मन्त्रालय भागवण्डा टुंगाउन वाम गठबन्धन र फोरम नेताहरु आज वैठक बस्दै

शिखरन्यूज, काठमाडौं, २० फागुन- सरकारमा सामेल गराउने विषयमा वाम गठबन्धन र संघीय समाजवादी फोरमका शीर्ष नेताहरुबीच वैठक हुँदैछ । आज आइतबार प्रधानमन्त्री निवास बालुवाटारमा बिहान ११ बजेदेखि छलफल हुने नेताहरुले बताएका छन् ।

प्रधानमन्त्री केपी ओली, माओवादी केन्द्रका अध्यक्ष प्रचण्ड र फोरमका उपेन्द्र यादवस सहितको वैठक बस्न लागेको हो । फोरमलाई सरकारमा ल्याएर दुई तिहाइ पुर्याउने कसरतमै बाम गठबन्धन देखिएको छ । यस अघि भएको छलफलमा संविधान संशोधनको विषयमा सहमति भएपनि मन्त्रालय भागबण्डामा सहमति जुट्न सकेको छैन ।

फोरमले दुई मन्त्री र एक राज्यमन्त्री सहित तीनजना सहित प्रतिनिधिसभामा उपसभामुखको माग राख्दै आएको छ । तर वाम गठबन्धनले भने २ मन्त्रालय सहित उपसभामुख दिएर मनाउने तयारी गरेको बुझिएको छ । आज बस्ने संयुक्त बैठकबाट निश्कर्ष निस्केमा प्रधानमन्त्री ओलीले मन्त्रिपरिषदलाई पूर्णता दिने तयारी रहेको बताइएको छ ।