वैशाख २५ गतेको राशीफल यस्तो छ, आज कुन राशीको शुभ अंक कुन हो ?

मेष

आजको दिन राम्रो छ । तर बेलुकापख चिन्ता पर्न सक्छ । कुनै पनि कार्यमा सक्रियता बढ्ने छ । पेसा वा व्यापारमा ध्यानकेन्द्रित हुने छ भने आनन्दप्राप्ति र भोगविलासतर्फ मन केन्द्रित हुनेछ । आजका लागि शुभ अंक १ हुनेछ ।

बृष

शुभ कार्यको थलानि हुनेछ । परोपकार र धार्मिक क्रियाकलापमा धन खर्च हुनेछ । पशुपालन र कृषिव्यवसायमा सफलता प्राप्ति हुनेछ । चिन्तनमूलक र बौद्धिक काममा मन जानेछ । प्रेम र मित्र सम्बन्धमा सफलता मिल्नेछ । आजका लागि शुभ अंक ४ हुनेछ ।

मिथुन

व्यापार र व्यवसायको क्षेत्रमा खट्ने समय आएको छ । कतै लामो दूरीको लाभदायी यात्रा गर्नु पर्ने छ । दिउँसोका तुलनामा बिहानको समय राम्रो छ । दीर्घकालीन व्यवस्थापनका क्षेत्रमा आर्थिक लगानी हुनेछ । आजका लागि शुभ अंक ७ हुनेछ ।

कर्कट

आज दण्ड सजाय भोग्नु पर्ने या सामान हराउन सक्ने समय छ । अनावश्यक कुरामा अल्झिनु राम्रो हुँदैन । तपाईंको परिश्रम खेर जान सक्छ । स्वास्थ्यमा अचानक गडबडी आउने देखिन्छ ।आजका लागि शुभ अंक ५ हुनेछ ।

सिंह

व्यापार व्यवसायबाट राम्रो प्रतिफल प्राप्त हुने छ । बौद्धिक क्षेत्रमा समेत राम्रो छ । गरेका काममा ढिलो भए पनि उपलब्धीमूलक सफलता मिल्नेछ । दिनभरि पारिवारिक सम्बन्ध सामान्य रूपले अगाडि वढ्ने छ । आजका लागि शुभ अंक ३ हुनेछ ।

कन्या

आज दिनभरि मन प्रफुल्ल रहनेछ । शान्त र रमाइलो वातावरणको सिर्जना हुनेछ । व्यवहारिक र व्यवसायिक चिन्तनका लागि उपयुक्त समय छ । घरायसी सुखसुविधा र मायाप्रेमका लागि समय दिनुपर्ने छ । आजका लागि शुभ अंक ६ हुनेछ ।

तुला

बौद्धिक र चिन्तनमूलक क्रियाकलाप दिन बित्नेछ । तर साँझको समयदेखि प्रतिकूल समय सुरु हुनसक्छ । आर्थिक समस्याले सङ्कट उत्पन्न गर्न सक्छ । खर्च बढ्न सक्छ । रिसको कारणले असर पुर्याउने सम्भावना समेत छ । आजका लागि शुभ अंक ५ हुनेछ ।

बृश्चिक

आज साँझ कुनै आम्दानीको नयाँ स्रोत देखा पर्नेछ । परदेशमा बसोबास गर्नेहरूले आफ्नो कमाइको केही अंश खानपीन र मनोरञ्जनका क्षेत्रमा खर्च गर्नेछन् । प्रतिफल प्राप्त नहुने क्षेत्रमा निरर्थक लगानी हुने भय छ । आजका लागि शुभ अंक ३ हुनेछ ।

धनु

आज नयाँ कामधन्दा वा व्यवसाय सुरु गर्ने अवसर आएको छ । रोकिएका कामहरू बन्न सक्छन् । ठूलो आशा देखाउनेहरूले धोका दिन सक्छन् । कामको चाप र दायित्व बढ्नेछ । अरुका जिम्मेवारी समेत वहन गर्नुपर्ने योग छ । आजका लागि शुभ अंक ९ हुनेछ ।

मकर

खर्च गर्न मन हौसिने योग छ तर व्यवसायिक क्षेत्रबाट राम्रै लाभ प्राप्त हुनेछ । पारिवारिक सुख मिल्नेछ । अभिभावकवर्गबाट आवश्यक सहयोग र सल्लाह प्राप्त हुनेछ । सामाजिक क्षेत्रबाट सम्मानित हुने अवसर पाइने छ । आजका लागि शुभ अंक ३ हुनेछ ।

कुम्भ

आर्थिक अवस्थामा दृढता आउने छ । कृषि तथा कृषिजन्य व्यवसायमा संलग्नहरूले लाभ लिन सकिने छ । सामाजिक र पारिवारिक सम्बन्ध सुदृढ हुनेछ । दिन रमाइलो गरी बित्नेछ । महत्वपूर्ण ठाउँमा बोली बिक्नेछ । आजका लागि शुभ अंक ९ हुनेछ

मीन

आज सफलता प्राप्त हुन गाह्रो छ । तपाईंका असन्तुष्टि बढ्ने छन् । अधुरा कामहरू पूरा हुन सक्दैनन् । स्वास्थ्यपक्षको समस्या यथावत् रहने छ । धार्मिक, आध्यात्मिक र सामाजिक काममा पनि मन जाने खेखिदैंन । आजका लागि शुभ अंक ८ हुनेछ ।