प्रदेश ४ को नामको लागि चार वटा नाम सिफारिश

Abhiyanpost Abhiyanpost
|
सोमबार, जेठ २१, २०७५
|
३
|
५४ पटक हेरिएको
Shares
प्रदेश ४ को नामको लागि  चार वटा नाम सिफारिश

सारांश

  • पोखरा , २१ जेठ ।
  • प्रदेश ४ को स्थायी राजधानी पोखरामा रहने निश्चित भएको छ ।
  • प्रदेश राजधानी तथा नामांकन विषयक समितिले सोमबारको प्रदेशसभा बैठकमा प्रतिवेदन पेश गर्दै प्रदेशको नामांकन विषयमा प्राथमिकताका आधारमा विभिन्न ४ वटा नाम पनि सिफारिश गरेको छ।

पोखरा , २१ जेठ । प्रदेश ४ को स्थायी राजधानी पोखरामा रहने निश्चित भएको छ ।

प्रदेश राजधानी तथा नामांकन विषयक समितिले सोमबारको प्रदेशसभा बैठकमा प्रतिवेदन पेश गर्दै प्रदेशको नामांकन विषयमा प्राथमिकताका आधारमा विभिन्न ४ वटा नाम पनि सिफारिश गरेको छ।

समितिका सभापति (ज्येष्ठ सदस्य) बिन्दुकुमार थापाले विभिन्न क्षेत्रबाट संकलित रायसुझावका आधारमा राजधानी र नामांकन विषयमा प्रतिवेदन प्रस्तुत गरेका थिए । राजनीतिक दल, संघसंस्था, विद्धान, आम नागरिक, प्रदेशको समृद्धि र उन्नती चाहने सबैको रायसुझाव र समितिका सदस्यबाट स्थलगत रायसुझावलाई आधार मानि प्रदेशको राजधानी पोखरा तोक्न सिफारिश गरिएको हाे ।

त्यसैगरी प्रदेशको नाम प्राथमिकताको आधारमा पहिलो गण्डकी, दोस्रो तमुवान मगराँत, तेस्रो गोरखा र चौथो धौलागिरी सिफारिश गर्दै समितिले संवैधानिक व्यवस्था बमोजिम निर्णय हुन उपयुक्त देखिने जनाएको छ । साथै राजनीतिक दलबाट प्राप्त सुझावका आधारमा भने राजधानी पोखरा र प्रदेशको नाम गण्डकी राख्न समितिले सिफारिश गरेको छ । संविधानको धारा २८८ उपधारा २ बमोजिम प्रदेशको राजधानी सम्बन्धित प्रदेश सभामा तत्काल कामय रहेका सदस्यको दुई तिहाई बहुमतबाट निर्णय हुनुपर्ने व्यवस्था छ । त्यसैगरी धारा २९५ उपधारा २ बमोजिम प्रदेशको नामकरण प्रदेशसभाको सम्पूर्ण सदस्यको दुई तिहाई बहुमतबाट हुने व्यवस्था छ ।

सुझाव संकलनमा सहभागीमध्ये ९३।८७ प्रतिशत्‌ले राजधानी पोखरा राख्न सुझाएका थिए । साथै ३।९९ प्रतिशत्‌ले गोरखा र अन्य स्थानकालागि २।१३ प्रतिशत्‌ले सुझाव दिएका थिए । ११ जिल्लाबाटै प्रदेश राजधानी पोखरा रहनुपर्नेमा एकमत रहेको थापाले बताए । राजनीतिकरुपमा पनि पोखराको विरोध भएको छैन ।

यसैगरी प्रदेशको नामकरण विषयमा ४५.४० प्रतिशतले गण्डकी ३४.१२ ले तमुवान मगराँत, ९.४५ ले गोरखा र २.८९ प्रतिशत्‌ले धौलागिरी राख्नुपर्ने सुझाव दिएकाका आधारमा चारै नाम सिफारिश गरेको हो । ११ मध्ये ८ जिल्लाबाट गण्डकी र तीन जिल्लाबाट तमुवान मगराँतको माग आएको थियो । प्रदेशको नाम हिमाल, अन्नपूर्ण र माछापूच्छ्रे लगायत राख्नुपर्ने सुझाव पनि आएको थियो ।

गत चैत १२ को प्रदेशसभाको बाह्रौ बैठकबाट समितिको गठन भएको थियो । एक महिनाको अवधि रहे पनि दुईपटक गरी ४० दिनको समय थपिएको थियो । समितिले प्रदेशका ११ वटै जिल्ला पुगी जनप्रतिनिधि, संघसंसस्था, आम नागरिक, पत्रकार, उद्योगी, व्यवसायी र कानुन व्यवसायीलगायतसंग अन्तरक्रिया र रायसुझाव लिएको थियो । साथै विज्ञको समेत सहयोग लिएको थियो ।

समितिमा थापासहित कृष्ण थापा, चन्द्रबहादुर बुढा, दीपक कोइराला, धनन्जय दवाडी, भगवत्प्रकाश मल्ल, मधुमाया अधिकारी गुरुङ, मिनप्रसाद गुरुङ, सरीता गुरुङ, सावित्रा राना र हरिशरण आचार्य सदस्य थिए । रायसुझाव संकलन गरी संसदमा प्रतिवेदन पेश गर्नुपर्ने म्यान्डेट समितिलाई दिइएको थियो । राजधानीमा विवाद नभए पनि नामाकरणका विषयमा भने जातिय आधारमा नामाकंन हुनु पर्ने र त्यसको बिरोधमा आवाजहरु उठिरहेका छन् ।

प्रतिक्रिया

3 कमेन्ट

    Comment Author

    Shiva Pd Mishra

    गण्डकी उपयूक्त

    Comment Author

    Banshi Thakuri

    Magar ra gurunko matra pewa hor no. 4 prades tamuwan magarat prades rakhn lai

    Comment Author

    Shyam Shrestha

    Gandaki hunuparxa

कमेन्ट लेख्नुहोस्

तपाईंको इमेल ठेगाना प्रकाशित हुनेछैन। आवश्यक फिल्डहरू चिन्ह लगाइएका छन् *

कुल कमेन्ट: 3
यो खबर पढेर तपाईंलाई कस्तो महसुस भयो ?

यो पनि पढौँ

फिफा विश्वकप: आज अर्जेन्टिना र क्रोएसिया सेमिफाइनलमा भिड्दै
फिफा विश्वकप: आज अर्जेन्टिना र क्रोएसिया सेमिफाइनलमा भिड्दै
राप्रपा प्रजातान्त्रिकले एक सिट पनि नजित्ने संभावना प्रबल, राष्ट्रिय पार्टी बन्नबाट ‘रिङ् आउट’ !
राप्रपा प्रजातान्त्रिकले एक सिट पनि नजित्ने संभावना प्रबल, राष्ट्रिय पार्टी बन्नबाट ‘रिङ् आउट’ !
पोखरा प्रिमियर लिग: पोखरा पल्टनलेले पायाे एकसय ४ रनकाे लक्ष्य
पोखरा प्रिमियर लिग: पोखरा पल्टनलेले पायाे एकसय ४ रनकाे लक्ष्य
भक्सवागनले सात हजार कर्मचारी हटाउने
भक्सवागनले सात हजार कर्मचारी हटाउने
सिमित कलाकारहरु मात्रै लिएर अमेरिकामा “ग्लोबल नेपाली फिल्म अवार्ड”
सिमित कलाकारहरु मात्रै लिएर अमेरिकामा “ग्लोबल नेपाली फिल्म अवार्ड”
निर्वाचन प्रचारको आज अन्तिम दिन, राति १२ बजेदेखि मौन अवधि शुरु हुने
निर्वाचन प्रचारको आज अन्तिम दिन, राति १२ बजेदेखि मौन अवधि शुरु हुने
पाल्पामा अज्ञात रोगबाट चारजनाको मृत्यु
पाल्पामा अज्ञात रोगबाट चारजनाको मृत्यु
बैंकको किस्ता तिर्न सकेनौ, लिनुहोस १५५ गाडीको चाबी
बैंकको किस्ता तिर्न सकेनौ, लिनुहोस १५५ गाडीको चाबी
पाँच सय स्वयंसेवक राष्ट्रिय मान्यताबाट वञ्चित
पाँच सय स्वयंसेवक राष्ट्रिय मान्यताबाट वञ्चित
राष्ट्रियसभा सदस्यमा मनोनयन नगरिएकामा निवेदन
राष्ट्रियसभा सदस्यमा मनोनयन नगरिएकामा निवेदन

तपाईंले छुटाउनुभयो कि?