जुनसम्म जिप सफारी समेत सञ्चालन गरेको छ । राजधानीको धुलो धँुवाबाट वाक्क भएकाहरुलाई छोटो समयमै पडाडी मनोरम दृश्यहरुको अवलोन गराउँदै मनोरञ्जन प्रदान गर्ने उद्देश्यले उक्त सेवा सञ्चालनमा ल्याईएको कम्पनीले जनाएको छ ।