छठको रौनक बढ्यो
सारांश
- छठपूजाको सामान खरीद गर्न वीरगंज बजारमा यस वर्ष अन्य वर्षको तुलनामा मानिसहरूको भीड बढी भएको छ ।
- दशैं, दीपावली र अहिले छठपूजाको समय वीरगंज बजारमा अन्य वर्षको तुलना बढी भीड भएको हो ।
- यसो हुनुको एकमात्र कारण हो सीमा सिल हुनु ।
छठपूजाको सामान खरीद गर्न वीरगंज बजारमा यस वर्ष अन्य वर्षको तुलनामा मानिसहरूको भीड बढी भएको छ । दशैं, दीपावली र अहिले छठपूजाको समय वीरगंज बजारमा अन्य वर्षको तुलना बढी भीड भएको हो । यसो हुनुको एकमात्र कारण हो सीमा सिल हुनु ।
भारतले कोरोनाको कारण बन्द गरेको सीमा कात्तिक ६ गतेदेखि खुला गरेपछि नेपालले भने आफ्नो सीमा मङ्सिर मसान्तसम्म आधिकारिकरूपमा बन्द गरेको छ । सीमा बन्द भएको कारण भारतीय बजारमा गएर सामान खरीद गर्ने क्रम रोकिएको छ । लुकीछिपी वीरगंजसँग जोडिएको छिमेकी भारतको रक्सौल बजार जाने क्रम अन्य वर्षको तुलना निकै पातलिएको छ ।
यसैगरी, सीमावर्ति पर्साको ग्रामीण क्षेत्रमा पनि भारत गएर सामान खरीद गर्ने काम अन्य वर्षको तुलनामा कम छ । नेपाली बजारको तुलनामा भारतीय बजारमा सामान सस्तो हुने गरेकोले सामान्य अवस्थामा मानिसहरू भारतीय बजारमा गएर चाडपर्वका समान खरीद गर्दै आएका थिए । तर अहिले सीमा शिल भएको कारण विदेशी बजार जान रोकिएकोले वीरगंज बजारमा मानिसको भीड बढेको व्यापारीहरू बताउँछन् ।
सम्बन्धित खबर
तपाईंले छुटाउनुभयो कि?
प्रतिक्रिया