वनले बदनाम बनायो वनमन्त्री बस्नेतलाई

Abhiyanpost Abhiyanpost
|
शुक्रबार, आषाढ १३, २०७६
|
|
५४ पटक हेरिएको
Shares
वनले बदनाम बनायो वनमन्त्री बस्नेतलाई

सारांश

  • वन तथा वातावरण मन्त्री शक्तिबहादुर बस्नेतको निर्णय क्षमताको प्रभाव मन्त्रालयका नीतिगत तथा दैनिक काम–कारबाहीहरूमा पर्ने गरेको स्रोतको भनाइ छ ।
  • उनको निर्णय क्षमताको अभावका कारण मन्त्रालयका काम–कारबाहीसम्बन्धी निर्णयहरू छिटोछरितो र प्रभावकारी रूपमा सम्पादन हुन नसकेको कर्मचारीहरूको गुनासो रहेको छ ।
  • उता उनकै नेतृत्व क्षमताको अभावका कारण वन तथा वातावरण सचिव डा.

वन तथा वातावरण मन्त्री शक्तिबहादुर बस्नेतको निर्णय क्षमताको प्रभाव मन्त्रालयका नीतिगत तथा दैनिक काम–कारबाहीहरूमा पर्ने गरेको स्रोतको भनाइ छ । उनको निर्णय क्षमताको अभावका कारण मन्त्रालयका काम–कारबाहीसम्बन्धी निर्णयहरू छिटोछरितो र प्रभावकारी रूपमा सम्पादन हुन नसकेको कर्मचारीहरूको गुनासो रहेको छ ।

उता उनकै नेतृत्व क्षमताको अभावका कारण वन तथा वातावरण सचिव डा. विश्वनाथ ओलीले समेत उनलाई टेर्न छाडेको खबर छ । ओली थरका भएकाले सचिव डा. विश्वनाथले ओली समाजमार्फत प्रधानमन्त्री केपी शर्मा ओलीसंगको निकटता देखाउँदै मन्त्रालयमा आफ्नो प्रभाव र वर्चस्व कायम गर्न सफल भएको र मन्त्री बस्नेतको असक्षमताको भरपूर फाइदा उठाउन खोजिरहेको बताइन्छ ।

उनी वन तथा वातावरण मन्त्रालयसंग सम्बन्धित महŒवपूर्ण नीतिगत र प्रशासनिक कामहरूका सम्बन्धमा मन्त्री बस्नेतलाई ‘बाइपास’ गर्दै सीधै प्रधानमन्त्री ओली कहाँ ‘ब्रिफिङ’ गर्ने तथा सरसल्लाह गर्न पुग्ने गरेको पाइएको छ । त्यो त सचिव ओलीलाई प्रधानमन्त्रीकै निर्देशनमा वन तथा वातावरण मन्त्रालय हाँकिरहेको आरोप समेत लाग्ने गरेको छ ।

वन तथा वातावरण मन्त्री शक्तिबहादुर बस्नेतको नेतृत्व क्षमता र कार्यशैलीका कारण मन्त्रालयको सचिवसहित वरिष्ठ सहसचिवहरूले समेत असहयोग गर्ने गरेको स्रोतको भनाइ छ । उनलाई मन्त्रालयमा पूर्वमाओवादी पृष्ठभूमिका कनिष्ठ सहसचिव यज्ञनाथ दाहाललगायतका केही कर्मचारीहरूको मात्र खुलेर सहयोग रहने गरेको स्रोत बताउँछ ।

सहसचिव दाहाललाई मन्त्रालयको महत्वपूर्ण महाशाखा मानिने वातावरण तथा जैविक विविधता महाशाखा प्रमुखको जिम्मेवारी दिइएको छ । यसका अतिरिक्त राष्ट्रिय प्रकृति संरक्षण कोषको दैनिक आर्थिक तथा प्रशासनिक कामहरू हेर्ने गरी सदस्य सचिवका रूपमा समेत कामकाज गर्ने गरी तोकिएकाले दाहाल मोजमस्तीमा रहेका छन् ।

यसबाट मन्त्रालयका वरिष्ठ सहसचिवहरू योजना अनुगमन तथा समन्वय महाशाखा प्रमुख डा. सिन्धुप्रसाद ढुंगाना, जलवायु परिवर्तन व्यवस्थापन महाशाखा प्रमुख डा. महेश्वर ढकाल, सहभागितामूलक वन व्यवस्थापन महाशाखा प्रमुख चन्द्रमान डंगोल र वन तथा जलाधार महाशाखा प्रमुख कृष्णप्रसाद आचार्य असन्तुष्ट रहेको समाचार स्रोतको भनाइ छ ।

महेश आचार्य र शंकर भण्डारी वनमन्त्री हुँदा राम्रै कमाइधमाइ गर्न सफल कृष्णप्रसाद आचार्य अहिले भूमिकाविहीन जस्तै भएका छन् । आफूलाई निकै चलायमान र गतिशील मान्ने र निर्णय÷अवसरमा सधैं हावी हुने स्वभावका सहसचिवद्वय डा. ढकाल र आचार्यको भूमिका केही समययता खुम्चिदै गएको स्रोतले उल्लेख गरेको छ ।

राष्ट्रिय प्रकृति संरक्षण कोष ऐन, २०३९ बाट स्वायत्त संस्थाका रूपमा स्थापित राष्ट्रिय प्रकृति संरक्षण कोषजस्तो प्राकृतिक सम्पदाको संरक्षण, जैविक विविधता, वनस्पतिरवन्यजन्तु संरक्षण र पर्यावरण संरक्षण क्षेत्रमा काम गर्ने अति नै महत्वपूर्ण संस्थालाई कोषको अध्यक्षका हैसियतले वन तथा वातावरण मन्त्री बस्नेतले अहिलेसम्म पूर्णकालीन र विषयविज्ञ सदस्य सचिव नियुक्त गर्न

नसकेर कोषको भविष्य नै अन्योलग्रस्त बनाउनतिर लागेको आरोप उनीमाथि लाग्न थालेको छ । त्यसो त मन्त्री बस्नेतले आफ्नो सचिवालयमा रहेका आसेपासे र कार्यकर्ताहरूलाई समेत कोषमा भएका स्रोत–साधन र सवारी साधनहरूको दुरुपयोग गर्न सजिलो पार्ने नियतका साथ पनि व्यावसायिक र क्षमतावान् व्यक्तिलाई सदस्य सचिव नियुक्ति गर्न नचाहेको भन्ने आशंका समेत सिर्जना भएको छ ।

कोषमा विगत आठ महिनादेखि पूर्णकालीन सदस्य सचिव नियुक्त हुन सकेको छैन । कोषलाई यथास्थितिमा नै सञ्चालन गर्दा मनपरी गरेर आफ्नो स्वार्थमा प्रयोग गर्न सक्ने सोच मन्त्री बस्नेतमा रहेको बताइन्छ । मन्त्री बस्नेतले मन्त्रालयका सानातिना तर महत्वपूर्ण फाइलहरू समेत समयमै सदर नगर्ने गर्दा मर्का पर्ने गरेको बताइन्छ । उनका पीएहरूबाट समेत फाइल अड्काउने गरेको गुनासो रहेको छ ।

मन्त्री बस्नेतले मन्त्रालयको महत्वपूर्ण कामकारबाही थाती राखेर कम महत्वका कार्यहरूमा समेत योजना बनाएर प्रदेश र जिल्लाहरूको भ्रमण गर्ने गरेको स्रोतले उल्लेख गरेको छ । सरकारका केही मन्त्रीहरू परिवर्तन हुने चर्चा भइरहेका बेला पार्टी नेतृत्वको चाकडी–चाप्लुुसी गरेर वन तथा वातावरण मन्त्रालयको जिम्मेवारी हात पार्न सफल भएका बस्नेतका दिनगन्ती सुरु भएका हुन् त ?  साँघुन्यूजबाट

प्रतिक्रिया

कमेन्ट लेख्नुहोस्

तपाईंको इमेल ठेगाना प्रकाशित हुनेछैन। आवश्यक फिल्डहरू चिन्ह लगाइएका छन् *

कुल कमेन्ट: 0
यो खबर पढेर तपाईंलाई कस्तो महसुस भयो ?

यो पनि पढौँ

आचारसंहितामा कडाइ, उल्लंघन गर्नेलाई फिल्डबाटै कारबाही
आचारसंहितामा कडाइ, उल्लंघन गर्नेलाई फिल्डबाटै कारबाही
भारतमा भारी वर्षाका कारण कम्तीमा २४ जनाको मृत्यु
भारतमा भारी वर्षाका कारण कम्तीमा २४ जनाको मृत्यु
बझाङको दौलीचौर केन्द्रविन्दु भएर भूकम्प
बझाङको दौलीचौर केन्द्रविन्दु भएर भूकम्प
म बिरुद्द फेरि कुप्रचार सुरु भयो बामदेब गौतम ।
म बिरुद्द फेरि कुप्रचार सुरु भयो बामदेब गौतम ।
हुवावेका अधिकारी पक्राउबारे क्यानडा सरकारको संलग्नता नरहेको दावी
हुवावेका अधिकारी पक्राउबारे क्यानडा सरकारको संलग्नता नरहेको दावी
बोक्सी भन्दै किशोरीलाई नारी दिवसकै दिन कुटे
बोक्सी भन्दै किशोरीलाई नारी दिवसकै दिन कुटे
पुर्व डी.आई.जी. नवराज सिलवाल एमाले प्रवेश गर्दै !
पुर्व डी.आई.जी. नवराज सिलवाल एमाले प्रवेश गर्दै !
सम्माननिय परराष्ट्रमन्त्री कृष्णबहादुर महरालार्इ मलेसियाबाट नेपाली कामदारको खुल्लापत्र !
सम्माननिय परराष्ट्रमन्त्री कृष्णबहादुर महरालार्इ मलेसियाबाट नेपाली कामदारको खुल्लापत्र !
डिप्रोक्स लघुवित्तको १८औ स्थापना दिवसको अबसरमा रक्तदान कार्यक्रम
डिप्रोक्स लघुवित्तको १८औ स्थापना दिवसको अबसरमा रक्तदान कार्यक्रम
काठमाडौं उपत्यकामा ८ जनाको कोरोना संक्रमणबाट मृत्यु (विवरणसहित)
काठमाडौं उपत्यकामा ८ जनाको कोरोना संक्रमणबाट मृत्यु (विवरणसहित)

तपाईंले छुटाउनुभयो कि?