पौष महिना भित्र शिवराज खुल्ला दिशा मुक्त हुँदै
सारांश
- माधव बेल्वासे कपिलवस्तु(चन्द्रौटा) पुष १५, कपिलवस्तुको शिवराज नगरपालिका यहि पौष महिना भित्र खुल्ला दिशा मुक्त घोषणा हुने भएको छ ।
- नगरप्रमुख नेत्रराज अधिकारीले ११ वडा मध्ये १० वटा वडा खुल्ला दिशा मुक्त घोषणा भइसकेकोले यस महिना भित्र शिवराज नगरपालिका नै खुल्ला दिशा मुक्त घोषणा गर्ने वताए ।
- शिवराज नगरपालिका वडा नं ७ जवाभारी खुला दिसामुक्त वडा घोषणा गर्दै नगर प्रमुख अधिकारीले नगरपालिका खुला दिसामुक्त हुने अन्तिम अवस्थामा आएकोले सबै घरधनिहरुले शौचालय निर्माण गरेर प्रयोगमा ल्याउन आग्रह गरे ।
माधव बेल्वासे
कपिलवस्तु(चन्द्रौटा) पुष १५,
कपिलवस्तुको शिवराज नगरपालिका यहि पौष महिना भित्र खुल्ला दिशा मुक्त घोषणा हुने भएको छ । नगरप्रमुख नेत्रराज अधिकारीले ११ वडा मध्ये १० वटा वडा खुल्ला दिशा मुक्त घोषणा भइसकेकोले यस महिना भित्र शिवराज नगरपालिका नै खुल्ला दिशा मुक्त घोषणा गर्ने वताए ।
शिवराज नगरपालिका वडा नं ७ जवाभारी खुला दिसामुक्त वडा घोषणा गर्दै नगर प्रमुख अधिकारीले नगरपालिका खुला दिसामुक्त हुने अन्तिम अवस्थामा आएकोले सबै घरधनिहरुले शौचालय निर्माण गरेर प्रयोगमा ल्याउन आग्रह गरे । उनले खुल्ला दिशामुक्त सगै बालमैत्री, अपांगमैत्री, छुवाछुत रहित,बाल विवाह मुक्त नगर बनाउन सबैले पहलकदमी गर्नुपर्ने बताए । उनले भने शिवराज नगरपालिका वडा न ९ बालमैत्री वडा घोषणा भइसकेको छ अव सवै नगर नै बालमैत्री नगर बनाउ सवैको सहयोग आवश्यक छ ।
वडा न ७ मा रहेका घरधुरी ४६६ मध्ये पहिले शौचालय बनेको ७, हाल बनेको ३९१ , निर्माणाधी १७ गरि शतप्रतिशत घरधुरीमा शौचालय निर्माण भई प्रयोगमा आएको वडा अध्यक्ष अनुप कुमार चौधरीले बताए । चौधरीले आगामी दिनमा शौचालय प्रयोग वारेमा अनुगमन गर्ने , वालमैत्री स्थानिय शासन युक्त वडा बनाउने, शुद्धखानेपानी व्यावस्था गर्ने लगाएतका योजनाहरु समेत अघि सारेका छन ।
लामो प्रयास पछि नगरका दक्षिण भेगका नागरिकमा पनि चेतान वृद्धि भई वडा लाई खुल्ला दिसामुक्त बनाउन सफल भएकोमा नगर उप प्रमुख शिवकुमारी चौधरीले वडा अध्यक्ष अनुप कुमार चौधरीलाई धन्यवाद समेत दिइन । मधेशमा रहेको कुरिति एकै परिवारका बुहारी सासु र ससुराले एकै ठाँउमा शौच गरे अनिष्ठ हुने कप्रथालाई अन्त्य गर्न वडा वासी सफल भएको उनले बताइन । अव निर्माण भएका शौचालयहरुको सहि प्रयोग गर्नु पर्नेमा चौधरीले जोड दिइन ।
कार्यक्रममा सरसफाइ दुत महादेव पोखरेलले वडालाई खुल्ला दिसामुक्त वडा घोषणा गर्ने अभियानलाई सफल पार्न विहानै खुल्ला ठाँउमा शौच गर्नेहरुलाई कारवार्हि गर्दै गर्दा नागरिकले गरेको गुनासो प्रति इङ्गित गर्दै खुल्ला ठाँउमा शौच गर्नेलाई कारवार्हि गर्नु पर्ने बाध्यता रहेको बताए । खुल्ला दिसामुक्त गर्दै अघि बढ्यो नेपाल, सफा, सुन्दर, गाँउ सहर,तराई पहाड, हिमाल नाराका साथ वडालाई खुल्ला दिशामुक्त क्षेत्र गरिएको हो । शिवराज नगरपालिका, जिल्ला खानेपानी सरसफाई सव डिभिजन कार्यालय र युनिसेफको सहयोगमा शिवराज नगरपालिका वडा नं ७, लाई आइतबार एक कार्यक्रम विच खुला दिसामुक्त वडा घोषणा गरिएको हो ।
प्रतिक्रिया