जिल्ला शिक्षा अधिकारीको बदमासीः आचारसंहिता लत्याउँदै धमाधम सरुवा

Abhiyanpost Abhiyanpost
|
सोमबार, कार्तिक १३, २०७४
|
|
५९ पटक हेरिएको
Shares
जिल्ला शिक्षा अधिकारीको बदमासीः आचारसंहिता लत्याउँदै धमाधम सरुवा

सारांश

  • १३ कात्तिक, रौतहट ।
  • निर्वाचन आचारसंहिताको अवहेलना गर्दै जिल्ला शिक्षा कार्यालयले ठूलो संख्यामा शिक्षकहरुको जिल्लान्तर सरुवा गरेको छ ।
  • आचारसंहिता लागु भएका बेला निर्वाचन आयोगको सम्मतिबेगर कर्मचारी सरुवा गर्न पाइँदैन ।

१३ कात्तिक, रौतहट । निर्वाचन आचारसंहिताको अवहेलना गर्दै जिल्ला शिक्षा कार्यालयले ठूलो संख्यामा शिक्षकहरुको जिल्लान्तर सरुवा गरेको छ ।

आचारसंहिता लागु भएका बेला निर्वाचन आयोगको सम्मतिबेगर कर्मचारी सरुवा गर्न पाइँदैन । जिल्ला शिक्षा अधिकारी रामविनय कुमार सिंहलाई भने त्यसले छेकेको छैन ।

साउनको ‘ब्याक डेट’ राखेर जिशिअ सिंहले ४८ जनाभन्दा बढी शिक्षकको सरुवा गरिसकेका छन् । १० साउनको मिति राखेर जोकहा प्राविका राकेशकुमार ठाकुरको जिल्लान्तर सरुवा गरेका छन् ।

उनको सरुवाको चलानी नम्बर ४४ छ । तर, सोही नम्बरको पत्रबाट जिशिअ सिंहले राष्ट्रिय वाणिज्य बैंक, गौर शाखामा रहेको खाता नवीकरण गराएको कागजात फेला परेको छ ।

बैंकमा पठाइएको पत्रको चलानी नम्बर रहेको रजिस्ट्रर केरमेट गरेर उनले शिक्षक ठाकुरको सरुवा गरिएको लेखेका छन् ।

यस्तै, साउनकै मिति राखेर उनले शिक्षक जयबालक भगतलाई प्रावि रामपुरखापमा सरुवा गरेका छन् । साउनमा सरुवा भएको विवरण जिल्ला शिक्षा कार्यालयले देखाइरहँदा दुवै शिक्षक दशैं बिदापछि असोजमा विद्यालयमा हाजिर भएका छन् ।

कार्यालय स्रोतका अनुसार आचारसंहिताविपरित सरुवाका लागि जिशिअ सिंहले मोटो रकम असुलेका छन् । स्रोत भन्छ, ‘ब्याक डेट राखेर धमाधम सरुवा गरिरहनुको कारण नै आर्थिक चलखेल हो ।’

नियम, आदेश मिच्ने शृंखला

जिल्लामा अनुमतिप्राप्त सामुदायिक सिकाइ केन्द्रहरुको संख्या ४० छ । तीमध्ये केही सञ्चालनमा छैनन् । तर, जिशिअ सिंह र अनौपचारिक शिक्षाका फोकल पर्सन दुवैले सञ्चालनमा नरहेका केन्द्रहरुका लागि पनि बजेट निकासा गरेका छन् ।

उनले यस वर्ष २१ वटा नयाँ संस्थागत विद्यालयलाई सञ्चालनको अनुमतिसमेत दिएका छन् ।

शिक्षा नियमावली, २०५९ (संशोधनसहित) को नियम ८ (ख) को उपनियम ३ अनुसार जिल्ला शिक्षा समितिको स्वीकृतिपछि मात्र नयाँ विद्यालयलाई अनुमती दिनुपर्छ । सञ्चालन अनुमति दिइँदा त्यस्तो कुनै कानूनी व्यवस्था पालना गरिएको छैन ।

यस्तै, सर्वोच्च अदालतले अन्तरिम आदेश जारी गरेर रोक लगाएको दरबन्दी मिलानको विषयलाई पनि जिशिअ सिंहले बेवास्ता गरेका छन् ।

सर्वोच्चले १८ भदौमा अन्तरिम आदेश जारी गर्दै दरबन्दी मिलान र शिक्षक सरुवा व्यवस्थापनसमेतमा रोक लगाएको थियो । जिशिअ सिंहको बदमासीका कारण जिल्लाको शैक्षिक झनै कमजोर बनेको प्रावि रामपुरखापका जयमंगल प्रसादले बताए ।

अख्तियार दुरुपयोग अनुन्धान आयोग र अदालतसमेतले आदेश दिएर रोक लगाएका काम धमाधम अगाडि बढाउनुको मुख्य कारण अवैध रकम असुली रहेको उनले बताए ।

बाल विकास सहयोगी कार्यकर्ताको नियुक्तिमा समेत विद्यालय व्यवस्थापन समितिको सहमतिबिनै उनले कामकाज गर्न पत्राचार गरेका छन् ।

जिल्लान्तर सरुवा र एउटै चलानी नम्बरबाट बैंक खाता नवीकरण तथा शिक्षक सरुवाबारे जिशिअ सिंह बोल्न चाहेनन् । आफूबाट केही गल्ति भएको बताए ।

प्रतिक्रिया

कमेन्ट लेख्नुहोस्

तपाईंको इमेल ठेगाना प्रकाशित हुनेछैन। आवश्यक फिल्डहरू चिन्ह लगाइएका छन् *

कुल कमेन्ट: 0
यो खबर पढेर तपाईंलाई कस्तो महसुस भयो ?

यो पनि पढौँ

अर्थ समितिले पारित गरेको लेखा परीक्षणसम्बन्धि विधेयकमा के छ?
अर्थ समितिले पारित गरेको लेखा परीक्षणसम्बन्धि विधेयकमा के छ?
कर्णाली प्रदेश समन्वय परिषदको पहिलो बैठकको तयारी तीब्र, के गर्छ यसले ?
कर्णाली प्रदेश समन्वय परिषदको पहिलो बैठकको तयारी तीब्र, के गर्छ यसले ?
नेपाल सरककारले गर्याे ७० वर्षमाथिका वृद्ध-वृद्धालाई यस्तो  सुविधा
नेपाल सरककारले गर्याे ७० वर्षमाथिका वृद्ध-वृद्धालाई यस्तो सुविधा
चिनियाँ गतिविधि बढेकोमा प्रचण्ड चिन्तित, भारतसँग सुमधुर सम्बन्ध राख्नुपर्ने भनाई
चिनियाँ गतिविधि बढेकोमा प्रचण्ड चिन्तित, भारतसँग सुमधुर सम्बन्ध राख्नुपर्ने भनाई
प्रधानमन्त्रीसँग लोसपाका नेताहरूको भेटवार्ता, गठबन्धनमा सामेल हुन देउवाको प्रस्ताव
प्रधानमन्त्रीसँग लोसपाका नेताहरूको भेटवार्ता, गठबन्धनमा सामेल हुन देउवाको प्रस्ताव
माछापालन व्यवसायबाट मनग्य आम्दानी लिँदै कृषक
माछापालन व्यवसायबाट मनग्य आम्दानी लिँदै कृषक
रोजगारी सिर्जनामा मुख्यमन्त्री अधिकारीको जोड
रोजगारी सिर्जनामा मुख्यमन्त्री अधिकारीको जोड
सागमा १८ हजार सुरक्षाकर्मी
सागमा १८ हजार सुरक्षाकर्मी
अमेरिकी डलरको भाउ स्थिर, युरो र पाउण्ड स्टर्लिङको भने बढ्यो
अमेरिकी डलरको भाउ स्थिर, युरो र पाउण्ड स्टर्लिङको भने बढ्यो
दशैं-तिहारमा दर्शकको रोजाइमा नेपाली चलचित्र
दशैं-तिहारमा दर्शकको रोजाइमा नेपाली चलचित्र

तपाईंले छुटाउनुभयो कि?