जति अनुगमन गरेपनि किन घटेन गोलभेडाको भाउ ?

Abhiyanpost Abhiyanpost
|
सोमबार, आषाढ २, २०७६
|
|
५९ पटक हेरिएको
Shares
जति अनुगमन गरेपनि किन घटेन गोलभेडाको भाउ ?

सारांश

  • बजारमा कालोबजार र महङ्गी मौलाइरहेको छ ।
  • उपभोक्ता सधैँ मर्कामा परेका छन् ।
  • तर सरकार मुकदर्शक छ ।

बजारमा कालोबजार र महङ्गी मौलाइरहेको छ । उपभोक्ता सधैँ मर्कामा परेका छन् । तर सरकार मुकदर्शक छ । औपचारिकताका लागि हुने बजार अनुगमन पनि प्रभावकारी छैन । दोषीलाई त्यसै उन्मुक्ति दिइन्छ । जसले गर्दा सरकारले गर्ने अनुगमन नै शंकाको घेरामा पर्न थालेको छ । महँगीले ढाड सेक्यो । सामान गुणस्तरको पाउन छाडियो । बजारमा कालाबजारी मौलाउँदै गयो । आम उपभोक्ताले हरेक दिन गर्ने गुनासो हो यो । वर्षौदेखि उपभोक्ताले गर्दै आएको यो गुनासो सरकारी संयन्त्रले कहिल्यै प्रभावकारी ढङ्गले सम्बोधन गरेन । उपभोक्ताहरुको गुनासो आक्रोशमा बदलिने स्थिती नआएसम्म बजार अनुगमन हुँदैन यहाँ ।

जब गुनासोले चरम सिमा नाघ्छ अनि बल्ल अनुगमन गर्न तातिन्छ वाणिज्य, आपूर्ति तथा उपभोक्ता संरक्षण विभाग । उसले अनुगमलाई केवल आक्रोश थामथुम पार्ने हतियारका रुपमा प्रयोग गर्दै आएको छ ।

पछिल्लो पटक गोलभेडाको भाउँ आकाशिएपछि कालिमाटि तरकारी बजारमा गरिएको अनुगमन पनि यसैको एउटा श्रृखला थियो । जुन अनुगमन पछि न त कसैलाई कारबाही भयो न गोलभेडाको भाउँ नै घट्यो । वाणिज्य, आपूर्ति तथा उपभोक्ता संरक्षण विभागकै तथ्यांक अनुसार चालु आर्थिक बर्षको बैशाख सम्ममा अर्थात ११ महिनामा १५ सय ३५ पटक बजार अनुगमन भएको छ ।

उपभोक्ता संरक्षण ऐन २०७५ को कार्यन्वयन पश्चात विभागले ८०० वटा फर्ममा अनुगमन गरेको छ । जसमध्ये निरिक्षण गर्ने अधिकृतबाट १३० बटा फर्मलाई तत्कालै नै कारबाही गरिएको भनिएको छ । त्यस्तै अदालतमा मुद्दा पेशको लागि लेखी पठाइएको संख्या ३ छ । ६ वटा फर्मलाई कारबाहिको लागि बिषयगत निकायमा पठाईएको छ भने ७ वटा फर्मलाई कारोबार रोक्का गरी कारबाही गरिएको छ ।

यो अनुगमनमा करिब ३५ लाख रुपैयाँ राज्यको खर्च भएको छ । तर, त्यसको प्रतिफल खासै देख्न पाइदैन् । केवल आम उपभोक्तालाई थामथुम पार्ने, व्यापारीलाई निर्देशन दिए झै गर्ने एउटा दुईटाको सटरमा ताला झुन्याउने सिवाय आम उपभोक्ताले यस्ता अनुगमनबाट केहि पाउन सकेका छैनन् । जुन कुरा स्वयमा विभागका महानिर्देशक योगेन्द्र गौचन स्विकार गर्छन् । उनी भन्छन्– विभागमा प्राविधिक जनशक्तिको अभाव हुँदा गुणस्तरको अनुगमन गर्न कठिनाई भएको छ ।

विभागले चालु आर्थिक बर्षमा अनुगमन गर्ने बनेर योजना बनाएका मध्ये ५० प्रतिशत ठाउँमा मात्रै अनुगमन गरेको छ । यो आर्थिक बर्ष पुरा हुँदा करीब ८० प्रतिशत अनुगमन सक्ने विभागको दाबी छ । तर, त्यो अनुगमनले आम उपभोक्तालाई भने छुन सकेको छैन् । उपभोक्ताको गुनासो उस्तै छ ।

विभागले कतिबेला कर्मचारी अभाव त कतिबेला कानुन अभावको बहाना बनाएर सुस्त र अत्यन्त कम मात्रामा अनुगमन गर्दै आएको छ । खासै अनुगमन नगर्ने र गरे पनि कालाबजारी गर्नेमाथि कारबाही नगर्ने विभाग आफै बजारमा बिचौलिया हावी भएको कुरा सहर्ष स्विकार गर्छ । र, भन्छ– बिचौलिया हटाउनको लागि पहल गरेपनी सकिएको छैन ।

अनुगमन विभागलाई बलियो बनाउन सरकारले ध्यान त दिएको छैन नै । भएका साधन स्रोतको समेत उपयोग गर्ने र नागरिकका गुनासा सम्बोधन गर्ने तदारुकता विभागमा देखिदैन ।।

प्रतिक्रिया

कमेन्ट लेख्नुहोस्

तपाईंको इमेल ठेगाना प्रकाशित हुनेछैन। आवश्यक फिल्डहरू चिन्ह लगाइएका छन् *

कुल कमेन्ट: 0
यो खबर पढेर तपाईंलाई कस्तो महसुस भयो ?

यो पनि पढौँ

धुलिखेल नगर कार्यसम्पादनमा उत्कृष्ट
धुलिखेल नगर कार्यसम्पादनमा उत्कृष्ट
गुण्डानाइके दावा लामाका सहयोगी पक्राउ
गुण्डानाइके दावा लामाका सहयोगी पक्राउ
कमेडियन कपिल शर्माकाे विहे तय , यी हुन दुलहि
ओलीको अडानले प्रचण्ड अप्ठयारोमा
ओलीको अडानले प्रचण्ड अप्ठयारोमा
ह्याकरले टेलिकमका सबै डाटा उडाइदिन्छु भनेपछि हल्लीखल्ली मच्चियो, पक्राउ परेपछि दिए यस्तो हाँस्यास्पद बयान
ह्याकरले टेलिकमका सबै डाटा उडाइदिन्छु भनेपछि हल्लीखल्ली मच्चियो, पक्राउ परेपछि दिए यस्तो हाँस्यास्पद बयान
भारतीय कम्पनीले सप्लाई गर्न थाले नेपालमा कोरोना विरुद्ध उपयोगी हुने औषधी
२४ करोड बढीको रङ्गशालाको शिलान्यास गरे सभामुख महराले
२४ करोड बढीको रङ्गशालाको शिलान्यास गरे सभामुख महराले
रिक्त प्रधानन्यायाधीश नियुक्ति प्रक्रिया अघि बढाउन तीन दल सहमत
रिक्त प्रधानन्यायाधीश नियुक्ति प्रक्रिया अघि बढाउन तीन दल सहमत
निर्वाचनलाई निष्पक्ष, स्वतन्त्र र भयरहित वातावरणमा सम्पन्न गर्न सरकार प्रतिबद्ध : प्रधानमन्त्री
निर्वाचनलाई निष्पक्ष, स्वतन्त्र र भयरहित वातावरणमा सम्पन्न गर्न सरकार प्रतिबद्ध : प्रधानमन्त्री
गाउँगाउँमा विकासको मूल फुटेको छ : मन्त्री विश्वकर्मा
गाउँगाउँमा विकासको मूल फुटेको छ : मन्त्री विश्वकर्मा

तपाईंले छुटाउनुभयो कि?