तपाईंको यो साता (राशिफल, १७-२३ माघ, २०७४)

मेष
बुद्धिको उपयोग गर्दा जटिल ठानिएको कामसमेत सम्पादन हुन सक्नेछ । आकस्मिक धनलाभ हुनेछ । चिट्ठा वा लट्रीबाट आय हुने प्रबल सम्भावना छ । धार्मिक तथा शैक्षिक यात्रा भए पनि यात्राका क्रममा विभिन्न बाधा तथा अवरोधहरूको सामना गर्नुपर्नेछ । यो साताका लागि शुभअङ्क १, ७ र शुभरङ सेतो वा पहेँलो हो । कुनै शुभकर्म गर्नुपूर्व भैरवजीको दर्शन गरी कार्य आरम्भ गर्दा अधिक सफलता मिल्नेछ ।

वृष
सामाजिक क्षेत्रमा सफलता मिल्नेछ । राजनीतिक कार्यमा सफलता मिल्नेछ । सुन्दर पहिरनले व्यक्तित्वमा निखारता ल्याउनेछ । साताको अन्त्यबाट झुटा आरोप आइलाग्न सक्नेछ । आफूलाई कमजोर भएको अनुभूति हुनेछ । यो साताका लागि शुभअङ्क ३, ५ र शुभरङ सेतो वा पहेँलो हो । कुनै शुभकर्म गर्नुपूर्व वा यात्रामा जानुअघि महामृत्युञ्जय भगवान्को ध्यान गरी कार्य आरम्भ गर्दा अधिक लाभ प्राप्त हुनेछ ।
मिथुन
रोजगारको अवसर मिल्नेछ । महिला वा मित्रबाट विशेष सहयोग मिल्नेछ । शुभकार्यको चर्चा चल्नेछ । वैदेशिक क्षेत्रबाट सफलता मिल्नेछ । आफ्नो क्षेत्रमा प्रभुत्व जमाउन सकिनेछ । साताको अन्त्यबाट आफ्नो अधिकार प्राप्तिका लागि सङ्घर्ष गर्नुपर्ला । शिक्षामा बाधा आउनेछ । यो साताका लागि शुभअङ्क ५, ८ र शुभरङ गुलाबीे हो । कुनै शुभकर्म गर्नुपूर्व बंगलामुखीको ध्यान गरी आरम्भ गर्दा अत्यन्त लाभ हुनेछ ।

कर्कट
गरेको कार्यमा ढिलासुस्ती हुनेछ । प्रेमी÷प्रेमिकाबीच खिन्नता बढ्नेछ । चोटपटकको भय छ । घरायसी झमेलामा परिएला । कार्य सम्पादनमा समस्या आउला । कार्यमा व्यवधान आइपर्ला । विश्वास गरिएका व्यक्तिबाट धोका होला । आर्थिक कारोबारमा विवाद आउनेछ । यो साताका लागि शुभअङ्क ४, ७ र शुभरङ सेतो वा हरियो हो । कुनै शुभकर्म गर्नुपूर्व आफ्नो गणेशजीको स्मरण गर्नाले अधिक सफलता हात पर्नेछ ।

सिंह
प्रेम–सम्बन्ध र प्रणयप्रसङ्गका लागि श्रेष्ठ समय रहेको छ । काम देखाएर अरूको मन लोभ्याउन सकिनेछ । नयाँ ज्ञान सिक्ने मौका मिल्नेछ । दैनिक कार्यमा प्रगति हुनेछ । वित्तीय संस्थाबाट सहयोग पाइनेछ । धार्मिक तथा समाजसेवामा मन लाग्नेछ । यो साताका लागि शुभअङ्क २, ६ र शुभरङ घिउरङ हो । कुनै शुभकर्म गर्नुपूर्व वा यात्रामा जानुअघि भगवतीको दर्शन गरी कार्य आरम्भ गर्दा अधिक सफलता मिल्नेछ ।

कन्या
न्यायिक कार्यमा सफलता मिल्नेछ । वैदेशिक क्षेत्रको काम अघि बढ्नेछ । रमाइलो यात्राको योग रहेको छ । सहयोगी हातहरू अघि बढ्नेछन् । साताको पहिलो दिनबाट बेसुरमा वचन दिने बानीले अप्ठ्यारो पार्न सक्छ । मनमा चञ्चलता बढ्नेछ । प्रेममा मनमुटावका साथै मन कमजोर रहनेछ । यो साताका लागि शुभअङ्क ३, ९ र शुभरङ कालो हो । कुनै शुभकर्म गर्नुपूर्व दुर्गाजीको आराधना गरी यात्रा गर्नाले अधिक सफलता मिल्नेछ ।

तुला
भाग्यले विभिन्न अवसर जुराउनेछ । दाम्पत्य सम्बन्धमा सुमधुरताको प्राप्ति हुनेछ । शुभकार्यको चर्चा चल्नेछ । धनार्जनका नयाँ स्रोतहरू पत्ता लाग्नेछन् । राज्यबाट मान–सम्मान पाइनेछ । आँटेकोे र ताकेको कार्य पूरा हुनेछ । पाटी, पिकनिक तथा सेमिनारमा सहभागी भइनेछ । यो साताका लागि शुभअङ्क ५, ९ र शुभरङ रातो वा हरियो हो । कुनै शुभकर्म गर्नुअघि हनुमानजीको आराधना गरी यात्रा गर्नाले सफलता मिल्नेछ ।

वृश्चिक
मनमा निराशा र शरीरमा आलस्य आउला । कामहरू अधुरै रहलान् । स्वास्थ्यमा तथा सौन्दर्यमा धन खर्च हुनेछ । महत्वपूर्ण कार्यमा व्यवधान आउने देखिन्छ । साताको अन्त्यबाट कार्य सम्पादनमा सहजता मिल्नेछ । आम्दानी बढाउने काम शुरु गर्न सकिनेछ । यो साताका लागि शुभअङ्क २, ७ र शुभरङ गाढा पहेँलो वा हरियो हो । कुनै शुभकर्म गर्नुपूर्व वा यात्रामा जानुअघि देवीजीको दर्शन गरी यात्रा गर्दा अधिक लाभ मिल्नेछ ।

धनु
शुभकार्यको चर्चा चल्नेछ । कूटनीतिक नियोगको सहयोग मिल्ला । छोटो दूरीको लाभदायक यात्रा हुनेछ । मनोरञ्जनमा सहभागी भइएला । साताको पहिलो दिनबाट राजनीतिक कार्यमा बाधा आउनेछ । मनमा निराशा र शरीरमा आलस्य आउला । महत्वपूर्ण अवसर गुम्न सक्नेछ । यो साताका लागि शुभअङ्क ४, ५ र शुभरङ सिन्दुरे वा घिउरङ हो । कुनै शुभकर्म गर्नुपूर्व बिघ्नहर्ता गणेशजीको आराधना गरी गरेको कार्यबाट अधिक सफलता मिल्नेछ ।

मकर
कला, साहित्य तथा सङ्गीतमा रुचि बढ्नेछ । वैदेशिक कार्य अघि बढ्नेछ । सामाजिक कार्यमा मन जानेछ । रमणीय र सुखद यात्राको योग छ । साताको अन्त्यमा लगनशीलताको कमीले गर्दा ठूलो उपलब्धि हात पार्न नसकिएला । अङ्कगणित तथा सेयर कारोबारमा पनि नोक्सानी हुनेछ । यो साताका लागि शुभअङ्क ४, ६ र शुभरङ हरियो वा कालो हो । कुनै शुभकर्म गर्नुपूर्व भैरवजीको ध्यान गरी कार्य आरम्भ गर्दा अधिक लाभ मिल्नेछ ।

कुम्भ
वैदेशिक क्षेत्रबाट सफलता मिल्नेछ । राज्यबाट मान सम्मान पाइनेछ । शुभकार्यको चर्चा चल्नेछ । आफ्नो क्षेत्रमा प्रभुत्व जमाउन सकिनेछ । मित्र वा आफन्तको सहयोगबाट नयाँ कार्यको थालनी हुनेछ । साताको अन्त्यमा अनावश्यक यात्रा हुनेछ । गरेका कार्यमा ढिलासुस्ती हुने देखिन्छ । यो साताका लागि शुभअङ्क ५, ६ र शुभरङ खैरो वा कालो हो । कुनै शुभकर्म गर्नुपूर्व गणेशजीको दर्शन गर्नाले सफलता हात पर्नेछ ।

मीन
बोलीको विपरीत अर्थ लाग्न सक्छ । संयम रहनुहोला । प्रेमी÷प्रेमिकाबीच खिन्नता बढ्नेछ । कार्य सम्पादनमा समस्या आउला । महत्वपूर्ण अवसर गुम्न सक्छ, तर आत्मबल बढाएर काम गरेमा असफल भइँदैन । साथै सद्विचारले अभिप्रेरित हुनेहरूलाई विस्तारै लाभ हुनेछ । यो साताका लागि शुभअङ्क ३, ६ र शुभरङ घिउरङ हो । कुनै शुभकर्म गर्नुपूर्व महालक्ष्मीको दर्शन गरी यात्रा गर्दा अधिक सफलता मिल्नेछ ।