“सम्पादकलाई चिठी”

Abhiyanpost Abhiyanpost
|
सोमबार, श्रावण ७, २०७५
|
|
५१ पटक हेरिएको
Shares
“सम्पादकलाई चिठी”

सारांश

  • राजकुमार दिक्पाल सम्पादकज्यू,  आज एउटा सानो कुरा गर्नुछ तपाईंसँग !
  • हिजोआज भयाक्रान्त हुन्छु म तपाईंको अखबारमा छापिने शब्दहरुसँग !
  • जसरी म तर्सन्थेँ –सानो छँदा आमाले ‘पुलिस बोलाउँछु’ भन्दा या कसैले भूतप्रेतको कथा सुनाउँदा ।

राजकुमार दिक्पाल

सम्पादकज्यू, 
आज एउटा सानो कुरा गर्नुछ तपाईंसँग !

हिजोआज भयाक्रान्त हुन्छु म
तपाईंको अखबारमा छापिने शब्दहरुसँग !
जसरी म तर्सन्थेँ
–सानो छँदा आमाले ‘पुलिस बोलाउँछु’ भन्दा या
कसैले भूतप्रेतको कथा सुनाउँदा ।

क्षमा पाऊँ
म तपाईंसँग डराइरहेछु आज !

कुनै बेला
तपाईंको अखबारको पर्खाईमा छटपटिन्थेँ
तर अहिले तपाईंको अखबार
भरसक पढ्न नपरोस भनेर
छटपटिन्छु म ।
किन यस्तो अनौठो अनुभूतिले सताइरहेछ
तपाईंको नियमित पाठकलाई आज ?

तपाईंसँग समय छ कि छैन सम्पादकज्यू,
तर आज एउटा सानो कुरा गर्नुछ तपाईंसँग ।

निभ्न लागेको आगोलाई बाल्नुपर्ने हो तपाईंले
तर बलेको आगो ताप्न थाल्नुभो तपाईं
– दुःखी भएँ म ।
सतित्व लुटिएकी चेलीहरु छटपटाइरहँदा
ब्लो अपमा छपिने सुन्दरीसँग डेटिङमा हुनुहुन्थ्यो तपाईं
–लज्जित भएँ म ।
यहाँ अन्यायविरुद्ध आवाज उठिरहँदा
चियर्स गरिरहनुभएको थियो, तपाईं शक्तिकेन्द्रहरुसँग
–विचलित भएँ म ।
यहाँ अग्र्यानिक बगैँचाहरु सुक्दै जाँदा
तपाईं बहुराष्ट्रिय कम्पनीको प्रवक्ता बन्नुभो
–साह«ै विरक्त भएँ म ।
नदेख्दा सप्तरंगी इन्द्रधनुषी नेपाली अनुहार तपाईंको अखबारमा
–म रोएँ सम्पादकज्यू !

धन्य छ, सम्पादकज्यू !
तपाईंले त ‘गजब’को अजेण्डा सेटिङ गरिदिनुभयो
फेरि पनि धन्य छ, तपाईंको ‘ब्यावसायिक धर्म निर्वाह’ ।

तपाईं आफैले किन धुजा धुजा पार्नुभयो–
आफैले रचना गरेको ‘सत्य, तथ्य र निष्पक्ष’ स्लोगन
किन स्खलीत हुनुभयो आदर्शबाट
क्षमा गर्नुहोला, सम्पादकज्यू !
मनबाट आस्थाको हिमालचुली
ढलिरहेको अनुभूति भइरहेछ आज मलाई ।

तर पनि च्यातेर तपाईंको अखबार
‘प्रेस स्वतन्त्रता’ कुण्ठित गर्न चाहन्न म
र, चाहन्न म त्यसपछि पढ्न
तपाईंको सम्पादकीयमा पोखिने अरण्य रोदन ।

धनकुटा (हाल :  काठमाडौं)

प्रतिक्रिया

कमेन्ट लेख्नुहोस्

तपाईंको इमेल ठेगाना प्रकाशित हुनेछैन। आवश्यक फिल्डहरू चिन्ह लगाइएका छन् *

कुल कमेन्ट: 0
यो खबर पढेर तपाईंलाई कस्तो महसुस भयो ?

यो पनि पढौँ

सिसी क्यामेराको जडान गर्न करीब छ करोड
सिसी क्यामेराको जडान गर्न करीब छ करोड
प्रदिप पाैडेललार्इ ५ भोटले हराउने आशा प्रदेश ४ को सभामुखमा एक मात्र माओवादीकी दाबेदार
प्रदिप पाैडेललार्इ ५ भोटले हराउने आशा प्रदेश ४ को सभामुखमा एक मात्र माओवादीकी दाबेदार
प्रधानमन्त्री ओलीको चीन भ्रमणका बेला हस्ताक्षर गरिएका नौवटा सहमतिमा के छ?
प्रधानमन्त्री ओलीको चीन भ्रमणका बेला हस्ताक्षर गरिएका नौवटा सहमतिमा के छ?
चाडपर्वसँगै सार्वजनिक यातायातमा निगरानी
चाडपर्वसँगै सार्वजनिक यातायातमा निगरानी
आयो कक्षा १२ को मौका परीक्षाको परीक्षाफल
आयो कक्षा १२ को मौका परीक्षाको परीक्षाफल
प्राकृतिक विपत्तिबाट जोगिन आवश्यक सजगताका लागि प्रधानमन्त्रीकाे आह्वान
प्राकृतिक विपत्तिबाट जोगिन आवश्यक सजगताका लागि प्रधानमन्त्रीकाे आह्वान
बबर्इ नदीकाे जलसतहले सतर्कता तह पार गर्याे,  सतर्क रहन सर्वसाधारणलार्इ अनुराेध
बबर्इ नदीकाे जलसतहले सतर्कता तह पार गर्याे, सतर्क रहन सर्वसाधारणलार्इ अनुराेध
भरतपुरमा गरिएको झेल बिरुद्ध उभिए कांग्रेसका युवा नेताहरु  ,,,
भरतपुरमा गरिएको झेल बिरुद्ध उभिए कांग्रेसका युवा नेताहरु ,,,
तनहुँमा डेङ्गु नियन्त्रण गर्न उच्च प्राथमिकता
तनहुँमा डेङ्गु नियन्त्रण गर्न उच्च प्राथमिकता
प्रचण्डको सभामा बम विस्फोट , सर्वसाधारणको भागाभाग ।
प्रचण्डको सभामा बम विस्फोट , सर्वसाधारणको भागाभाग ।

तपाईंले छुटाउनुभयो कि?