संसारीमाईको पूजा जेठ २६ मा

Abhiyanpost Abhiyanpost
|
आइतबार, चैत्र ५, २०७९
|
|
५१ पटक हेरिएको
Shares
संसारीमाईको पूजा जेठ २६ मा

सारांश

  • जलेश्वर ।
  • अनादिकालदेखि आस्थाको केन्द्र मानिएको महोत्तरीको सदरमुकाम जलेश्वरमा अवस्थित प्रसिद्ध शक्तिपीठ संसारीमाईको पूजा आगामी जेठ २६ मा हुने भएको छ ।
  • प्रत्येक पाँच वर्षको अन्तरालमा हुने संसारीमाईको पूजा यसपाली २०८० साल जेठ २६ गते शुक्रबारको दिन हुने भएको संसारीमाईको पूजारी (धामी) महेन्द्र मुखियाले जानकारी दिए ।

जलेश्वर । अनादिकालदेखि आस्थाको केन्द्र मानिएको महोत्तरीको सदरमुकाम जलेश्वरमा अवस्थित प्रसिद्ध शक्तिपीठ संसारीमाईको पूजा आगामी जेठ २६ मा हुने भएको छ । प्रत्येक पाँच वर्षको अन्तरालमा हुने संसारीमाईको पूजा यसपाली २०८० साल जेठ २६ गते शुक्रबारको दिन हुने भएको संसारीमाईको पूजारी (धामी) महेन्द्र मुखियाले जानकारी दिए ।

जलेश्वर नगरपालिका–१ मा अवस्थित संसारीमाईलाई विशेषरुपमा आह्वान गरी आज बिहान धामी महेन्द्र मुखियाको आँगनमा बसेको पूजासम्बन्धी विशेष बैठकमा संसारीमाईको पूजा आउँदो असार कृष्णपक्ष षष्ठी तिथि जेठ २६ गते शुक्रबारको दिन हुने भएको सूचना जारी गरिएको हो ।

जलेश्वर नगरपालिकाका नगरप्रमुख सुरेश साह सोनार, वडा नं १ का वडाध्यक्ष अनिल कुमार झा, वडा नम्बर –२ का वडाध्यक्ष बरुणकुमार दाहाल, वडा नं ६ का वडाध्यक्ष रवीन्द्रप्रसाद साह, भूतपूर्व नगरप्रमुख रामशङ्करप्रसाद साह, वडा नं १ का भूतपूर्व वडाध्यक्ष अशोककुमार साहसहित नगरका प्रबुद्ध एवं अगुवासहितको उपस्थिति एवं सहभागितामा आज बसेको बैठकले उक्त निर्णय गरेको हो ।

यसअघि संसारीमाईको पूजा विक्रम सम्वत् २०७५ वैशाख २१ गतेको दिन भएको थियो । जलेश्वर नगरमा हुने संसारीमाईको पूजामा लाखौँको सङ्ख्यामा नेपाल तथा भारतका श्रद्धालु एवं दर्शनार्थी सहभागी हुने गर्दछन् भने हजारौँको सङ्ख्यामा बलि प्रदान गर्ने गरिन्छ । सो क्रममा जलेश्वर नगरक्षेत्रभित्र बस्ने प्रत्येक नगरवासीले संसारीमाईलाई बलि प्रदान गर्ने परम्परा छ ।

सुरुमा माता संसारीलाई पाँच जीवको पञ्चबलि चढाइन्छ भने त्यसपछि उहाँलाई आस्था र गक्ष अनुसार भक्तजनले मूसो, परेवा, हाँस, कुखुरा, बोका, सुङ्गुर, बङ्गुर र अन्त्यमा राँगा बलि गरिन्छ ।

संसारीमाईको पूजा कहिलेदेखि सुरु भएको हो भन्ने कसैलाई थाहा छैन । सुरु सुरुमा संसारीमाईको प्रत्येक १२ वर्षमा पूजा हुने गरेको थियो । त्यसपछि प्रत्येक सात वर्षमा भयो भने प्रत्येक पाँच वर्षको अन्तरालमा हुँदै आएको छ ।

आज पूजाको तिथिमिति निर्धारण भइसकेर जनहितमा सूचना जारी गरिसकिए पनि पूजासम्बन्धी समिति निर्माण र चन्दा सङ्कलन तथा पूजा तयारी एवं व्यवस्थापनसम्बन्धी कुरापछि निर्धारण गरिने भएको वडा नं १ का वडाध्यक्ष अनिलकुमार झाले बताए।

जलेश्वरमा यस पूजाको दिन ठूलो मेलासमेत लाग्छ । मेलामा करिब रू एक करोड खर्च हुने अनुमान गरिएको छ ।

प्रतिक्रिया

कमेन्ट लेख्नुहोस्

तपाईंको इमेल ठेगाना प्रकाशित हुनेछैन। आवश्यक फिल्डहरू चिन्ह लगाइएका छन् *

कुल कमेन्ट: 0
यो खबर पढेर तपाईंलाई कस्तो महसुस भयो ?

यो पनि पढौँ

जिप र माइक्रोबस असार १ देखि नयाँ बसपार्कभित्रबाट सञ्चालन हुने
जिप र माइक्रोबस असार १ देखि नयाँ बसपार्कभित्रबाट सञ्चालन हुने
कोरोना र फाइभ जी बीच सम्बन्धको रहस्य के हो ? जहाँ फाइभ जी त्यहाँ बढी संक्रमण किन?
कोरोना र फाइभ जी बीच सम्बन्धको रहस्य के हो ? जहाँ फाइभ जी त्यहाँ बढी संक्रमण किन?
प्रधानमन्त्री र सातवटै मुख्यमन्त्री बालुवाटारमा भेला, के विषयमा भयाे छलफल?
प्रधानमन्त्री र सातवटै मुख्यमन्त्री बालुवाटारमा भेला, के विषयमा भयाे छलफल?
पन्त, सिंह र धानुकलाई एआईजीमा बढुवा, आजै दर्ज्यानी चिह्न प्रदान गरिने
पन्त, सिंह र धानुकलाई एआईजीमा बढुवा, आजै दर्ज्यानी चिह्न प्रदान गरिने
नाइजेरिया जित्दा अर्जेन्टिनालार्इ कस्तो फाइदा?
नाइजेरिया जित्दा अर्जेन्टिनालार्इ कस्तो फाइदा?
दाङ-२ मा रास्वपाको क्लिन स्विप: शंकर पोख्रेललाई २८ हजार मतान्तरले हराउँदै विपिन आचार्य विजयी
दाङ-२ मा रास्वपाको क्लिन स्विप: शंकर पोख्रेललाई २८ हजार मतान्तरले हराउँदै विपिन आचार्य विजयी
बर्दिवासमा भीषण वर्षा : पानी चुहिएपछि मतगणना कार्य रोकियो !
बर्दिवासमा भीषण वर्षा : पानी चुहिएपछि मतगणना कार्य रोकियो !
बिराटनगर महानगरको अहिलेसम्मको मतगणना परिणाम (अपडेट)
बिराटनगर महानगरको अहिलेसम्मको मतगणना परिणाम (अपडेट)
एमालेले प्रदेश १ मा मुख्यमन्त्री टुंगो लगाउँदै
एमालेले प्रदेश १ मा मुख्यमन्त्री टुंगो लगाउँदै
नाग देवता उत्पत्ति भएको भन्दै पूजा
नाग देवता उत्पत्ति भएको भन्दै पूजा

तपाईंले छुटाउनुभयो कि?