दसैंमा नयाँ बस थपेनन्, ५ गतेदेखि १४ स्थानमा टिकट बुकिङ खुल्ने

Abhiyanpost Abhiyanpost
|
मंगलबार, आश्विन २, २०७५
|
|
५८ पटक हेरिएको
Shares
दसैंमा नयाँ बस थपेनन्, ५ गतेदेखि १४ स्थानमा टिकट बुकिङ खुल्ने

सारांश

  • काठमाडौं ।
  • दसैं आउन एक महिना बाँकी छ ।
  • दसैंको समयमा व्यावसायीले नयाँ बस नथप्ने भएपछि यातायात व्यवस्था विभागले बस र यात्रुको विवरण संकलन थालेको छ ।

काठमाडौं । दसैं आउन एक महिना बाँकी छ । दसैंको समयमा व्यावसायीले नयाँ बस नथप्ने भएपछि यातायात व्यवस्था विभागले बस र यात्रुको विवरण संकलन थालेको छ ।
हरेक वर्ष ५ सयभन्दा बढी नयाँ बस थप्दै आएका यातायात व्यवसायीले यस वर्ष नयाँ बसको अहिलेसम्म अर्डर गरेका छैनन् ।

यस वर्ष नयाँ बस नथप्ने भएपछि विभागले दसैं तिहारमा चल्ने बस र अनुमानित यात्रुको विवरण सुरु गरेको छ । विभागले यातायात व्यवसायी र ट्राफिक प्रहरीलाई विवरण उपलब्ध गराउन आग्रह गरेको हो ।

उपत्यकामा बसोबास गर्दै आएका कम्तीमा १४ लाख मानिस दसैँ र तिहारमा घर ओहोरदोहोर गर्ने अनुमान यातायात व्यवस्था विभागले गरेको छ ।

अहिले चलिरहेका दसैँ तिहारमा यात्रु ओसारपसारका लागि बसको संख्या र उपत्यका बाहिरिने यात्रुको विवरण संकलन गर्न थालिएको हो । व्यवसायीले गाडी नथप्ने भएपछि विकल्पमा स्कुल बस, सुरक्षा निकाय, संस्थानका गाडी सञ्चालन गर्न पनि आग्रह गरेका छैनन् ।

सरकार यातायात व्यवसायीबीच आइतबार भएको वार्तामा व्यवसायीले असोज ५ देखि अग्रिम टिकट बुकिङ खुलाउन सहमति गरेका छन् । उपत्यकाका विभिन्न १४ ठाउँमा टिकट काउन्टर खोल्ने बताइएको छ । पुरानो बसपार्क, गौशाला, कलंकीलगायत उपत्यकाका विभिन्न १४ ठाउँमा टिकट काउन्टर राख्ने सहमति भएको बताइएको छ । व्यवसायी भने आनाकानी गरिरहेका छन् ।

प्रतिक्रिया

कमेन्ट लेख्नुहोस्

तपाईंको इमेल ठेगाना प्रकाशित हुनेछैन। आवश्यक फिल्डहरू चिन्ह लगाइएका छन् *

कुल कमेन्ट: 0
यो खबर पढेर तपाईंलाई कस्तो महसुस भयो ?

तपाईंले छुटाउनुभयो कि?