मानवअधिकारवादी नेता कृष्ण पहाडीसहित ३१ जना बालुवाटारबाट गिरफ्तार

काठमाडौं, ३० असार । प्रधानमन्त्री निवास बालुवाटार अगाडि प्रदर्शन गर्ने क्रममा मानवअधिकारीवादी नेता कृष्ण पहाडीसहित ३१ जनालाई प्रहरीले शनिबार पक्राउ गरेको छ ।

प्राडा गोविन्द केसीको जीवन रक्षाको मागसहित बालुवाटारमा धर्ना दिन पुगेका पहाडीसहितका मानवअधिकारकर्मीहरुलाई प्रहरीले नियन्त्रणमा लिएको हो । उनीहरुलाई महानगरीय प्रहरी वृत्त सिंहदरबारमा राखिएको छ । मानवअधिकारकर्मीहरुले विभिन्न माग राख्दै जुम्लामा अनशनरत केसीको माग पूरा गरी अनसन तोडाउने वातारण मिलाउन सरकारलाई दबाब दिँदै आएका छन् ।

नेपाल कम्युनिष्ट पार्टी (नेकपा) नेतृत्वको सरकारले गरेका कतिपय निर्णयहरुलाई स्वतन्त्रता विरोधी निर्णय र स्वेच्छाचारी गतिविधिहरु भन्दै त्यसविरुद्ध मानव अधिकार तथा शान्ति समाजले धर्ना÷प्रदर्शन प्रारम्भ गरेको हो । पहिलो दिनको प्रदर्शनबाट समाजका संस्थापक सभापति कृष्ण पहाडीसहित २५ जना गिरफ्तार भएका थिए ।