स्थिर सरकारको जगबाट आर्थिक समृद्धि र विकासको यात्रामा अघि बढ्न प्रचण्डको आग्रह
सारांश
- काठमाडौं, १ बैशाख ।
- नेपाल कम्युनिष्ट पार्टी माओवादी केन्द्रका अध्यक्ष पुष्पकमल दाहाल “प्रचण्ड”ले २०७४ सालले दिएको स्थिर सरकारको जगबाट आर्थिक समृद्धि र विकासको यात्रामा अगाडि बढ्न सबैलाई अपिल गरेका छन् ।
- नयाँ वर्ष २०७५ को अवसरमा शुभकामना दिँदै अध्यक्ष प्रचण्डले त्यस्तो अपिल गरेका हुन् ।
काठमाडौं, १ बैशाख । नेपाल कम्युनिष्ट पार्टी माओवादी केन्द्रका अध्यक्ष पुष्पकमल दाहाल “प्रचण्ड”ले २०७४ सालले दिएको स्थिर सरकारको जगबाट आर्थिक समृद्धि र विकासको यात्रामा अगाडि बढ्न सबैलाई अपिल गरेका छन् । नयाँ वर्ष २०७५ को अवसरमा शुभकामना दिँदै अध्यक्ष प्रचण्डले त्यस्तो अपिल गरेका हुन् ।
“नयाँ वर्ष वि.सं. २०७५ सालको सुखद् उपलक्ष्यमा स्वेदश तथा विदेशमा रहनुभएका सम्पूर्ण नेपाली दिदीबहिनी तथा दाजुभाइहरुमा सुख, शान्ति, समृद्धि, राष्ट्रिय एकता र निरन्तर प्रगतिको हार्दिक शुभकामना व्यक्त गर्दछु”, अध्यक्ष प्रचण्डले भनेका छन् । नयाँ संविधान कार्यान्वयनका दृष्टिले वि.सं. २०७४ साल नेपाली इतिहासमा अविस्मरणीय रहेको उल्लेख गर्दै अध्यक्ष प्रचण्डले राजनीतिक संक्रमणको अन्त्य गरी स्थिरता, विकास र समृद्धि हासिल गर्न २०७४ सालले हामीमा आधार र उर्जा प्रदान गरेको बताएका छन् । मुलुकमा संघीय प्रणालीको व्यवहारिक अभ्याससहित स्थानीय तह, प्रादेशिक र संघीय निर्वाचन सम्पन्न हुनु नेपाल र नेपालीका लागि गौरवको कुरा भएको शुभकामना सन्देशमा उल्लेख छ ।
समाजवादउन्मूख संघीय संविधानले परिकल्पना गरेको समाजवादी आधार निर्माणको दिशामा अघि बढ्नु अहिलेको हाम्रो कार्यभार हो भन्दै अध्यक्ष प्रचण्डले आफ्नो शुभकामना सन्देशमा भनेका छन्, “यस अवसरमा स्थिरता, सुशासन र समृद्धिको अभियानमा दृढतापूर्णक सहभागी हुन आम नेपाली जनसमुदायसँग हार्दिक आव्हान गर्दै पुनः एकपटक नयाँ वर्ष २०७५ सालको हार्दिक शुभकामना व्यक्त गर्दछु ।”
प्रतिक्रिया