भागबन्डा गरेपछि प्रदेशमा मुख्य पद कसले समाल्ने !

Abhiyanpost Abhiyanpost
|
बिहिबार, माघ १८, २०७४
|
|
५७ पटक हेरिएको
Shares

सारांश

  • काठमाडौं, माघ १८- एमाले र माओवादी केन्द्रले भागबन्डा गरेपछि प्रदेश सरकारका मुख्य–मुख्य पद कसले समाल्ने भन्ने चर्चा सुरु भएको छ ।
  • मुख्यमन्त्री, सभामुख र उपसभामुखबारे दुई दलले सहमति गरे पनि व्यक्तिमा सहमति जुटिसकेको छैन ।
  • त्यस्तै मन्त्रालय बाँडफाँटको टुंगो पनि लागेको छैन ।

काठमाडौं, माघ १८- एमाले र माओवादी केन्द्रले भागबन्डा गरेपछि प्रदेश सरकारका मुख्य–मुख्य पद कसले समाल्ने भन्ने चर्चा सुरु भएको छ । मुख्यमन्त्री, सभामुख र उपसभामुखबारे दुई दलले सहमति गरे पनि व्यक्तिमा सहमति जुटिसकेको छैन । त्यस्तै मन्त्रालय बाँडफाँटको टुंगो पनि लागेको छैन ।

भागबन्डाअनुसार प्रदेश ४ मा एमालेले मुख्यमन्त्री पाउनेछ । त्यस्तै सभामुख माओवादी र उपसभामुख एमालेले पाउने सहमति भएको छ । भागबन्डामा सहमति भए पनि व्यक्तिमा सहमति जुटिनसक्दा आकांक्षी बढिरहेका छन् । प्रदेशसभा सदस्यले सभामुख र मन्त्रीमा आकांक्षा देखाई आआफ्नो पार्टीमा लबिङ सुरु गरिसकेका छन् ।

गठबन्धन सहमतिअनुसार मुख्यमन्त्री नपाउने भएपछि माओवादी केन्द्रका सदस्यले सभामुख बन्न लबिङ सुरु गरेका छन् । प्रमुख मन्त्रालयको नेतृत्व आफूले पाउनुपर्ने उनीहरुको भनाइ छ । कास्कीका प्रदेशसभा सदस्य रामजीप्रसाद बरालले माओवादी केन्द्रले पाएको अवस्थामा गृह मन्त्रालयको नेतृत्व गर्न आफू इच्छुक रहेको बताए । ‘मेरो पहिलो प्राथमिकता मन्त्री हो । त्यसमा पनि गृह मन्त्रालय पाउनुपर्छ भन्ने छ,’ बरालले भने, ‘मन्त्री नपाएको खण्डमा मात्र सभामुख स्वीकार गर्ने हो ।’ पार्टी निर्णयअनुसार चल्ने भए पनि आफूले पहिलो प्राथमिकता मन्त्री र त्यसमा पनि गृह चाहेको उनले बताए ।

उनको बुझाइमा मन्त्री पद काम गरेर देखाउने ठाउँ हो । ‘जनताका लागि काम गर्छाैं भनेर आएका छौं । जनतासमक्ष बाचा पनि गरेको छु । ती बाचा पूरा गर्न पनि मैले मन्त्री चाहेको हुँ,’ उनले भने, ‘तर सभामुख पनि कमजोर पद होइन । जनताबीच जान अलि अप्ठेरो भएकाले मन्त्रालयको नेतृत्व गर्न चाहेको हुँ ।’ बरालका अनुसार माओवादी केन्द्रले प्रदेशमा दुई मन्त्रालय पाउने सम्भावना छ । सभामुख र दुई मन्त्री पाउँदा आफूले एउटा पाउनुपर्ने दाबी उनको छ ।

एमालेबाट विजयी प्रदेशसभा सदस्य कृष्ण थापाले वरिष्ठताका आधारमा आफूले प्रदेशको मुख्य मन्त्रालय पाउनुपर्ने बताएका छन् । ‘म प्रदेशभित्रको उत्कृष्ट पाँचभित्र पर्छु । मसँग स्थानीयदेखि अन्तर्राष्ट्रियस्तरको अनुभव छ,’ उनले भने, ‘त्यस कारण पनि मैले मुख्य मन्त्रालय पाउनुपर्छ ।’ उनले गृह प्रशासन समाल्न आफू इच्छुक रहेको बताए । ‘हुन त अहिलेसम्म कसले के पद पाउने भन्ने निर्णय भइसकेको छैन । शीर्ष नेताहरुले यसबारे निर्णय गर्नेछन्,’ उनले भने, ‘नेता कार्यकर्ताको मूल्यांकन हुनुपर्छ भन्ने हो । मन्त्रालयको टुंगो लगाउँदाको अवस्थामा मैले गृह पाउनुपर्छ ।’ अनुभवका हिसाबले गृहबाहेक भौतिक योजना र सहरी विकास तथा तेस्रो प्राथमिकतामा स्वास्थ्य मन्त्रालय आफ्नो रोजाइमा परेको थापाले बताए । ‘समय अझै बाँकी नै छ । अहिलेसम्म संसदीय दलको नेता चुनिएपछि बल्ल मुख्यमन्त्री बनेपछि प्रक्रिया अघि बढ्छ,’ उनले भने ।

प्रतिक्रिया

कमेन्ट लेख्नुहोस्

तपाईंको इमेल ठेगाना प्रकाशित हुनेछैन। आवश्यक फिल्डहरू चिन्ह लगाइएका छन् *

कुल कमेन्ट: 0
यो खबर पढेर तपाईंलाई कस्तो महसुस भयो ?

यो पनि पढौँ

Ways to Keep long Distance Romantic relationship Strong
न्यूनतम साझा कार्यक्रमकै आधारमा जसपा सरकारमा सहभागि हुने
न्यूनतम साझा कार्यक्रमकै आधारमा जसपा सरकारमा सहभागि हुने
सुनको मूल्य बढ्यो, बिहिबार कतिमा हुदैछ कारोबार
सुनको मूल्य बढ्यो, बिहिबार कतिमा हुदैछ कारोबार
सिंहदबारभित्रै मर्ने पीडित कर्मचारीहरुको चेतावनी
सिंहदबारभित्रै मर्ने पीडित कर्मचारीहरुको चेतावनी
सवा चार करोडमा यस्तो बन्दै छ कपुरकोट गाउँपालिकाको भवन
सवा चार करोडमा यस्तो बन्दै छ कपुरकोट गाउँपालिकाको भवन
अध्यक्ष नेपाल भन्छन् :नक्कली शरणार्थी प्रकरणका दाेषीलाई कारबाही गर्न खट्टा कमाउनुहुँदैन
अध्यक्ष नेपाल भन्छन् :नक्कली शरणार्थी प्रकरणका दाेषीलाई कारबाही गर्न खट्टा कमाउनुहुँदैन
दुई वर्ष मन्त्री भइसकेका अधिकांशलाई हटाउने गरी मन्त्रीमण्डल पुर्नगठनको तयारी
सडक मर्मत अन्तिम चरणमा: पृथ्वी राजमार्गको परेवा भीर आज साँझदेखि खुलाउने तयारी
सडक मर्मत अन्तिम चरणमा: पृथ्वी राजमार्गको परेवा भीर आज साँझदेखि खुलाउने तयारी
पेटिकाेट प्रदर्शनमा प्रहरीकाे हस्तक्षेप
पेटिकाेट प्रदर्शनमा प्रहरीकाे हस्तक्षेप
फेसबुकमा चरित्रहत्या गरेको भन्दै नवीना लामाद्वारा प्रहरीमा उजुरी !
फेसबुकमा चरित्रहत्या गरेको भन्दै नवीना लामाद्वारा प्रहरीमा उजुरी !

तपाईंले छुटाउनुभयो कि?