चिनियाँ जनमुक्ति सेनाको औपचारिक निमन्त्रणामा प्रधान सेनापति क्षेत्री उडे चीन

काठमाडाै, १९ असार । नेपाली सेनाका प्रधान सेनापति राजेन्द्र क्षेत्री ११ दिन लामो चीन तथा म्यानमार भ्रमणमा निस्केका छन् ।

नेपाल सरकारको निर्णय बमोजिम प्रधानसेनापति महारथी राजेन्द्र क्षेत्री मित्रराष्ट्र जनवादी गणतन्त्र चीनको चिनियाँ जनमुक्ति सेनाको औपचारिक निमन्त्रणामा मित्रराष्ट्र जनवादी गणतन्त्र चीन भ्रमण मंगलबार मध्यान्ह एयरचाईनाको जहाजमार्फत त्यसतर्फ प्रस्थान गरेका छन् ।

केही समयअघि मात्रै पाकिस्तान भ्रमण सम्पन्न गरेका प्रधानसेनापति क्षेत्रीको चीन भ्रमणको क्रममा उच्चस्तरीय राजनीतिक भेटघाट गर्ने कार्यक्रम रहेको छ । सैनिक जनसम्पर्क निर्देशनालयका अनुसार प्रधानसेनापति क्षत्रीले चीनका उच्च पदस्थ अधिकारीहरुसँग भेटवार्ता गर्ने कार्यक्रम रहेको छ ।
चीनबाट सिधैं प्रधानसेनापति क्षेत्री म्यानमारको राजधानी यंगुन पुग्नेछन् ।

त्यहाँका उच्च पदस्थ अधिकारीहरुसँग भेटवार्ता गर्ने कार्यक्रम रहेको छ । भ्रमण अवधिभर प्रधान सेनापति क्षत्रीले दोस्रो नम्बरमा रहेका रथी पूर्णचन्द्र थापाले कायम मुकायम प्रधान सेनापतिको कार्यभार तोकेको नेपाली सेनाले जनाएको छ ।