प्रधानमन्त्री स्वदेश फर्किनै बित्तिकै सेनापति थापा चीनतर्फ, के गर्ने छन् चीनमा ?

Abhiyanpost Abhiyanpost
|
आइतबार, आषाढ १, २०७६
|
|
५३ पटक हेरिएको
Shares
प्रधानमन्त्री स्वदेश फर्किनै बित्तिकै सेनापति थापा चीनतर्फ, के गर्ने छन् चीनमा ?

सारांश

  • प्रधानसेनापति पूर्णचन्द्र थापा चीन भ्रमणमा निस्किएका छन् ।
  • आइतबार अपरान्ह थापा चीनतर्फ प्रस्थान गरेका हुन् ।
  • प्रधानमन्त्री केपी शर्मा ओली साताव्यापी यूरोप भ्रमणबाट फर्किएकै दिन प्रधानसेनापति चीन भ्रमणमा निस्किएका हुन् ।

प्रधानसेनापति पूर्णचन्द्र थापा चीन भ्रमणमा निस्किएका छन् । आइतबार अपरान्ह थापा चीनतर्फ प्रस्थान गरेका हुन् । प्रधानमन्त्री केपी शर्मा ओली साताव्यापी यूरोप भ्रमणबाट फर्किएकै दिन प्रधानसेनापति चीन भ्रमणमा निस्किएका हुन् । एक साता लामो भ्रमणमा निस्किएका थापाले उच्च सैनिक अधिकारीसँग भेट गर्नेछन् । चीनले नेपालसँग सैन्य तहमा सम्बन्ध बढाउँदै लगेको छ । चिनियाँ सैन्य अधिकारीहरुको आवत्जावत् बाक्लिएको छ । थापाकै कार्यकालको शुरुमै नेपाल र चीनबीच सैन्य अभ्यास भएको थियो । यसले अन्तर्रा्ष्ट्रिय चर्चा पाएको थियो । विदेश भ्रमणमा प्रधानसेनापति थापाको दोस्रो गन्तव्य चीन भएको छ । प्रधानसेनापति भएपछि पहिलो भ्रमणका लागि भारत पुगेका थिए । उनले भारतीय सेनापतिको मानार्थ प्रधानसेनापतिको सम्मान लिएका थिए । जुन नेपाल भारतबीचको सैन्य परम्परा मानिएको छ ।

भारतपछि हरेक प्रधानसेनापति चीन जाने प्रचलन रहँदै आएको छ । थापाले पनि यसलाई निरन्तरता दिए । चीन भ्रमणका क्रममा सेनापतिले चीनका विभिन्न सैनिक संरचनाको भ्रमण गर्ने सैनिक जनसम्पर्क निर्देशनालयले जनाएको छ । उनले उच्चस्तरीय पदधिकारीसँग भेटघाट गर्नुका साथै ऐतिहासिक स्थलहरुको भ्रमण समेत गर्ने तय भएको छ ।

उच्चस्तरीय पदाधिकारीबारे केही नखुलाइएपनि प्रधानसेनापति थापाले चिनियाँ जनमुक्ति सेनाका प्रमुख ली जुओचेङसँग महत्वपूर्ण भेट गर्नेछन् । यसबाहेक चिनियाँ रक्षा मामला हेर्ने उच्च अधिकारीसँग पनि थापाको भेट हुनेछ । उनले उच्च राजनीतिक भेट पाउने नपाउने निश्चित नभएपनि त्यसको सम्भावना रहेको सैनिक स्रोतले बताएको छ ।

चीन जानुअघि विमानस्थलमा प्रधानसेनापति थापालाई बलाधिकृत रथी शरदकुमार गिरीले बिदाई गरेका थिए । चीनका राजदूत, नेपाली सेनाका उच्च अधिकारी विमानस्थलमा बिदाइका लागि पुगेका थिए ।

नेपाली सेनाले उच्च तहको सैनिक नेतृत्व वर्गको भ्रमणले नेपाली सेना र चिनियाँ सेनाबीच रहँदै आएको आपसी सौहाद्रपूर्ण सम्बन्धको सार्थ द्विपक्षीय आपसी हित र पारस्परिक सम्बन्धलाई थप सुमधुर एवं प्रगाढ बनाउन मद्दत पुग्ने विश्वास व्यक्त गरेको छ ।

यसैगरी प्रधानसेनापतिको भ्रमण अवधिभर बलाधिकृत रथी शरदकुमार गिरीले कायम मुकायम प्रधानसेनापतिको कार्यभार सम्हाल्नेछन् ।

यो पनि पढ्नुस्
सागा दावा के हो ?

सागादावा अर्थात् जेष्ठ शुक्लपक्ष तिथिको अत्यन्त महत्वपूर्ण तथा पवित्र महिना मानिन्छ । विशेषगरी महायानी बौद्ध धर्मावलम्बीहरूमा यो पवित्र महिनाको महत्व विशेष खालको रहेको छ । भगवान् बुद्धले जन्म, बुद्धत्व प्राप्ति र महापरिनिर्वाणमा प्रवेश गर्नुभएको अत्यन्त महत्वपूर्ण महिना सागादावा नैभएकोले गर्दा पनि यो महिनाको महत्व बढेर गएको हो । भगवान् बुद्धले विशेषगरी चार अवस्थाहरूले गर्दा दरवारको सबै सुखसयलहरू त्यागेर वनगमन गरेका थिए ।

६ वर्षको कठोर तपस्यापछि बुद्धत्व प्राप्त गर्नुभएका सिद्धार्थ गौतमले आपूm दरबारमा रहँदा देखिएका ती दुखदायि चार अवस्थाहरू जस्तै ः जन्म, जरा, व्याधि र मृत्यजस्ता अत्यन्त दुःखद् अवस्थालाई जुनसुकै मानवले भोग्नु पर्ने भएकोेले यसप्रकारको दुःखबाट कसरी मुक्त हुन सकिन्छ भन्नेबारे ज्ञानको खोजीमा लाग्नुभयो ।यसरी ६ वर्षको कठोर तपस्थापछि उनले दुःख छ, त्यसलाई बुझ्नु पर्दछ । दुःख उत्पन्न हुने कारण छ, त्यसलाई परित्याग गर्नुपर्दछ । दुःखलाई निरोध गर्र्ने उपाय पनि छ, त्यसलाईसाक्षात्कार गर्नुपर्दछ ।

यी सबैलाई हटाउने मार्ग छ, त्यस मार्गमा आश्रित भएर हिँड्न सक्नुपर्दछ । यस्तो अत्यन्त महत्वपूर्ण ज्ञान राजकुमार सिद्धार्थले बोध गर्नुभएपछि यसै चार आर्यसत्यलाई नै बौद्ध धर्म भनेर संसारभरी चिनिन थालियो ।यस सागादावा महिनामा बुद्धका अमृतमय वचनको स्मरण गर्दै पूजापाठ र स्तूपाहरूको प्रदक्षिणा गर्ने र दिन दुःखीहरूलाई भोजन दान, जल दान, वस्त्र दान र धन दान गरेर अपार पुण्य लाभ गर्न सकिन्छ ।

पुण्य कमाउन सागादावा नै किन चाहियो भनेर प्रश्न उठ्न सक्छ । यस बारे सागादावा नै किन पवित्र महिना हो त भन्दा यस महिनामा एउटा नक्षत्रको उदय हुने भएकोले त्यस क्षेत्रको प्रभावले हामीबाट गरिने कुनै पनि कुशल कर्म वा अकुशल कर्म गुणात्मक रूपमा वृद्धि भएर जान्छ । यसरी हामीले योपवित्र महिनामा माछा मासु त्यागेर मठ–मन्दिर गएर पूजा प्रदक्षिणा र विहार गोन्पाहरूमा गएर लामा भिक्षुहरूलाई भोजन दान गर्न सके सबै प्रतिकुल अवस्थाहरू हट्नका साथै सुख, शान्ति र समृद्धि लाभ गर्न सकिनेमा कुनै शंका रहँदैन ।

रोग–व्याधि, दुःख–कष्ट र विघ्नबाधा शमन हुनका साथै मनमा शान्ति तथा सबै मानोकांक्षाहरू पूर्ण हुने धार्मिक विश्वास रहेको छ । अन्तमा सबै सत्व प्राणिहरूले बुद्धको अमृतमय वचन श्रवण, चिन्तन र भावना गर्ने अवसर पाऊन । जो–जसले यस पवित्र महिनामा पूजापाठ गर मन्त्र जप गरे जगत् हितार्थ कल्याणकारी पुण्य आर्जन गर्ने धार्मिक अनुष्ठान गर्नुभएको छ उहाँहरू सबैको मनमा बोधिचित्त उत्पन्न होस् भनी त्रिरत्न समक्ष प्राणिधान गर्दछु ।
भवतु सर्वमंगलम् । टीका शेर्पा

प्रतिक्रिया

कमेन्ट लेख्नुहोस्

तपाईंको इमेल ठेगाना प्रकाशित हुनेछैन। आवश्यक फिल्डहरू चिन्ह लगाइएका छन् *

कुल कमेन्ट: 0
यो खबर पढेर तपाईंलाई कस्तो महसुस भयो ?

यो पनि पढौँ

बौद्ध–जोरपाटी सडकखण्डको मर्मत नगरेको भन्दै स्थानीय आन्दोलित, प्रहरीसँग झडप
बौद्ध–जोरपाटी सडकखण्डको मर्मत नगरेको भन्दै स्थानीय आन्दोलित, प्रहरीसँग झडप
काँग्रेस सभापति देउवालाई विपक्षी दलको नेतामा भूमिका नदिन माग गरिएको रिट दरपीठ
काँग्रेस सभापति देउवालाई विपक्षी दलको नेतामा भूमिका नदिन माग गरिएको रिट दरपीठ
दशैमा बलि दिइने पशुपक्षिको आत्माको चिरशान्तिको लागि ‘मानिबुम पूजा’
दशैमा बलि दिइने पशुपक्षिको आत्माको चिरशान्तिको लागि ‘मानिबुम पूजा’
युवा मतदाता समेट्दै निर्वाचन आयोग
लामो दूरीका सवारीसाधन तीन दिनसम्म काठमाडौं  भित्रिन र बाहिरिन रोक
लामो दूरीका सवारीसाधन तीन दिनसम्म काठमाडौं भित्रिन र बाहिरिन रोक
मोटरसाइकल दुर्घटनामा दुई जनाको मृत्यु
मोटरसाइकल दुर्घटनामा दुई जनाको मृत्यु
मोदी र ओलीको भेटपछि नेपाललाई हिन्दु राष्ट्र बनाउने सहमति हुने डा. लोहनीको खुलासा
कोमाबाटै अवकाश पाउँदै डिआइजी राजेन्द्रमान श्रेष्ठ
कोमाबाटै अवकाश पाउँदै डिआइजी राजेन्द्रमान श्रेष्ठ
सामाजिक सुरक्षा भत्ता दैलोदैलोमामा बाँड्दै बैङ्क
सामाजिक सुरक्षा भत्ता दैलोदैलोमामा बाँड्दै बैङ्क
रु छ करोडको लगानीमा बिरामी आवास भवन
रु छ करोडको लगानीमा बिरामी आवास भवन

तपाईंले छुटाउनुभयो कि?