सरकारलाई दिएको समर्थन फिर्ता लिने तयारीमा राजपा
सारांश
- काठमाडौं, १९ मंसिर ।
- राष्ट्रिय जनता पार्टी नेपालले सरकारलाई दिएको समर्थन फिर्ता लिने तयारी गरेको छ ।
- दिपावली र छठपछि समर्थन फिर्ता लिने चेतावनी दिएको राजपाले आधिकारिक निर्णय भने सार्वजनिक गरेको छैन ।
काठमाडौं, १९ मंसिर । राष्ट्रिय जनता पार्टी नेपालले सरकारलाई दिएको समर्थन फिर्ता लिने तयारी गरेको छ । दिपावली र छठपछि समर्थन फिर्ता लिने चेतावनी दिएको राजपाले आधिकारिक निर्णय भने सार्वजनिक गरेको छैन ।
राजपाको शीर्ष नेतृत्व र अन्य पदाधिकारीबीच सरकारको समर्थन फिर्ता लिने÷ नलिने बारे सहमति जुट्न नसक्दा महाधिवेशनको तयारी अन्यौलमा परेको छ । आन्तरिक विवादका कारण गत शुक्रबार बसेको अध्यक्षमण्डलको बैठक एजेन्डामा प्रवेश नगरी स्थगित भएको थियो ।
राजपा नेपालका नेता लक्ष्मणलाल कर्णले केही दिनपछि पार्टीको बैठक बोलाएर सरकारलाई दिएको समर्थनका बिषयमा आधिकारिक टुंगो लाग्ने बताए । उनले सरकारको समर्थन कुनै हालतमा पनि फिर्ता हुनुपर्ने अडान लिएका छन् ।
नेता कर्णले औचित्यहिन समर्थन गर्नु पार्टीका लागि कुनै फाईदा नभएको बताए । राजपाले राखेका मागप्रति सरकारले चाँसो नदेखाएको उनको आरोप छ ।
प्रतिक्रिया