काठमाडौं । राष्ट्रिय सभा सदस्यको म्याद सकिएपछि हिजोमात्रै राजिनामा दिएका अर्थमन्त्री युवराज खतिवडा पुनः अर्थमन्त्रीमा नियुक्त भएका छन् ।
दोस्रोपटक मिर्गौला प्रत्यारोपणका लागी त्रिवि शिक्षण अस्पतालको अप्रेशन थिएटर लैजानु अघि प्रधानमन्त्री केपी शर्मा ओलीले खतिवडालाई अर्थमन्त्रीमा नियुक्त गरेका हुन् ।
संविधान अनुसार, खतिवडा अब ६ महिनासम्म अर्थमन्त्री रहन सक्छन् । त्यसबीचमा उनी संघीय संसदको सदस्य नबनेमा स्वतः उनी मन्त्रीबाट हट्नेछन् ।
खतिवडालाई राष्ट्रपति विद्यादेवि भण्डारीले बुधबार अपरान्ह ४ बजे सपथ गराउने कार्यक्रम तय भएको बताइएको छ ।
