राष्ट्रियसभाको उपाध्यक्षमा माओवादी नेत्री अर्याल निर्वाचित

Abhiyanpost Abhiyanpost
|
सोमबार, माघ २३, २०७९
|
|
५७ पटक हेरिएको
Shares
राष्ट्रियसभाको उपाध्यक्षमा माओवादी नेत्री अर्याल निर्वाचित

सारांश

  • काठमाडौं ।
  • राष्ट्रियसभाको आजको बैठक बसेको छ ।
  • आजको बैठकमा एक वर्षदेखि रिक्त रहेको उपाध्यक्ष पदमा नेकपा माओवादी केन्द्रकी स्थायी कमिटी सदस्य उर्मिला अर्याल निर्विरोध निर्वाचित भएको औपचारिक घोषणा गरिएको छ ।

काठमाडौं । राष्ट्रियसभाको आजको बैठक बसेको छ । आजको बैठकमा एक वर्षदेखि रिक्त रहेको उपाध्यक्ष पदमा नेकपा माओवादी केन्द्रकी स्थायी कमिटी सदस्य उर्मिला अर्याल निर्विरोध निर्वाचित भएको औपचारिक घोषणा गरिएको छ । नेत्री अर्यालको विपक्षमा अरुकुनै पनि उम्मेदवारी नपरेपछि उनी निर्विरोध निर्वाचित भएकी हुन् ।

यसअघि उपाध्यक्ष रहेकी शशीकला दाहालको चार वर्षे कार्यकाल २०७८ सालमै सकिएको थियो । नेपाली कांग्रेसले उम्मेदवारी नदिने निर्णय गर्दै अर्याललाई निर्विरोध हुन सघाएको थियो ।

राष्ट्रियसभाको आजको बैठकको कार्यसूची अनुसार अर्याललाई राष्ट्रिय सभाको उपाध्यक्ष पदमा निवार्चित गरियोस् भन्ने प्रस्ताव भौतिक योजना तथा यातायातमन्त्री नारायणकाजी श्रेष्ठले पेश गरेका थिए । त्यसैगरी, नेकपा (एमाले)का देवेन्द्र दाहाल र कलम चुनाव चिन्ह लिएर यस सभाको सदस्य जितेका खिमलाल देवकोटाले समर्थन गरेका थिए ।  उनको बारेमा संक्षिप्त छलफल भएसँगै अध्यक्ष गणेश प्रसाद तिमिल्सिनाले अर्याललाई राष्ट्रिय सभाको उपाध्यक्ष पदमा निर्वाचित गरियोस् भन्ने प्रस्ताव निर्णयार्थ प्रस्तुत गरेका थिए । त्यससँगै अध्यक्ष तिमल्सिनाले अर्याल निर्विरोध निर्वाचित भएको घोषणा गरी अर्याललाई बधाई दिएर २१ मिनेटका लागि बैठक स्थगित गरे ।

को हुन् उपाध्यक्ष अर्याल ? 
पर्साको वीरगञ्ज महानगरपालिका–२३ गण्डक चोक स्थायी ठेगाना भएकी अर्याल मधेश प्रदेशबाट २०७८ साल माघमा राष्ट्रिय सभा सदस्य निर्वाचित भएकी थिइन् । उनी २०६९ सालमा नेकपा एमाले छाडेर माओवादी केन्द्र प्रवेश गरेकी थिइन् । ६६ वर्षीया अर्यालले समाजशास्त्र विषयमा स्नातकोत्तर गरेकी छन् ।

नेकपा मसाल पृष्ठभूमिकी उनी २०४७ सालसम्म महिला विकास अधिकृत थिइन् । उक्त पदबाट राजीनामा दिएर २०४८ सालमा उनी नेकपा एमालेको राजनीतिमा होमिएकी थिइन् । उनी झलनाथ खनाल नेतृत्वको सरकारमा स्थानीय विकास मन्त्रीसमेत भएकी थिइन् ।

प्रतिक्रिया

कमेन्ट लेख्नुहोस्

तपाईंको इमेल ठेगाना प्रकाशित हुनेछैन। आवश्यक फिल्डहरू चिन्ह लगाइएका छन् *

कुल कमेन्ट: 0
यो खबर पढेर तपाईंलाई कस्तो महसुस भयो ?

यो पनि पढौँ

गुणस्तरीय स्वास्थ्य सेवा प्रदान गर्नुपर्छः उपप्रधानमन्त्री यादव
गुणस्तरीय स्वास्थ्य सेवा प्रदान गर्नुपर्छः उपप्रधानमन्त्री यादव
यसपटक कर्मचारीको तलब नबढ्ने संकेत
यसपटक कर्मचारीको तलब नबढ्ने संकेत
महाकाली माथिको झोलुंगे पुल चुँडिन थाल्यो
महाकाली माथिको झोलुंगे पुल चुँडिन थाल्यो
भारत भ्रमण र एसिया कप नजिकिँदै गर्दा कता छन् नेपाली युवा खेलाडी ?
भारत भ्रमण र एसिया कप नजिकिँदै गर्दा कता छन् नेपाली युवा खेलाडी ?
अाज साउन ३० गते: कहाँ के-के घटना घटे?
अाज साउन ३० गते: कहाँ के-के घटना घटे?
न्यायपालिकामा महिला हुनु ‘समाचार’ होइन, ‘सामान्य वास्तविकता’ बन्नुपर्छः महान्यायाधिवक्ता भण्डारी
न्यायपालिकामा महिला हुनु ‘समाचार’ होइन, ‘सामान्य वास्तविकता’ बन्नुपर्छः महान्यायाधिवक्ता भण्डारी
‘उम्मेदवारबाट जनजीवनसँग जोडिएका समस्या उठोस्’
‘उम्मेदवारबाट जनजीवनसँग जोडिएका समस्या उठोस्’
कास्कीको मादी गाउँपालिका प्रमुखमा एमालेका वेदबहादुर र उपप्रमुखमा विष्णु पौडेल विजयी
कास्कीको मादी गाउँपालिका प्रमुखमा एमालेका वेदबहादुर र उपप्रमुखमा विष्णु पौडेल विजयी
सञ्जीव पराजुलीको किन कर्के नजर रिलोडेड with Video
सञ्जीव पराजुलीको किन कर्के नजर रिलोडेड with Video
मुग्लिन आर्क ब्रिज जेठदेखि सञ्चालनमा आउने
मुग्लिन आर्क ब्रिज जेठदेखि सञ्चालनमा आउने

तपाईंले छुटाउनुभयो कि?