रौतहट प्रिमियर लिग क्रिकेट (अारपिएल) असोज ११ देखि सुरु हुने !

काठमाडौं, १ असाेज । रौतहट प्रिमियर लिग क्रिकेट (अारपिएल) प्रतियोगिता आगामी असोज ११ देखि सुरु हुने भएको छ । आयोजक ओमेगा माध्यमिक विद्यालयले आइतबार पत्रकार सम्मेलन गर्दै प्रतियाेगिताकाे मिति सार्वजनिक गरेकाे हाे । उनीहरुकाे अनुसार प्रतियाेगिता २० असोजसम्म चल्नेछ साथै प्रतियोगितामा १२ टिमको सहभागिता रहनेछ ।

खेलहरु श्री चिनी मिलको मैदान, गौरमा हुनेछ । विजेताले ३ लाख ५० हजार जाउनेछ भने दोस्रो टिमले १ लाख ५० हजार र तेस्रोले २५ हजार रुपैयाँ पाउनेछ ।

नेपालमा पछिल्लाे समय एकपछि अर्काे ठूला क्रिकेट लिगहरु भैरहेका छन् । यसले नेपाली क्रिकेट पनि बस्तारै व्यवसायीक हुँदै गएकाे देखाउँछ । २०७३ सालमा काठमाडाैँमा एभरेस्ट प्रिमियर लिग इपिएल भएसँगै सुरु भएकाे घरेलु प्रतियाेगिताकाे शृङ्खला लगातार बढ्दैछ । इपिएल र धनगढी प्रिमियर लिग डिपिएल यतिबेलाका सबैभन्दा ठूला प्रतियाेगिता हुन् । साथै घाेषणा भैसकेकाे पाेखरा प्रिमियर लिगलाई पनि ठूलाे लिगका रुपमा हेरिएकाे छ ।

२० अाेभरमा हुने यी लिग रमाइला र व्यवसायीक हुने भएपनि खेलाडी उत्पादनमा भने त्यति लाभदायी नहुन सक्छ । यद्दपि निजि क्षेत्रबाट भैरहेका यी सबै काम कदरयाेग्य छन् ।