झलनाथ र सुवासको क्षेत्रमा कस्तो छ एमालेको हालत ?

Abhiyanpost Abhiyanpost
|
मंगलबार, जेठ ३, २०७९
|
|
५७ पटक हेरिएको
Shares
झलनाथ र सुवासको क्षेत्रमा कस्तो छ एमालेको हालत ?

सारांश

  • प्रदेश १ को इलाम जिल्ला प्रमुख दलका शीर्ष नेताका कारण चर्चामा छ ।
  • संविधानसभाका अध्यक्ष तथा एमालेका उपाध्यक्ष सुवासचन्द्र नेम्वाङ र पूर्व एमालेकै अध्यक्ष भैसकेका झलनाथ खनालको निर्वाचन क्षेत्र भएकाले पनि इलामलाई राजनीतिक रुपमा चासोका साथ हेर्ने गरिन्छ ।
  • दशकौंसम्म नेम्वाङ र खनाल एउटै पार्टी एमालेमा रहेर राजनीति गरेपनि हाल उनीहरु फरक पार्टीमा छन् ।

प्रदेश १ को इलाम जिल्ला प्रमुख दलका शीर्ष नेताका कारण चर्चामा छ । संविधानसभाका अध्यक्ष तथा एमालेका उपाध्यक्ष सुवासचन्द्र नेम्वाङ र पूर्व एमालेकै अध्यक्ष भैसकेका झलनाथ खनालको निर्वाचन क्षेत्र भएकाले पनि इलामलाई राजनीतिक रुपमा चासोका साथ हेर्ने गरिन्छ ।

दशकौंसम्म नेम्वाङ र खनाल एउटै पार्टी एमालेमा रहेर राजनीति गरेपनि हाल उनीहरु फरक पार्टीमा छन् । नेम्वाङ एमालेमै छन् भने खनाल माधव नेपालले नेतृत्व गरेको नेकपा एकीकृत समाजवादीका सम्मानित नेता हुन् । इलाम जिल्लाको इलाम नगरपालिका नेम्वाङको निर्वाचन क्षेत्र हो भने सूर्योदय खनालको निर्वाचन क्षेत्रमा पर्छ । नेम्वाङ र खनालले २०४७ सालयता लगातार निर्वाचन जित्दै आएका छन् ।

नेम्वाङको निर्वाचन क्षेत्रमा पर्ने इलाम नगरपालिकामा १२ वडा रहेका छन् । १२ मध्ये १० वटा वडाको नतिजा सार्वजनिक भैसकेको छ । वडानम्बर ७ र ८ को अन्तिम नतिजा आउन बाँकी छ । नतिजा आएकामध्ये सात वटा वडामा नेपाली काँग्रेसका उम्मेदवार वडाध्यक्षमा निर्वाचित भैसकेका छन् । वडानम्बर १ मा काँग्रेसका गायत्री राम बस्नेतले ११८१ मत ल्याएर विजयी बन्दा एमालेका अम्बिका गौतमले १०२२ मत ल्याएर पराजित बनेका छन् ।

त्यसैगरी वडानम्बर ४ मा काँग्रेसकै नुतनदेव ९७८ मत ल्याएर विजयी बन्दा एमालेका धनपति दुलाल ७५८ मत ल्याएर पछि पराजित भएका छन् । वडा नम्बर ५ मा पनि काँग्रेसकै काजीबहादुर श्रेष्ठसँग एमालेका गृष्म सुब्बा १७२ मतले पराजित भएका छन् । यहाँ श्रेष्ठले १४१८ मत ल्याउँदा सुब्बाले १२४६ मत पाएका छन् । वडा नम्बर ६ मा पनि काँग्रेसका दुर्गा श्रेष्ठले १२२७ मत ल्याएर निर्वाचित हुँदा एमालेका गायत्री थेगिमले ५३८ मतमा चित्त बुझाउनुपरेको छ ।

त्यस्तै वडानम्बर ९ मा काँग्रेसका गोपाल चौहान १५११ मत ल्याएर निर्वाचित हुँदा एमालेका वडाध्यक्षका उम्मेदवार ललित चौहान १०९० मा चित्त बुझाउन बाध्य भएका छन् । वडानम्बर १० मा काँग्रेसका ओमनाथ प्रधान १४ सय ८ मत ल्याएर निर्वाचित हुँदा एमाले उम्मेदवार एक हजार ४८ मतमै सिमित बनेका छन् ।

वडानम्बर १२ मा काँग्रेसका लाखमान लिम्बु १००२ मत ल्याएर विजयी बन्दा एमालेका नविनकुमार लिम्बु ९२० मतमा सिमित बनेका छन् । यो नगरपालिकामा एमालेले हालसम्म वडा नम्बर २,३ र ११ मात्र हुन् । वडा नम्बर २ मा एमालेका गिरिराज रिजालले ७२४ मत ल्याएर विजयी बन्दा काँग्रेसका वीरेन्द्रबहादुर राई ६२६ मतले पराजित बनेका छन् । वडानम्बर ३ मा एमालेका हेमबहादुर सुनुवारले ८ सय मत पाएर विजयी बन्दा काँग्रेसका लिलाप्रसाद थापा क्षेत्रीले ७२७ मत पाएका छन् । जुन सयभन्दा कमको मतान्तर हो । त्यसैगरी वडानम्बर ११ मा काँग्रेसका रविन एक्तेनले ९६७ मत ल्याउदा एमालेका टासी जगेवुले १०१७ मत पाएर विजयी बनेका छन् ।

झलनाथको निर्वाचन क्षेत्रमा पर्ने सूर्योदय नगरपालिकामा १४ वटा वडा रहेका छन् । मंगलबार यो समाचार तयार पार्दासम्म १४ मध्ये ५ वटा वडाको नतिजा आइसकेको छ । जसमा तीनवटा वडा १,३ र ५ मा काँग्रेसले जितेको छ भने ४ मा समाजवादी र २ मा एमालेले जितेको छ । काँग्रेसले जितेको यो वडामा एमाले र समाजवादीको मत जोड्दा १५९२ हुन्छ तर काँग्रेस उम्मेदवार ८७३ मत ल्याएर निर्वाचित भएका छन् ।

वडा नम्बर तीनमा पनि काँग्रेसले ६८४ मत ल्याएर विजयी बन्दा एमाले र समाजवादीका ११६७ भोट खेर गएको छ । वडानम्बर ५ मा पनि समाजवादीले दोस्रो नम्बरमा ६६९ मत ल्याएको छ एमाले तेस्रो बन्दा पनि ६४४ मत पाएको छ तर ७५१ मत ल्याएर काँग्रेसले जितेको छ । वडा नम्बर ४ मा भने नेकपा एसका शरण राईले जितेका छन् ।

उनले ११६१ मत ल्याउँदा काँग्रेसले ९९९ एमालेले ४३९ मत ल्याएको छ । वडा नम्बर २ मा भने एमाले उम्मेदवारले ६२१ मतसहित जितेका छन् । यो वडामा मतका हिसावले काँग्रेस दोस्रो ४७८ र समाजवादी ४२९ मतसहित तेस्रो स्थानमा छ । ५ मध्ये १,३,५ गरी तीनवटै वडामा एमाले तेस्रो स्थानमा चित्त बुझाउन बाध्य भएको छ ।

प्रतिक्रिया

कमेन्ट लेख्नुहोस्

तपाईंको इमेल ठेगाना प्रकाशित हुनेछैन। आवश्यक फिल्डहरू चिन्ह लगाइएका छन् *

कुल कमेन्ट: 0
यो खबर पढेर तपाईंलाई कस्तो महसुस भयो ?

यो पनि पढौँ

पाँच बर्षभित्र पार्टीलाई देशको नेतृत्वमा पुर्‍याउने राप्रपाको लक्ष्य, यस्ता छन् केन्द्रीय समितिका निर्णय
पाँच बर्षभित्र पार्टीलाई देशको नेतृत्वमा पुर्‍याउने राप्रपाको लक्ष्य, यस्ता छन् केन्द्रीय समितिका निर्णय
१८ स्थानीय तह रहेको सप्तरीमा माओवादीको अग्रता शुन्य, कुन तहमा कसको अग्रता ?
१८ स्थानीय तह रहेको सप्तरीमा माओवादीको अग्रता शुन्य, कुन तहमा कसको अग्रता ?
नेपाली व्यवसायीले भारतमै बेचे प्याज, लाखौंको नोक्सानी
नेपाली व्यवसायीले भारतमै बेचे प्याज, लाखौंको नोक्सानी
OH NO! Karan Patel’s wife Ankita Bhargava suffers miscarriage
OH NO! Karan Patel’s wife Ankita Bhargava suffers miscarriage
समवेदना सन्देश तयार पार्ने परराष्ट्रका कर्मचारीलाई कारबाही गरिने
समवेदना सन्देश तयार पार्ने परराष्ट्रका कर्मचारीलाई कारबाही गरिने
नेकपा (माओवादी केन्द्र)ले भन्यो- विप्लव नेकपा विरुद्धको प्रतिवन्ध तत्काल खारेज गरियोस
नेकपा (माओवादी केन्द्र)ले भन्यो- विप्लव नेकपा विरुद्धको प्रतिवन्ध तत्काल खारेज गरियोस
Can be Online Dating Romantic relationships Healthy?
कोरोनाबाट थप ५ जनाको मृत्यु, कुल मृतकको सख्या १९३२ पुग्यो
वैदेशिक रोजगारी भित्रको सिन्डकेट खारेज गरेर चर्चा बटुलेका विष्टकाे यस्तो छ सम्पति विवरण
वैदेशिक रोजगारी भित्रको सिन्डकेट खारेज गरेर चर्चा बटुलेका विष्टकाे यस्तो छ सम्पति विवरण
नसर्ने रोगको उपचार सेवालाई विस्तार गरिँदै
नसर्ने रोगको उपचार सेवालाई विस्तार गरिँदै

तपाईंले छुटाउनुभयो कि?