बाख्रा हेर्न गएकी १३ वर्षिया बालिका मृत फेला
सारांश
- काठमाडौं ।
- उदयपुरमा २ दिनदेखि हराएकी बालिका मृत फेला परेकी छिन् ।
- उदयपुरको रौतामाई गाउँपालिका–३ लाफागाउँकी एल्जिना खड्का शनिबार बाख्रा चराउन गएपछि हराएकी थिएन् ।
काठमाडौं । उदयपुरमा २ दिनदेखि हराएकी बालिका मृत फेला परेकी छिन् । उदयपुरको रौतामाई गाउँपालिका–३ लाफागाउँकी एल्जिना खड्का शनिबार बाख्रा चराउन गएपछि हराएकी थिएन् । दुई दिनदेखि हराएकी १३ वर्षीया एल्जिना आइतबार मृत अवस्थामा फेला परेकी हुन् ।
मृतक बालिका स्थानीय दुर्गाबहादुर खड्काकी छोरी भएको उदयपुर जिल्ला प्रहरी कार्यालयले जनाएको छ । शनिबार बाख्रा चराउन गएकी उनी खरबारीको जंगलमा कपडा च्यातिएको, शरीरभरि निलडाम भएको अवस्थामा फेला परेको प्रहरीले जनाएको छ ।
मृतकका बुबाका अनुसार बलात्कारपछि छोरीको हत्या गरेको जिकिर गरेका छन् । गोठालो गएकी एल्जिना राति अबेरसम्म घर नआएपछि रातभर खोजिएको थियो । उनी अर्कोदिन दिउसो मात्रै मृत अवस्थामा स्थानीयले फेला पारेपछि प्रहरीमा खबर भएको थियो ।
कुल कमेन्ट:
0
Abhiyan Post
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया