युवाभन्दा युवतीहरु वामपन्थी !

Abhiyanpost Abhiyanpost
|
बिहिबार, पौष १९, २०७५
|
|
५८ पटक हेरिएको
Shares
युवाभन्दा युवतीहरु वामपन्थी !

सारांश

  • काठमाडौं, १९ पुस ।
  • एक नयाँ अध्ययनले पश्चिम युरोप र क्यानडाका युवतीहरू तिनका पुरुष सहकर्मीभन्दा बढी वामपन्थी हुने देखाएको छ ।
  • तर सोही अध्ययनले वृद्धवृद्धाहरूमा भने पाको महिलाहरूले दक्षिणपन्थी पार्टीलाई मतदान गर्ने सम्भावना बढी भएको देखायो ।

काठमाडौं, १९ पुस । एक नयाँ अध्ययनले पश्चिम युरोप र क्यानडाका युवतीहरू तिनका पुरुष सहकर्मीभन्दा बढी वामपन्थी हुने देखाएको छ । तर सोही अध्ययनले वृद्धवृद्धाहरूमा भने पाको महिलाहरूले दक्षिणपन्थी पार्टीलाई मतदान गर्ने सम्भावना बढी भएको देखायो ।

हुन त युवायुवतीले वृद्धवृद्धाभन्दा वामपन्थी उम्मेदवारलाई भोट हाल्ने सम्भावना बढी हुन्छ भन्ने कुरा पहिलेदेखिको आम बुझाइ हो । पछिल्लो अध्ययनले महिलामा यो कुरा अझ प्रष्टसँग छुट्टिने जस्तो देखिएको छ ।

राजनीतिक झुकावलाई उमेर र लिङ्गको आधारमा हेर्दा युवतीहरू सबैभन्दा बढी वामपन्थी हुने र वृद्धाहरू सबैभन्दा बढी दक्षिणपन्थी जनसङ्ख्या समूह रहेको देखिएको छ । यो ४० हजार मानिसबाट सङ्कलन गरिएको तथ्याङ्कको विश्लेषणबाट गरिएको एक अध्ययनले देखाएको हो ।

अध्ययन गरिएका लगभग सबै देशमा सन् १९५५ पछि जन्मिएका महिलाले उही उमेर समूहका पुरुषलेभन्दा वामपन्थी पार्टीलाई मतदान गर्ने सम्भावना बढी रह्यो । त्यसको विपरीत सन् १९५५ अघि जन्मिएका महिलाहरू तिनका पुरुष मित्रभन्दा वामपन्थी पार्टीलाई कम मतदान गर्ने सम्भावना थियो ।

अध्ययनले वामपन्थीहरूलाई मतदान गर्ने कुरामा उमेरको खाडल प्रत्येक नयाँ पुस्तामा झन् बढी हुँदै गएको देखाएको छ । त्यही कारणले वामपन्थीलाई मतदान गर्ने कुरालाई लिएर महिला र पुरुषबीचको भिन्नता सन् १९७५–८५ मा जन्मिएकाहरूको हकमा भन्दा १९६५–७५ मा जन्मिएकामा बढी थियो । यो कुराले बढी उमेरका महिला सोही उमेरका पुरुषभन्दा बढी दक्षिणपन्थी हुने देखाउँछ ।

अध्ययनबाट धार्मिकतामा हुने गिरावटले यो प्रवृत्तिलाई व्याख्या गर्न महत्त्वपूर्ण हुन्छ भन्ने देखाउँछ । वृद्धाहरू बढी धार्मिक हुन्छन्, यसैले युवतीहरूको तुलनामा वृद्धाहरूले गर्ने चुनावी छनौटमा तिनको धार्मिकताले महत्त्वपूर्ण प्रभाव पार्छ ।

धार्मिक मतदाताले रुढीवादी समाजिक मूल्यलाई बोक्ने सम्भावना बढी हुन्छ र त्यही कारणले उनीहरू धार्मिक पार्टीसँग बढी नजिक हुन्छन् । यसको अर्थ पाको उमेरका महिलाहरूले दक्षिणपन्थी पार्टीहरूलाई मतदान गर्ने सम्भावना बढी हुन्छ । यसले स्वाभाविक रूपमा यो उमेर समूहका महिलाले वामपन्थी पार्टीलाई मतदान गर्ने सम्भावना एकदम कम हुन्छ ।

अर्कोतर्फ कम उमेरका महिलामा पुनरवितरणलाई बढी प्राथमिकता दिने प्रवृत्ति हुन्छ । पुरुषको तुलनामा उनी राज्यको बढी भूमिका रोज्छन् । उनीहरू यी प्राथमिकता अन्तर्गत रहेर वामपन्थी पार्टीलाई मतदान गर्छन् । हुन त बढी उमेरका महिला आर्थिक नीतिको प्राथमिकताको आधार पुरुषभन्दा बढी वामपन्थी हुन्छन् तर मतदान गर्दा तिनमा उमेरसँगै बढेको धार्मिकता तिनको अन्य प्राथमिकतामाथि भारी पर्छन् ।

‘महिला भोट’ जटिल विषय

चुनाव प्रचारको बेला राजनीतिक दलहरूले ‘महिला भोट’ तान्नका लागि विभिन्न प्रयास गरिरहेका हुन्छन् । तथापि यो विश्लेषणले महिलामा युवा र वृद्धहरूबीच उलेख्य फरक हुने देखाउँछ । त्यसैले सोलोडोलो रूपमा महिलाको भोट तान्नमा केन्द्रित हुनुभन्दा युवती अथवा वृद्धाहरूमा अलग अलग ध्यान दिनु उपयोगी हुन्छ ।

यो वामपन्थी तथा दक्षिणपन्थी दुवै पार्टीका लागि चुनौती हो । यो अध्ययनले दुवै दक्षिणपन्थी र वामपन्थी पार्टीले महिला मतदातालाई आकर्षित गर्नका लागि आफूलाई पुनरमूल्याङ्कन गर्न सुरु गर्नुपर्ने आवश्यकता देखाएको छ । एजेन्सी

प्रतिक्रिया

कमेन्ट लेख्नुहोस्

तपाईंको इमेल ठेगाना प्रकाशित हुनेछैन। आवश्यक फिल्डहरू चिन्ह लगाइएका छन् *

कुल कमेन्ट: 0
यो खबर पढेर तपाईंलाई कस्तो महसुस भयो ?

यो पनि पढौँ

नेपालले पूरा गर्‍यो दुई सय रन
नेपालले पूरा गर्‍यो दुई सय रन
अर्थमन्त्री डा महतले भनेः  खुकुलो मौद्रिक नीति ल्याउँदा अर्थतन्त्र चलायमान हुन्छ
अर्थमन्त्री डा महतले भनेः खुकुलो मौद्रिक नीति ल्याउँदा अर्थतन्त्र चलायमान हुन्छ
चिनियाँ राष्ट्रपतिका लागि सोल्टी होटल शनिबार र आइतबार पुरै रिजर्भ
चिनियाँ राष्ट्रपतिका लागि सोल्टी होटल शनिबार र आइतबार पुरै रिजर्भ
राष्ट्रपतिले भने- नागरिकतासम्बन्धी विधेयकको संवैधानिक अस्तित्व के हुन्छ?
राष्ट्रपतिले भने- नागरिकतासम्बन्धी विधेयकको संवैधानिक अस्तित्व के हुन्छ?
कांग्रेसको फेर नसमात्न वाम गठबन्धन : प्रचण्ड
कांग्रेसको फेर नसमात्न वाम गठबन्धन : प्रचण्ड
जनप्रतिनिधि र सरकारी अधिकारीको मिलेमतोमा नदीजन्य वस्तुको चोरी–निकासी
जनप्रतिनिधि र सरकारी अधिकारीको मिलेमतोमा नदीजन्य वस्तुको चोरी–निकासी
भारतमा पहिरो परी पश्चिम रुकुमका एकै परिवारका तीन जनाको निधन
भारतमा पहिरो परी पश्चिम रुकुमका एकै परिवारका तीन जनाको निधन
दसैँमा पचास हजार खसीबोका र च्याङ्ग्रा ल्याउने तयारी
दसैँमा पचास हजार खसीबोका र च्याङ्ग्रा ल्याउने तयारी
गोली प्रहार गरी दिउसै लुटियो दुई लाख
गोली प्रहार गरी दिउसै लुटियो दुई लाख
हरियो तरकारीसँगै कोरोना भाइरस भित्रिने त्रास
हरियो तरकारीसँगै कोरोना भाइरस भित्रिने त्रास

तपाईंले छुटाउनुभयो कि?