३३ महिनादेखि प्रहरी आफैं अुसरक्षित

Abhiyanpost Abhiyanpost
|
शुक्रबार, माघ ५, २०७४
|
|
६१ पटक हेरिएको
Shares
३३ महिनादेखि प्रहरी आफैं अुसरक्षित

सारांश

  • लमजुङ, माघ ५ ।
  •  प्रहरी नै असुरक्षित छ भन्दा सबैलाई अचम्म लाग्न सक्छ, तर यो साँचो हो ।
  • प्रहरी जवान ड्युटीमा उभिरहेको ठाउँ नजिकैको त्रिपालमुनि नै दिन र रात बिताउँछन् दूधपोखरी गाउँपालिकाको बिचौरका प्रहरी जवानहरु ।

लमजुङ, माघ ५ । प्रहरी नै असुरक्षित छ भन्दा सबैलाई अचम्म लाग्न सक्छ, तर यो साँचो हो । प्रहरी जवान ड्युटीमा उभिरहेको ठाउँ नजिकैको त्रिपालमुनि नै दिन र रात बिताउँछन् दूधपोखरी गाउँपालिकाको बिचौरका प्रहरी जवानहरु ।

१४ जना प्रहरीहरु यही त्रिपालमुनि रात बिताएको पनि ३३ महिना पुगेछ । उनिहरु भन्छन्, ‘रातमा आन्नद अनि सुरक्षित भएर सुत्न पनि पाएका छैनौं ।’

भाडामा बस्दै आएका यहाँको प्रहरी कार्यालय २०७२ बैशाख १२ गते गएको बिनाशकारी भुकम्पबाट चर्किएर जोखिमयुक्त बनेको छ । बस्दै आएका भवन बस्न नमिलेपछि जिल्ला प्रहरी कार्यालय लमजुङले प्रहरी जवानका लागि त्रिपाल पठाएपछि उनिहरु यही त्रिपालको भरमा बस्दै आएका छन् ।

भुकम्प गएको ३३ महिना बितिसक्दा पनि आफूहरुले राम्रो बास पाउन नसकेको ईलाका प्रहरी कार्यालय बिचौरका सही केशव बहादुर क्षेत्री बताउँछन् । ‘साँझ बिहान पर्ने तुसारोले त्रिपाल सेताम्मे हुन्छ । अनि शीत चुइन्छ ।’ उनले भने, ‘ पानी पर्दा त निथ्रुक्कै भइन्छ । बर्खा र जाडो यसैगरी कटाउन बाध्य छौं ।’

जनतको सेवामा दिन रात खटिने प्रहरी त्रिपालमुनि कालो रात गुजार्दा उनिहरु आफूहरुलाई असुरक्षित महशुस भएको बताउँछन् ।

ईलाका प्रहरी कार्यालय बिचौरको नयाँ भवन पनि नबनेको भने होइन् । सम्झौता अनुसारको भवन नबनेको भन्दै उनिहरुलाई नयाँ भवनमा बस्न दिइएको छैन् । ठेकेदारको लापरबाहीका कारण गलत डिजाइन र कमजोर भवन भएका कारण प्रहरीलाई नयाँ भवनमा बस्न नदिएको बताइर्एको छ । ठेकेदार कम्पनी जेएसआर निभा जेभी पोखराले भवनको ठेक्का पाएको थियो ।

त्रिपालको चौघेरोमा बस्दै आएका उनिहरुलाई सुबिधा सम्पन्न भवनमा कहिले बस्न पाउने हो भन्ने चासो पनि उत्तिकै छ । जिल्ला प्रहरी कार्यालय लमजुङको पटक पटकको ताकेतापछि नयाँ भवनको माथिल्लो तल्ला र चर्किएको ठाउँमा मर्मत सम्भार गरिएको छ । १२ असार २०७० मा सम्झौता भएको भवन सम्झौता अनुसार ९ चैत्र २०७० मा निर्माण भईसक्नुपर्ने प्रहरी नायव उपरिक्षक पदम बहादुर बिष्टले बताए ।

शान्ति तथा पुननिर्माण मन्त्रालय र दातृ निकायको सहयोगमा एककरोड ८ लाख ६५ हजार २ सय २६ रुपैयाँमा उक्त भवन निर्माण गरिएको थियो । छिमेकी जिल्ला गोरखासँग सिमाना जोडिएको पूर्वी लमजुङको विकट साविकको बिचौर, ईलमपोखरी र दुधपोखरी कार्यक्षेत्र रहेको सो प्रहरी कार्यालय ‘क’ श्रेणीको ईलाका प्रहरी कार्यालय हो ।

प्रतिक्रिया

कमेन्ट लेख्नुहोस्

तपाईंको इमेल ठेगाना प्रकाशित हुनेछैन। आवश्यक फिल्डहरू चिन्ह लगाइएका छन् *

कुल कमेन्ट: 0
यो खबर पढेर तपाईंलाई कस्तो महसुस भयो ?

यो पनि पढौँ

प्रचारप्रसार निषेध अवधिको सूक्ष्म अनुगमन र निगरानी
प्रचारप्रसार निषेध अवधिको सूक्ष्म अनुगमन र निगरानी
मोटरसाइकको ठक्करबाट घाइते गिरीको उपचारका क्रममा मृत्यु
मोटरसाइकको ठक्करबाट घाइते गिरीको उपचारका क्रममा मृत्यु
धनगढीमा स्वतन्त्र उम्मेदवार अघिअघि
धनगढीमा स्वतन्त्र उम्मेदवार अघिअघि
बिर्तामोडको जनजीवन सामान्य बन्दै, १२ बजेसम्मलाई कर्फ्यु हट्यो
बिर्तामोडको जनजीवन सामान्य बन्दै, १२ बजेसम्मलाई कर्फ्यु हट्यो
नेप्से परिसूचक ६२ अङ्कले बढ्दा करिब साढे छ अर्बको कारोबार
नेप्से परिसूचक ६२ अङ्कले बढ्दा करिब साढे छ अर्बको कारोबार
विद्याले स्व रवीन्द्रको जन्मघरबाटको चुनावी अभियान शुरु गर्ने
विद्याले स्व रवीन्द्रको जन्मघरबाटको चुनावी अभियान शुरु गर्ने
जब मोदीले सोलिहलाई क्रिकेट ब्याट उपहार दिए
जब मोदीले सोलिहलाई क्रिकेट ब्याट उपहार दिए
देउवा सरकारले ल्याएको ‘कर्मचारी स्वेच्छिक अवकास’ ओली सरकारलाई निल्नु न ओकल्नु
देउवा सरकारले ल्याएको ‘कर्मचारी स्वेच्छिक अवकास’ ओली सरकारलाई निल्नु न ओकल्नु
नागरिकता नभए पनि राष्ट्रिय परिचयपत्र
नागरिकता नभए पनि राष्ट्रिय परिचयपत्र
पूर्वराजा पृथ्वीनारायण शाहको शालिकमा माल्यार्पण गर्न जाँदा उर्लियो जनसागर
पूर्वराजा पृथ्वीनारायण शाहको शालिकमा माल्यार्पण गर्न जाँदा उर्लियो जनसागर

तपाईंले छुटाउनुभयो कि?