जलाउन ठीक्क पारिएको चिताको शव र मलामी प्रहरीद्धारा पक्राउ

Abhiyanpost Abhiyanpost
|
बुधबार, चैत्र ७, २०७४
|
|
५४ पटक हेरिएको
Shares
जलाउन ठीक्क पारिएको चिताको शव र मलामी प्रहरीद्धारा पक्राउ

सारांश

  • रौतहटमा जलाउन चितामा राखेको महिलाको शव हत्या आशंकामा प्रहरीले मंगलबार बिहान नियन्त्रणमा लिएको छ ।
  • चार मलामी पक्राउ गरिएका छन् ।
  • कटहरिया नगरपालिका–५ का विजय साह सोनारकी श्रीमती राजकुमारी देवीको शव प्रहरीले लालबकैया खोलास्थित घाटबाट नियन्त्रणमा लिएको हो ।

रौतहटमा जलाउन चितामा राखेको महिलाको शव हत्या आशंकामा प्रहरीले मंगलबार बिहान नियन्त्रणमा लिएको छ । चार मलामी पक्राउ गरिएका छन् ।

कटहरिया नगरपालिका–५ का विजय साह सोनारकी श्रीमती राजकुमारी देवीको शव प्रहरीले लालबकैया खोलास्थित घाटबाट नियन्त्रणमा लिएको हो । शव नियन्त्रणमा लिने क्रममा प्रहरी र मलामीबीच केहीबेर झडपसमेत भएको थियो । स्थानीयले श्रीमान्को कुटाइबाट मृत्यु भएकी महिलाको हतारहतार अन्त्येष्टि हुन लागेको सूचना दिएपछि प्रहरी घाट पुगेको रौतहटका प्रहरी प्रमुख एसपी यज्ञविनोद पोखरेलले बताए ।

घटनामा संलग्न भएको आशंकामा मृतकका भाइ कटहरिया–५ का भन्टु साह, भान्जा रामबालक साह र रौतहट राजदेवी गाउँपालिका–३ का राजकिशोर साह र सुुरेश साह पक्राउ परेको इलाका प्रहरी कार्यालय कटहरियाले जनाएको छ । मृतकका आफन्तले घटना लुकाउन खोजेको आरोपमा पक्राउ गरेको प्रहरीको भनाइ छ । श्रीमान् विजय साह भने फरार छन् ।

साहले हत्यापछि श्रीमतीका आफन्तलाई समेत प्रलोभनमा पारेको एसपी पोखरेलले बताए । स्थानीयलाई उद्धृत गर्दै प्रहरीले जनाएअनुसार सोमबार राति साह र श्रीमती राजकुुमारीबीच झगडा भएको थियो । साहले स्थानीय कटहरिया बजारमा लोकल रक्सी र मासुको पसल राखेका छन् । उनले मदिरा खाएको विषयमा राति ९ बजेपछि श्रीमान् श्रीमतीको झगडा परेको थियो ।

मृतकको घाँटीमा नीलडाम देखिएको प्रहरीले जनाएको छ । घाटछेउबाट दुई बोतल पेट्रोल र पाँच केजी चिनी पनि बरामद गरेको प्रहरीले जनाएको छ ।

मृतकका कोही पनि आफन्त किटानी जाहेरी दिन नआएको जिल्ला प्रहरी कार्यालय रौतहटले जनाएको छ । प्रहरीले चिताबाट उठाएर लगेको शव फिर्ता माग्दै जिल्ला प्रहरी कार्यालय गौर पुगेका रामप्रवेश साह सोनारलाई पनि प्रहरीले पक्राउ गरेको छ ।

उनी विजयका भाइ हुन् । शव जिल्ला अस्पताल गौरको शवगृहमा राखिएको छ ।  साह र राजकुमारी देवीको १० वर्ष पहिला विवाह भएको थियो । उनीहरूका दुई छोरा र दुई छोरी छन् ।

प्रतिक्रिया

कमेन्ट लेख्नुहोस्

तपाईंको इमेल ठेगाना प्रकाशित हुनेछैन। आवश्यक फिल्डहरू चिन्ह लगाइएका छन् *

कुल कमेन्ट: 0
यो खबर पढेर तपाईंलाई कस्तो महसुस भयो ?

यो पनि पढौँ

‘मिस्टर वल्र्ड २०१९’ नेपालको प्रतिनिधित्व अक्षय रायमाझीले गर्ने
‘मिस्टर वल्र्ड २०१९’ नेपालको प्रतिनिधित्व अक्षय रायमाझीले गर्ने
एकाअर्कालाई व्यंग्य गर्दै मन्चमै दीपाश्री र माग्नेबुढाको झगडा (हेर्नुस भिडियो)
एकाअर्कालाई व्यंग्य गर्दै मन्चमै दीपाश्री र माग्नेबुढाको झगडा (हेर्नुस भिडियो)
कलंकी चोकमा ट्राफिक प्रहरीको दादागिरीः लछार्दै बाइक चालकलाई यसरी कुटे
कलंकी चोकमा ट्राफिक प्रहरीको दादागिरीः लछार्दै बाइक चालकलाई यसरी कुटे
मानवअधिकार आयोगलाई बलियो बनाउने प्रधानमन्त्री दाहालको प्रतिवद्धता
मानवअधिकार आयोगलाई बलियो बनाउने प्रधानमन्त्री दाहालको प्रतिवद्धता
कान्छो आरोहीको रुपमा विश्व रेकर्ड राखेका शम्भु तामाङको निधन
कान्छो आरोहीको रुपमा विश्व रेकर्ड राखेका शम्भु तामाङको निधन
एमाले अध्यक्ष ओली जन्मजिल्लाका सर्वसाधारणसँग छलफलमा
एमाले अध्यक्ष ओली जन्मजिल्लाका सर्वसाधारणसँग छलफलमा
आज राष्ट्रपतिलाई प्रधानन्यायाधीशले सपथ दिलाउने
आज राष्ट्रपतिलाई प्रधानन्यायाधीशले सपथ दिलाउने
देशमा वैकल्पिक शक्तिको आवश्यकता झनै बढ्दै : डा. भट्टराई
देशमा वैकल्पिक शक्तिको आवश्यकता झनै बढ्दै : डा. भट्टराई
लिग २ : नेपाल ३७ रनले अमेरिकासँग पराजित
लिग २ : नेपाल ३७ रनले अमेरिकासँग पराजित
कर्मचारीको तलब बढ्ने, वृद्धभत्ता ५ हजार पुर्याउने गरी बजेट बनाइदै !

तपाईंले छुटाउनुभयो कि?